شط اسكندرية

البارت 4

ظلت نور الثلاث ساعات بأكملهم تشرح لسلمى كل ما كانت تريد أن تفهمه حتى باقية المنهج ،و لم يفيقهم عن غفلة الوقت سوا صوت رنين هاتف سلمى و كان المتصل شهاب ..
سلمى:اوبس ده شهاب شكله جيه معلش ثواني ارد
نور:اه عادي ردي

سلمى:ايه يا بوب وصلت
شهاب:داخل عليكوا اهو لبستوا ؟
سلمى:١٠ دقايق يا بوب و نكون جاهزين
شهاب:اهههه يبقه ملبستوش
سلمى:معلش الوقت سرقنا والله ما هنتأخر
شهاب بصوت مشحون:سلمىىىى ١٠ دقايق تكونوا جاهزين
سلمى:حاضر حاضر ...
ثم اغلقت الخط
سلمى:الوقت سرقنا محسناش
نور:المهم تكوني فهمتي
سلمى: بصراحه يا نور اول مره الاقي علم النفس لذيذ كدا مكنتش متخيله أن هفهمه بسهوله كدا،انتي ازاي بتشرحيه حلو ماشاء الله عليكي
ابتسمت بنور : حبيبتي يا يلمى ربنا يخليكي و ربنا يباركله بقى لمدرس علم النفس بتاعي كان بيشرحهولي زي ما شرحتهولك كدة بالظبط و لما دخلت كليه علم النفس كان مزهق الكل برضوا و انا كنت بشرحلهم و بساعدهم
سلمى:ده ربنا بعتك ليا و لدفعتك نجده من السما والله
نور:حبيبتي ربنا يخليكي ،وقا ما تحتاجيني اشرحلك اي حاجه مش علم نفس بس قوليلي
سلمى و هي تجمع اشيائها: طبعا ده انتي لقطه يا بنتي ...طب بقولك ايه شهاب مواعيده عسكريه جدا ١٠ دقايق يعني ١٠ دقايق نجهز فيهم و هكلم البنات عشان يجهزوا
ضحكت نور بصوتها الرنان الجميل:طيب متقلقيش ،عامل فيكوا كدا ليه ده
ضحكت سلمى أيضا و قالت: الاجازه دي طويله هتعرفي ليه بنفسك ..
نور:طب انا هروح اجهز قبل ما العسر دقايق بتوعه يخلصوا
سلمى :ماشي با قلبي خدي وقتك اصلا سيبك منه
نور: ماشي يا قلبي ، يلا باي
سلمى:باي
________________________________________

وصل شهاب تحت البيت و كانوا الفتايات جاهزات في الوقت المتفق عليه  ،و لم يكن يعلم ان نور آتيه معهم ،و لكن لم يتفجأ عندما رآها ،فعلم ان الفتايات قد احبوها و اعتبروها صديقتهم رسمي ..
وصلوا لكوبري استانلي و خرجوا من السياره و وقفوا امام البحر يشاهدونه باستمتاع و هدوء مع لفحات الهواء البارد تواجهه وجههم حتى احمرار انفهم و برودها
كانت منهم من تأخذ الصور ،و من تنظر بتأمل شديد ،و احدهم يتحدثوا معاً..

شهاب:ايه سقعتوا؟ اجيبلكوا ايه تشربوا يدفيكم
سلمى :هاخد هوت شوكلت
شهاب:ماشي و انتي يا مي ؟
مي:زي سلمى
شهاب:اوكي و رهف ؟
رهف:هاخد أنا قهوه تركي
اومأ شهاب برأسه لرهف ثم بنظرات مطوله لنور داخل عينيها التي كانت من الخجل تخشى النظر لعينه
شهاب بصوتاً رخيف: هتشربي ايه ؟
نور:لا شكرا مش هشرب حاجه
شهاب:لا طبعا لازم تشربي انتي فكرانا بخلا ولا ايه
ضحكت نور: لا والله مش قصدي انتوا كرمه اوي كمان
شهاب:طب يلا بقى قولي هتاخدي ايه ؟
نور:طب أنا ممكن اخد شاي بالنعناع
شهاب: شاي بالنعناع؟؟
نور:اه في حاجه ولا ايه
شهاب:متوقعتش بس
نور:احم توقعت ايه
شهاب:هتقوليلي كوفي بقه ولا لاتيه ولا موكا الحاجات دي
ابتسمت ابتسامه كشفت فيها عن اسنانها البيضاء الجميله زادت جمال ابتسامتها التي خبأتها سريعاً بيدها بمنتهى الرقه
نور:فاكرني من ايجبت وكدا ... لا هو بس شاي بالنعناع هو احسن حاجه بتدفيني 
شهاب و قد ابتسم على ضحكتها الرقيقه : والله عندك حق
استأذن ليحضرلهم المشروبات و ذهبت معه مي..