روح في بحر الظلام

الحلقة السابعة عشر

____ الكاتبة بحر _____

لتنسون التقييم والتعليق على الفقرات +++اضافة للحساب لطفا
pahrasoad
_________________________

‏استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه

،،،،،،،،،،،،،،،،،،،،،،،،،،،،،،،،،،،،،،،،،،

لحضات ادراك مريرة

جعلت عقلي في حيرة

ادركت بقهر مع من

كانت به العين قريرة

دروب اللقى صارت عسيرة

كلـمـات بقـلـم بـحـــر✍️

_______________

منــــــى

بعد مكالمة طارق وابو نشف الدم بعروقي خوف مو طبيعي سحبت ايدي من ايد زياد اللي كان مادها اللي للخلف من ورا الكرسي حتى لا يحس صديقة من سحبت ايدي هو التفت كأنه حس بترددي نضراته مع ابتسامة خايفة يحاول يطمني ملتفت علية ويباوع بنص عيني الخائفة الهاربة من نضراتة.... حرك شفايفة بدون صوت بس اني فهمتة

:احبج مناي
مديت ايدي مسكت ايده بقوة.. كسر خاطري ،نضراته الخايفة تمزق نياط قلبي

طارق :خاااب هييييووووو شششنهههي

زياد:ومرض شبيك

:هي شنهي الشبيك ششكيتووني صار ساعة اناهگ جني مطي، ولا جنك تسمعني

:نزلني اهنا اني ادبر روحي وروح انت للبيت كذب الخبر كأنك ماشفتني ولا التقينا،احسن متصيرلك مشكلة وشيخلصكم من شهاب

:اي جا بعد هاي هية بعد خوك خلني احف شاربي اتحجب واگعد يم النساوين

:شكو طارق شبيك شخطت

:جااا غير تكلي رد عود شنهي انا اخاف من عمك لو من ابوي خاب الفهم ثنينهم جوة ابطي كفيلك العباس

:كفو منك ذذيييب ذيييب

:ياذيب قبل شوية حسستني عندي خربطة هرمونات بسبب الش......

:هااااا هااااااا هاااااا شبيك ماكو بريكات بالقران امدك جوة التاير

:جا غير انت وسوالفك... اسمع هسة نسفط مانتحرك لحد مايطلع الصبح هسة هم هدو ع الكراج تلكاهم خليي يعدي وكت علما يردون لبيوتهم واشلع تماام

حرك السيارة وموبايله مستمر يرن وينطي رفض، الجو توتر بالسيارة واني لافة نفسي وگاعدة ورة من الخوف حتى اشتد عليةالالم بمعدتي