"الفداء"

البارت 13

البارت 13

وحينما ندخل الى عالم الروايات والخيال ننسى جميع همومنا وجميع الاشخاص الذين حولنا فلمادا؟.
لا نصنع رواية لانفسنا ونكون نحن ابطالها......♣️♦️♠️

=====°°°°======°°°°=====°°°°====°°°°=====°°°°====

القاعدة السابعة:
« فيها رقة غزال وهيبة اسد ..»
{ انا بطلة نفسي وانا منقدت نفسي ولكنه يبقى ملاكي الحامي وسندي وروحي وعمري وحبي }

{ حبي لكِ فداء وأفديكِ بروحي لو تطلب الامر يا فراشتي ..}
==========§§§§============

سالوني عن الحب قلت ليهم ♣️♦️
الحب هو الهوس الذي يجعلنا نفقد عقولنا، والجنون هو الهوس الذي يجعلنا نجد السعادة في العجائب. ♦️♣️♠️

===============ק§§§§§×==============

4:30 pm

جالسة وكتشوف فالخطة اللي دارو على قبل ادواردو  فيلانو حتا كتمشي عند فهد وتتجرو معاها لبرا باش تقول ليه شي هدرة
خرجو برا القاعة اللي كانو فيها وقال فهد
فهد : وا غا بشوية مالك كتجري فيا بحال شي خروف اويلي شنو اش كاين ...
نورسين : لقيت شكون غيعرف لينا فين كاين راجح
شاف فيها فهد بمعنى شكون
نورسين : غريزمان لويرا....
شاف فيها فهد بمعنى واش من نيتك وقال
فهد : بغيت غير نعرف اشنو بينك وبين غريزمان
شافت فيه وقالت
نورسين : بيناتنا صداقة من شحال هادي..
فهد : اوك
نورسين: هنا غنعيط ليه دبا مي بيناتنا ...
شاف فيها وبتاسم ومشا لقاعة فين كانو بينما هي تابعات مشيها تال السطح ...
هزات تليفونها ودوزات الرقم برقم اخر محمي ...

نورسين بصوت مفبرك : الو
غريزمان : معنديش مع لعب الدراري الصغار اشنو بغيتي
نورسين: اممم غريزمان لويرا عندي ليك خدمة
غريزمان : وهي
نورسين: بغيتك تلقى ليا شي واحد
غريزمان: سبق وقلت ليك كنعطي كريدي غير جوج مرات فالعام عندك مقابل خدمتي
ضحكات نورسين وقالت: امتيخفا عليك والو المغرورة
غريزمان : شنو بغيتي
نورسين : وا بعدا غير سوليني على الاحوال ديالي مالك باردة هكدا
غادي نسمي عليك القطب الجنوبي
غريزمان: منين ممتيش منين ضربتي حب قلبك وباقيا واقفة راكي بيخير معندي لاش نسول
نورسين : اممم اوا حتا نتي الله يشافيك ااسيل
اسيل : معنديش مع معاودة الهضرة شنو بغيتي
نورسين : احم بغيت الموقع ديال راجح هاد الليلة
اسيل : ساعة ديال المكانة ونعطيك خبارو
نورسين: اوك انا عارفاك كنتي عارفاه مزال عايش ولكن علاش مقلتيش ليا...
اسيل : شنو غادي يتبدل
نورسين : غيتبدل بزاف
اسيل : كون قلت ليك بلي مماتش مكنتيش غادي ديري يدك فيد حب قلبك
نورسين: ياك الالة اوا حتا نتي الله يجيب ليك شي واحد اللي يحيد ليك هاد الغرور ويطيح ليك زنافرك لارض
اسيل مجاوباتش وقطعات على نورسين الخط كيف ديما
شافت نورسين فالتيلي وضحكات على اسيل عادتها هي عادتها
وكيقول ليك اللي فيه شي عادة مكيحيدهاش ....
حدها اترجع وهي تشوف التليفون كيصوني برقم مجهول ...
هزاتو وحداتو على ودنها وقال المجهول
المجهول : نورسين السليماني شحال هادي مسمعنا صوتك
ضحكات وقالت
نورسين: اوا  الله ينعلك اوليدي كيفاش شحال هادي ما سمعتي صوتي
ضحك المجهول وقال : الله اودي غا ضاحكين معاك ههه
نورسين : اوا اش تم لقيتي شي حاجة ولا والو
المجهول : وا حاليا راحنا مغشيين فواحد الجبل معرفنا منين نخرجو
نورسين : سيف رد البال
تكلم الدري اللي سميتو سيف وقال
سيف : تي واش كتوصيني على راسي الخوادرية راني خوك زعما
نورسين: لواه الزعتر نتا سير سير شوف شغالك وملي تسالي رجع عندي باغاك
سيف : واخا الالة مزال شي حاجة اخرى
نورسين : حاول تجيب ليا شي حاجة على عائلة ادواردو فيلانو
سيف : واخا نحاول ولكن شتي الى حصلوني كنتجسس عليهم مشيت فيها وانا مزال باغي نرجع لمرتي وبنتي اللي مزال متزادت انورسين  هادي راه مخاطرة كبيرة
نورسين: متخافش راهم فرعايتي غير رجع سالم ليهم ...
سيف تنهد وقال : احم واخا نحاول
نورسين : في امان الله
سيف : في امان الله
سالات مع سيف ونزلات لتحت
لقاتهم مزالين مقاتلين فالخطة وصنع مجسم على الانفاق ديال القصر والمقر ديالو
دارت شافت ففهد لقاتو ناعس تيشخر من فوق واحد الطبلة تما
ورجعات شافت فالدراري لقاتهم كيحاولو مينعسوش
حتا نطقات وقالت ليهم خودو استراحة قصيرة ورجعو لخدمة
حتا كيصوني التليفون وكان المتصل هي اسيل تمات خارجة باش تعدر معاها وسدات موراها لباب دوزات الخط وقالت
نورسين: اش تم
اسيل : جزيرة سكولار امريكا الشماليه بالضبط فالجهة الشرقية الكوخ التالت على الساحل الشمالي لجزيرة
نورسين : الله يحفظك الخوادرية راني مدينة ليك والى حتاجيتيني تلقايني حداك ..
اسيل : مع انني كنعطي كريدي غير جوج نوبات فالعام لاي واحد الى انه نتي كدوزي على وجه السي جوزيف
نورسين: كيفاش السي جوزيف اش قربك ليه نتي
اسيل : قولي ليه حبس صقلية  وهو غادي يفهم ...
نورسين: مبلغ ولكن غادي نعرف اشنو علاقتك بيه..
اسيل : علاقتي بيه والدا معاه انا
نورسين ضحكات وقالت : هاي هاي على المغرورة ديالنا ولات كتعرف تضحك حتا هي
مجاوبتهاش اسيل وقطعات عليها تاني
شافت نورسين فالتيلي وقالت
نورسين: تفو عليك معامن مصاحبة انا مع القطب الجنوبي اويلي فين ما نهدر معاها تقطع ليا فوجهي اوا ابنيتي الله يعطيك شي واحد اللي يحشش ليك الركابي ويحيد منك هاد الغرورو والبرود اللي فيك اه صاحبتي وختي ولكن كتعصبيني اوييلي ديما قاطعا ليا فوجهب الهيبة ديالي مشات انا اللي غنولي قائدة الاستخبارات الأمريكية  وكلشي كيحتارمني ويخاف مني والهيبة وكدا فالتالي تجي نتي تعفطي ليا على هيبتي اوا الله يحقق هاد الدعاوي اللي دعيت معاك من كل قلبي وتعيشي شي قصة حب فاعلة تاركة وضروري نضربلك شي شطحة فعرسك ...
تفو كنهدر مع راسي بحال شي وحدة حمقة هههه
ضربات راسها ودخلات لقاعة لقات كلشي ناعس هه ضحكها شكلهم
كان فهد ناعس على واحد الطبلة تما
واسد وصهيب ناعسين فلارض
وياسين ناعس على الكرسي
وياسر ناعس على واحد الطبلة النص فلارض ونص فالطبلة
ومهدي كان ناعس ومعنق تصويرت مو
تبسمات ليهم ودارت باش غتخرج وهي تسمع فهد قال ليها ..
فهد : غادا لعندو
ضارت شافت فيه لقاتو حال عينو فيها شافت فيه وقالت ليه
نورسين: وي تمشي معاي
حتا هو مكانش من العاجزين نقز من الطبلة ودار جيهت واحد الحقيبة تما وهز الجاكيط ديالو وتم غادي عندها وقال ..
فهد: نمشي معاك  تال الموت الخوادرية...
شافت فيه و ضربت يديها فيديه كيديرو السلام ديالهم وكملو الطريق خارجين لبرة نيشان لهيليكوبتر باش يمشيو لجزيرة

