"الفداء"

بارت 3

-انا الوحيد الذي يحبك؛
وانا الوحيد الذي يغرق في جمال ابتسامتك
-انا الوحيد في حياتك؛
-انتي لي ؛
ولن يكون أحد سواي في قلبك؛
-انا عاشق لكلامك؛
-انا مهووس بك؛
-انتي لن تكوني لاحد
-انتي ملك لي يا نور ماسيميليانو

   ♤♤____________________________♤♤

البارت 3
...قطعات مع ياسين ودوزت النمرة ديال شي واحد
مساينتش بزاف حتا تشد الخط
....الو
نورسين:غادي تقلب ليا على مصدر هاد النمرة لي غنسيفط ليك
....واخا
نورسين:يلاه تلاح
قطعات معاه ورسلات ليه الرقم لي كان تاصل بيها  فالواقعة ديال رضوان.
خرجات من المستشفى ودوزت رقم ديال اليد اليسرى ديالها .
ونطقات بعصبية وصراخ حتا قفزات الناس لي كانو غادين.
نورسين:(بعصبية) بدررررر غادي تجمع كَاع الرجال والدراري ديالنا
الحرب بداااات ابدر
وقول ليهم يوجدو للجنازة ديال رضوااان صغير وكبير غيحضر فيها
(شافت فساعتها وضبطات التوقيت على ساعة ونص وهدرت)عندكم ساعة ونص نلقاكم قدامي فالعنوان لي غنسيفط لك والوقت بدا دبا
"سلات هدرتها وشيرات للطاكسي باش يوقف طلعت وقالت ليه العنوان"
"بينما في جهة اخرى "
بدأت تتحل عينيها وكتحس بألم فرقبتها
حطات يديها على عنقها وكتشوف فين هي
تواني حتا استرجعت الاحدات لي وقعات من قبل .
وقفات بسرعة من السرير لي كانت ناعسة فيه ومشات جيهت باب الغرفة.
وقبل متحط يديها على الباب باش تحلو
فجأة تسمع صوت القرطاس من كل الجهات
وصت التكسير لي ملأ المكان .
طاحت على ركابيها ودارت يديها على راسها
سرعان ما فتحات عينيها على كملهم ملي سمعات صوت ياسين و نورسين .
وقفات بسرعة متناسية  الخوف لي فيها كل ما كيهمها دبا هو ولادها.
حلات لباب وخرجت كتجري وكتشوف بصدمة القصر كيف ولا .
وصلات للدروج وهي تشوف داك المنظر لي معمرها توقعات انه يوقع.
كان نوح هاز المسدس على ياسين.
وأركان هاز الموس ودايرو لنورسين فعنقها وبارك عليه حتا خرج ليها الدم من عنقها.
غير شافتهم غيديروها بصح ويقتلو ليها ولادها وهي تغوت
نور:لااااااا لااااااا متديروهاااااش(غوتات ومشات جيهت ياسين و نورسين 
وهي توقف قدام نوح و أركان ونطقات ودموعها دايزين)متديرهاش انوح
شاف فيها نوح بصدمة وهدر بعصبية
نوح:كييفاااش واقفة قدام الأعداء ديالي وكتدافعي عليهم بأشمن حق هاااا.هوما راه هجموا على داريي.
شافت فيه نورسين بنظرات كلها حقد وغضب
جرات مها بعدتها عليه ودارتها موراها وقربات عند نوح وهدرات بصوت عالي.
نورسين:نتااااا لي باشمننن حق تخطف ليااااا ماماااااا وزايدها  كتغوت عليها من الفوق شنوووو باغين منا شنوووو.
هز فيها اركان راسو بصدمة وشاف فباه  لي كان لا يقل عنه من الصدمة
نوح:ككيفاش ماما  (هز راسو شاف فنور وقال ليها )   واش خنتي حبنا أنور نسيتي ولدنا نسيتي اركان هاااا.
هنا ياسين تدخل وهدر
ياسين:(شاف فمو لي كتبكي وتشهق) بيناتكم ولد.
نورسين:تا كيفاش بيناتنا ولد واقيلا تبوشاولك السلوكة ما فيهاش الشك  .
دارت عند مها وشدات ليها فيديها وقالت
نورسين:قولي انه غير كيكدب مبيناتكم والو
(شافت ان مها مجوباتش بقات غير حانيا راسها )نوراااااااا هدري قولي شنو كاين
نور:(هزات راسها كتنخصص)هئ هئ هئ داك الشي اللي قال بصح هئ هئ هئ هئ
هنا طلقات ليها نورسين يديها وشافت فيها بصدمة هي وياسين
هنا كملت نورا كلامها لي غيصدمهم
