البارت السادس والسبعون
في اليوم التالي
الساعه الرابعه عصراً
: طيب طيب جاي في ايه
قالها ادم وهو يتحرك صوب الباب الذي يُطرق بعنف
وقد استيقظ لتوه من النوم
فتح الباب ليطالع الطارق بعيون ناعسه وشعر اشعث وبرغم ذلك كان جذاباً، ولم يكن الطارق سوي ليل الذي تحدث
ليل: ايه كل ده عشان تفتح انت كنت ميت ولا ايه؟
ادم:هو انت ياعم.. بتخبط كده ليه.. ادخل ادخل
قالها وتركه ودخل ليدخل خلفه ليل بعدما اغلق الباب وهو يجلس علي الاريكه ويهتف
ليل: مجيتش الجامعه انهارده ليه؟.. كلنا روحنا
ادم وهو يدلك عيناه: راحت عليا نومه
ليل ببسمه: همس سألت عليك
ادم ببسمه وقلبه يدق لذكر اسمها: بجد؟
ليل: انت هتستهبل هو ايه اللي بجد.. مانت عارف انها واقعه زيك بالظبط
ادم وهو يمسح علي وجهه: طب وبعدين ياليل هعمل ايه؟
ليل: مانا بقي جايلك عشان كده انا لقيتلك حل
ادم وهو يطالعه بفضول ولهفه: حل ايه؟
ليل: بص يابني انا كلمت چواد وحكيتله وقعدنا انا وهو خططنا كده وظبطنا ولقينا الحل المناسب
ادم بترقب: واللي هو ايه بقي
ليل ببساطه: تروح تتقدملها مادام انت بتحبهاا وهي بتحبك.. واعملوا خطوبتكوا معايا انا ووچد علي اخر الشهر ده انا خلاص اتفقت مع ابوها ونتجوز بعد مانخلص الكليه
ادم بسخريه: والله ياليل كان نفسي اشارك معاك في الحياه اللي لونها بمبي دي.. بس للأسف مش هينفع
ليل:ليه يابني.. كده كده انا وانت بنشتغل في شركه بابا وشريف جوز سيلا اختي بيدريها.. وچواد كان معانا ونقل للفرع اللي في المانيا بعد ماسافر.. ايه المشكله بقي.. احنا مش عواطليه يعني ولا بناخد مصروف احنا رجاله وبنشتغل وكلها سنه ونخلص كليه.. ايه المشكله بقي
ادم بغيظ:انت غبي يابني؟.. هو انا مش حاكيلك؟.. انا قولتلك اني متهدد لو قربت منها هتتأذي
ليل بجديه:بص ياأدم اصل انت مينفعش تفضل كده.. وده الحل الوحيد لازم تطلب ايدها.. واذا كان علي همس فانت تقدر تحميها كويس.. وانا واثق من ده وانك ممكن تضحي بحياتك علشانها.. وكمان احنا معاها..صدقني مفيش غير الحل ده..
