"الفداء"

بارت 1

تسللت أشعة الشمس لواحد الغرفة لي كانت كلها مربولة لحوايج مليوحين لقراعي ديال الموناضة فكل بلاصة الطبلة لي حدا السرير البسيط عامرة كَارو والتلفازة شاعلة من اليلة ديال لبارح
دخلات واحد المرأة تكون في الأربعينات من عمرها
ولكن وخا هكاك مزال جمالها فتان
بقات كتدور عينيها فالغرفة كتقلب على الشيء لي بغات ولكن السرير كان خاوي دخلات للحمام حتا هو نفس الشيء خاوي خرجات من الحمام وتمات خارجة حدها غتخرج وهي تسمع صوت الشخير جاي من جنب السرير دارت ومشات كتقلب على مصدر الصوت
...اوف اوف منك يا هاد البنت شحال من مرة كنقول ليك متبقايش تقصري كتر من القياس اوف
وقفات وتمات راجعة للحمام عمرات سطل ديال الما بارد وكباتو كامل على بنتها لي ناعسة ومفاقت إلى على السطل لي تكب عليها
...ماماااااااااا ياك قلت ليك متبقايش تفيقيني هكااا
...هىء كتغوتي عليا ياك الشيطانة 
... اوف اوف وا نور صافي بعدي مني معنديش الكَانة دبا
نور:(كتمتل البكاء )هىء هىء ياك انورسين انا لي طلقتك عليا ورخفت عليك نتي وديك بو ركابي
نورسين:(هزات راسها من الأرض حالة عين ومغمضة عين )اوووف ماما طلقينا دوي شنو باغا بلا دخول وخروج فالهدرة
نور:(غيرات ملامحها لجدية وقالت )رضوان ولد عايشة
نورسين:وعيقتو بهاد رضوان رضوان كل ما نفيق رضوان مال هاد رضوان اشمن كارتة دار تاني
نور: داوه لبوليس
نورسين:(ناضت جلست حدا مها )علاش ياك ما حصلوه
نور: داك الشي اللي فبالك هو لي وقع لقاو عندو الحشيش فالجيب ديال الشنطة
نورسين: وايلي الخوادري فين هو
نور: راه خرج فالصباح يجري..شنو دبا غتفكيه ولا نشوف مع ياسين
نورسين:وصافي انا غنخرجو
نور: كلمة دالرجال
نورسين:لا حول ولا قوة الا بالله عندي كلمة وحدة
نور:يلاه نوضي دوشي هنا نوجد ليك الحوايج
نورسين: لا غير بلا متعدبي غنجبدهوم لراسي
نور: اوك وسربي راه وجدت ليك دوك المسمنات لي كيعجبوكم
نورسين: الوليدة ياك تنقول ليك عطي الراحة لراسك ديك الخدامة شتدير
نور: وصافي بلا ماتعصبي راك عارفاني كيعجبني تاكلو من يدي 😞
نورسين: وصافي بلا ماتحزني عليا عاود راك عارفاني دغيا كنتعصب
نور:الصمت
نورسين:وماما.... شوفي هبطي لتحت وانا غنتبعك اوك
نور:اوك
نورسين:شوفي منين غنجي نلقاك واجدة
نور:علاش فين غنمشيو
نورسين: غنمشيو للمول
نور:كتضحكي عليا عمرك معطيتيني لكارط بونكيغ ديالك
نورسين: اوا دبا غنعطيها لك وتقداي لي بغيتي
نور:(ناضت كتنقز )ياااااااي ياااس
نورسين:(بقات واقفة مصدمة)ويلي يا ماما لي يشوفك هكدا تقول عمرني معطيتك لفلوس
نور:(وقفات من التنقاز ودارت عندها كتضحك )وايه دائما كتعطيني ولكن ماشي بحال لكارط بونكيغ
نورسين:(ضحكات بصوت عالي)هههههههه اوف اه ضحكتيني اماما وليتي بحال شي بنت فعمرها 5سنين هههههه(قربات عندها وباست ليها راسها ونطقت ) الله يخليك لينا ونبقاو نشوفو هاد الضحكة كل صباح
نور:(دمعو عينيها )الله يخليكم ليا... يلاه نوضي دوشي انا غنهبط نشوف ياسين واش جا
نورسين:اوك
"خرجات نور من البيت وسدات الباب موراها نورسين حدها سمعت صوت الباب تسد وهي تجمع ابتسامتها وجمعات الوقفة دخلات للحمام دوشات بالماء بارد منين سلات خرجات للبيت وجلست على السرير غير بالبينوار ودارت راسها بين يديها بقات كتفكر كفاش غتخرج رضوان من عند البوليس طرطقات عنقها جوج طرطيقات ووقفات لبست عليها سروال كحل ديال الجلد وتريكو نص كم كحل وجاكيت كحل حتا هو ديال الجلد و صباط طاون جلد وجمعات شعرها كوتشوفال وهزات تليفونها وبزطامها ونضاضرها وهبطات للتحت لقات ياسين كيتفرج فالتيلي ونور كتوجد فالطبلة باش يفطرو لقات السلام وجلسات حدا ياسين
نورسين:صباح الخير
ياسين:(بدون ميهز راسو من التيلي )صباح النور
نورسين:(قربات عند ياسين ونطقات )مال الزين كاعي
ياسين:(خنزر فيها )مماليش
نورسين:(خنزرات فيه حتا هي)ومالك كتقولها منفخ(سكتات شوية وعاودت هضرت )ياك ما الحب مكتجاوبش هههه
ياسين:(شاف فيها وعينيه بحال الجمر ومجاوبش )
نورسين(جمعات الضحكة وشافت فيه )مالك شنو واقع؟!
ياسين:مماليش صافي بعدي مني هاد الساعة
نورسين:ياسين مالك
ياسين:(بقا ساكت وكشوف فيها بغضب وعاد نطق )السلعة
نورسين:مالها السلعة
ياسين:(شاف نور جايا وهو ينطق بالروسية باش متفهمهومش )Товар все еще доставлен
[السلعة مزال موصلت ]
نورسين:(نطقات بعصبية)Почему товар все еще доставлен, почему ты смеешься надо мной?
[كفاش السلعة مزال موصلت واش تتهبلو عليا ]
ياسين:Оно собиралось в Колумбию, но банда людей его украла и наши жемчужины съели его.
[كانت غادية لكولومبيا ولكن العصابة ديال التعلب سرقوها والدراري ديالنا كلاوها ]
نورسين:(شافت فيه وضحكات )Ха-ха-ха-ха-ха-ха, как насчет 200 миллиардов долларов 💵 Я ушел, ха-ха[ههههههه هههه كفاش 200مليار دولار 💵 مشات هههه ]
(شافت فيه بنظرات كتخوف )Как они это сделали со мной? Это я. Ха-ха-ха. Давайте посмотрим, каков диалект Хариры, Радван, и вернемся к имени этого Хариры.[كيفاش يديروها بيا انا الديبة ههههه نشوفو لحريرة ديال رضوان عاد ندوزو لهاد لحريرة ]
ياسين:
Что нам делать с дарари, которые были на задании?
[شنو ندير مع الدراري لي كانو فالمهمة ]