البارت الخامس وسبعون
سيدار وهي تنظر في نقطه معينه:غرام بصي كده
تطلعت غرام بستغراب صوب ماتطالعه سيدار
فوجدت فهد يجلس علي مقدمه سيارته بملابسه البيتيه التي اعطته مظهراً لطيفاً
وما إن رأها حتي قفز من جلسته واقترب منها بخطوات بدت لها غاضبه وخاصًة عندما لمحت نظره الغضب في عينيه التي تحتد كلما اقترب منها
ابتلعت ريقها بتوتر وقلق من هيئته وهي تراه علي بعد خطوتين فقط منها
والان هو يقف امامها يطالعها بعيونه الغاضبه
وقبل ان تتحدث وتتساءل عن وجوده كان قد سبقها هو واردف
فهد: اهلا باللي فضحانا علي الفضائيات
نظرت له غرام بستغراب ثم نظرت لسيدار التي بادلتها النظره بتعحب هي الاخري وهم لم يفهموا معني حديثه
غرام بستغراب: فضحاكوا؟.. فضحاكوا ايه ومين اصلا؟
فهد بسخريه وغضب:ايه ومين؟..انتي بتستهبلي ياختي؟..
غرام بصدمه:بستهبل؟..في ايه؟..انا مش فاهمه حاجه
فهد: ممكن اعرف ايه الكلام اللي حضرتك قولتيه علي الهوا ده
غرام بتوتر وهي تتلاشي النظر لعيناه: ايه.. فيه ايه يعني.. انا مقولتش حاجه غلط
فهد بعصبيه: مقولتيش حاجه غلط.. انتي قولتي حاجه مينفعش تتقال اصلا.. ازاي تقولي الكلام ده.. انتي تعرفي ان كل اللي انتي قولتيه ده المفروض يبقي سري اصلا ومحدش يعرفه غير انا والتيم بتاعي.. ودلوقتي انتي عرفتي مصر كلها والدول المجاوره.. وبتقولي مقولتش حاجه؟
غرام بنفعال: علي فكره بقي انت مكبر الموضوع.. عادي يعني.. ده شغلي ودي مجرد قضيه انا اتكلمت عنها
فهد بحده: انتي ازاي شايفه الموضوع بالبساطه دي.. ياغبيه انس الاسيوطي ده تبع مافيا زي مانتي قولتي.. وانتي قولتي كل حاجه.. قولتي اننا ناويين نقبض علي المافيا وحددتي ان اللي هيعمل كده اللوا سليم والفريق بتاعه.. انتي بغبائك ده اديتي للمافيا كل المعلومات اللي هما محتاجينها..كده هما هياخدوا حذرهم..وهيبقي شبه مستحيل نقبض عليهم.. ومش بعيد كمان يبقي فيها اغتيال وقتل.. ماهما كده كده عرفوا مين اللي بيخططلهم.. ده كويس والله انك مقولتيش اسماءنا انا والشباب.. اهو ده اللي كان ناقص.. بس للأسف انتي قولتي اسم اللواء وحددتي الفريق بتاعه واللي من السهل جدا اي جاسوس مزروع وسطنا هيعرف ان احنا الفريق ده.. انتي بمنتهي الغباء بوظتي الدنيا