نور:هئ هئ هئ هئ هئ (قربات عند نوح وشدات ليه فوجهو )ااانا ماعمري ممخنتك هئ هئ هئ هئ ووو ياسين ووو نورسين
ولادنا بجوج ووخوت اركان هئ هئ
كلشي شاف فيها بصدمة وانكسار
قاطع صدمتهم صوت ضحك نورسين
نورسين:هههههههههه Wow, what a play[واااو على مسرحية ] انا عمري منكون بنتو وخصوصا هادااااا
ياسين:ماما واش هاد الشي بصح هدري قولي بلي كلشي كدوب
نور زادت فوتيرت بكاها
تقدمات نورسين منها وجراتها لعندها وتمات خارجة
مكتحس الى بشي يد شدت فنور دارت باغا تصفيها لهادا لي وقفها لقاتو نوح طلقت من نور وقربات لوجهو وهدرت
نورسين:عمرك تحلم نكونو ولادك
نتا نتا السباب فالعداب لي دوزات ماما
نتا وباك ولد ... مكملاتش هدرتها حتا كتحس بشي يد جاتها للوجه من عند نورا ااه نورا
نور:حتارمي باباك
هنا نورسين جعرت ديال بصح كيفاش مها لي ما عمرها ما قاصتها تصفعها على واحد بحال هدا
هزات راسها كتشوف فيها بغضب وعينين حومر
نورسين:عمروووو ماغادي يكون با
باااا مات شحال هادي
نورا زيدي نمشيو لدارنا (شافتها تخبعات من مور نوح)نورااااااا زيديييي قداااامي
نورا : نفات براسها وقالت. انا غنبقا هنا
شافت فيها نورسين بنظرات مؤلمة ومنكاسرة
عضات على شفتها السفلى وحركت راسها لرجالها باش يخرجو .
شافت فياسين لي مزال مصدوم من داك الشي لي سمع  .
قربات لعندو ونطقات بصوت مخنوق 
نورسين:يلاه نمشيو بحالنا
هز راسو فيها وكتفى بتحريك راسو بنعم.
دارو بزوج غادين جيهت الباب وهي توقفهم نورا .
لي نطقات بحزن
نور:نورسين  /ياسين   انا ااان....
مكملتش هدرتها بسبب نورسين لي نطقات بالشي اللي غيصدمها
نورسين:قبل منخرج من هنا تأكدي انك عمرك غتعاودي تشوفي وجهي انا وياسين .
"دارت عند نور وشافت فيها بنضرات عامرة ألم وحزن وخيبة ونطقات"
اليوم فالليل غادي تكون الجنازة درضوان كنتمنا تجي تواسي الام ديالو وبصفتك نتي ماماه التانية  .
دارت تاني باش تخرج وهي
تهز نور راسها بسرعة وبهستيرية وكتنفس بسرعة
تمات خارجا من تما حتا كتسمع شي حاجة تزدحت فالارض.
وما هي إلى نور لي سخافات من كترة الضغط
دار ياسين بسرعة حدو قرب يمشي ليها وهي توقف ليه نورسين فالطريق.
شاف فيها بنضرة زعما واش من نيتك.
هزات فيه عينيها هادي كانت اول مرة يشوف ياسين عينيها فيهم الدموع .
شدات فجنبها جبدات السلاح ديالها ومداتو ليه
نزل عينو لسلاح ورجع شاف فيها .
شدات ليه يديه وحطاتو فيها.
ونطقات بصوت مخنوق .
نورسين:هدا عطيه لماما قلها أمانة عندك
نتا غتبعد من المافيا حاليا وغتبقا مع ماما
والى سولاتك عليا قلها مشات بحالها .
بعدا عليه وخلات ليه الطريق باش يدوز
وتمات خارجة وهو ينطق
ياسين:فين غتمشي (دارت شافت فيه)وعلاش غنبعد من المافيا . والجنازة ديال رضوان .
نورسين: غادي نحضر ولكن غتكون اخر مرة غتشوفوني .
وبالنسبة لفين غنمشي. غنمشي لواحد لبلاصة لي نكمد فيها عضامي ومنها نقضي شي شغال
وماشي شغلك بداك الشي اللي غندير.
خرجات من الباب او بالاحرا من القصر كامل وخلات ياسين حاير فداك الشي لي قالت ليه.
دار ياسين للجهة فين كاينة مو لقا نوح وأركان تيحاولو يفيقوها .
مشا لجيهتها دفع اركان وقرب لعندها حط يديه على عنقها وبقا  بارك وهو تيحسب وصل لخمسة وهو يحيد يدو .
حتا بانت ليهم بدأت تتحل عينيها شوية بشوية    حدها بدأت كتوضح ليها الشوفة وهي تنوض بزربة شافت فياسين 
وسولاتو
نور:ننورسين ففين هي؟!
شاف فيها ياسين ونزل عينيه ....