"الفداء"

بارت 2

البارت 2
من بعد ما  سلاو لفطور فاجواء مكتساليش من الضحك والنشاط كل واحد فين مشا ياسين طلع لبيتو ونورسين سلمات على نور باش تخرج
نورسين: ماما هنا مشيت
نور:طريق السلامة الحبيبة ديالي ردي البال وسوقي غير بشوية
نورسين:(قربات عندا وطبعات قبلة على خدها)كوني هانية يلا باي
نور:باي
خرجات نورسين من الدار لي جات فوسط حي شعبي ولي سميتو*درب كابير* فمدينة الدار البيضاء حي معروف بالخطورة ديالو ومعروف أيضا ببيع الحشيش
حدها خرجات وسدت الباب كولشي بدا كيلقي عليها السلام  كبير وصغير
نورسين  بنت محبوبة عند كلشي  منين كانت صغيرة .
دخلات للكراج لي من تحت الدار هزات الكاسك ديالها من فوق الطبلة لي كانت تم
وقصدات واحد الموطور لي من زمان ما جبداتو

ركبات فوق منو وكسيرات للكوميسارية ..

       في جهة اخرى "فقلب من مركز الشرطة الفداء مرس السلطان فقاعة الاستجواب "

المحقق:(حط الميلف لي كان فيدو وهدر)رضوان الشاعري منين جاك هاد الحشيش
رضوان:الصمت
المحقق:(غوت حتا قفز رضوان)هدر اصاحبي هدررررر
رضوان :ماشي ديالي
المحقق:(ضحك باستهزاء)هه ماشي ديالك ادن ديال من؟؟
رضوان:معرفتش
المحقق: شتي وتكون عارف وكتك.. ..
قاطع حديتهم دخول بوليسي كيلهت
البوليسي:(دار التحيةوهدر)محقق حاتم تتمت دفع الكفالة ديال رضوان الشاعري
حاتم:كفاش .كفاش 10 دالمليون تدفعات على قبل ولد حي شعبي (شاف فرضوان لي تيضحك غير بالخف بغضب وشار للبوليسي)
حاتم:حل ليه يديه
وقف رضوان من بعد ما حلو ليه الاصفاد لي كان مقيد بيها وقبل ميخرج سمع حاتم كيقول ليه
حاتم:دير بالك عيني عليك هه
مداهاش  فهضرتو وتم خارج على برا بتاسم مني شافها واقفا كتلعب بالتيلي ديالها حدا الموطور
قرب وقال بصوتو الرجولي
رضوان:احم احم افين الساط
هزات راسها كتشوف فيه ورافعا حواجبها
نورسين:مقلتيلهم والو
رضوان:الله اودي تعرفيني نديرها
نورسين: (بتاسمت وقالت )هكاك نبغيك (مدات يديها وتصافحو )وراقك واجدين نتا وعائلتك
رضوان:(عقد حواجبو ) اشمن وراق
نورسين:نتى وبنتك ومك غادي تخرجو من المغرب اتمشيو لدبي
رضوان:(بصدمة)كفاش علاش غنمشيو من هنا
نورسين:رضوان انا عارفاك ممتقبلش ولكن هاد الشي لمصلحتك نتا وعائلتك المافيا ديال التعلب كتقلب على الشيء لي عزيز علينا
رضوان:  (كيحرك راسو بلا)لا لا ميمكنش ليا نمشي
نورسين:(قربات وشدات ليه فوجهو)رضوان نتا راه خويا لي مولداتوش ليا مي كبرنا وتربينا بجوج ميمكنش ليا نخلي خويا وعائلتو يموتو قدام عينيا
رضوان:واخا ولكن وعديني انه ميوقع ليك ولا لياسين شي حاجة
نورسين:(ضحكات)هههه ناري كتوصيني على خويا وراسي هههه
رضوان:(ضحك برجولة)ههههههه واخا هكاك تهلاي فراسك وماما نور

نورسين:واخا
قاطع هدرتهم صوت تليفون نورسين هزاتو وحطاتو على ودنها
حتا كيجيها صوت مفبرك
......: نورسين السليماني اولا نقول الديبة
نورسين :(عقدات حواجبها وشافت جيهت رضوان وبعدات عليه وهدرت) شكون نتا
.......:ههههه مع مرور الوقت غتعرفي شكون انا كنتمنى تحمي عائلتك والناس اللي قراب عليك فاماان
نورسين:شنو كتقصد
......:كيأسفني نقول ليك ترحمي على صاحبك دبا اولا حتا تدفنيه ههههه
طوط طوط طوط
نورسين:*لا لا لا ميمكنش *
دارت كتشوف فرضوان حققات فيه   مزيان وهي تبان ليها نقطة حمرا جيهت قلبو وقبل متجري عندو .
وسعات عينيها مزيان اتر ديك الرصاصة لي ختارقاتو وغوتات بحر من جهدها
نورسين:رضوااااااااااااااان رضواااااااااااااان
مشات كتجري عندو تحدرات عندو وهزات ليه راسو على فخادها حيدات الشان لي كان على عنقو ودارتو ليه على البلاصة لي جاتو فيها الرصاصة
وبقات كتضرب ليه فوجهو  باش يفيق
نورسين: رضوان خويا  رضوان عشيري فيق اصاحبي فيق
رضوان:( حل عينيه وقال بصوت متقطع)ك..ي..ب.ان لليا كح كح كح غنمشي
نورسين:لا لا خليك قوي  لمن غتخلي ديك البنت هااا
رضوان:(شد ليها فوجهها بيديه لي فيهم الدم )ببنتي أمانة عندك وقولي لللحنانة ترضى عليا