============∆=====∆=====∆============

بينما فجهة اخرى بالضبط
Italy / Turin
جالس فالمكتب ديالو خدام وفرحان فرحان ولاول مرة من بعد سنين كيشوفوه كيضحك...
حتا قاطع تفكرو اتصال من ديك المجهول ...
جاوب وهو يقول المجهول
... : نورسين السليماني ركبات فهيليكوبتر هي وفهد الاسماعيلي متوجهين لجزيرة سكولار
وقطع
بقا جابر غير كيشوف وساهي مي علاش غاديا هي وفهد بوحدهوم ناض جمع لوقفة وتم غادي جيهت المطار تابعهم ...

======¥=====¥====¥====¥==========
بينما عند السي نوح ماسيميليانو جالس من فوق البيرو ديالو وساهي كيشوف بعيد علاش نورسين دارت هكداك علاش....
اشنو دار ليها باه باش تدير ليه هكداك
لحد الان مزال ملقاهاش فين مشات كان الارض تفتحات وبلعاتها .. .

=========§====§====§====§===========

بينما فجهة اخرى بالضبط المغرب مي بلاصة مختالفة
جالس تيشوف فالتصاور اللي معلقين قدامو باغي يحل القضية اللي عندو فاسرع وقت ميقدرش يتعطل كتر من هكدا توقف على التحديق ديالو حتا كيصوني ليه تليفون
جاوب وبقا ساكت حتا كيهضر الطرف لاخر ....
.... : حاتم العراقي تم تحويلك من مدينة كازا لمدينة لعيون
شاف فالتليفون وقال . :
شكون نتا
... : انا كنت قريب ليك وبعيد عليك كنعرفك ومكتعرفنيش وكتعرفني شكون انا
شاف حاتم ف التيلي وقال
نتا هواااااا .............
 
=======^=====^=====^=========
بينما عند نورسين اللي وصلات هي وفهد لبلاصة لمنشودة وتمو غاديين حتا وصلو لكوخ التالت كيف قالت ليهم اسيل ..
شافت نورسين فالسمية وضحكات وقالت ..
واخيرا غنتلاقاو مرة اخرى ولكن بشخصية مختلفة اسي راجح ...

{ يتبع }
هاي نجومي متنساوش ديرو ليا شي نجيمة بحالكم وتعليق زوين
وكانت معكم
     { نور القمر}