احلى غزال

الجزء السادس

الجزء السادس:
مرت شهور حق ريم تعودت على لندن وتقربت من عمها و خالتها وعيال عمها اكثر ماعدا حمدان كانت ماتجوفه وايد وراشد مايقر فلبيت دائما يحوط فا ماكانت تجوفه وعلفكره الريم انعزمت وايد فبيت عمها بس ماكانت تجوف حمدان لانه سبحان الله كل ماتي ريم يستوي عنده شي جنى مايبون يجوفون بعض

في يوم الثلاثاء
في البلاد مربوشين يزهبون حق عرس محمد لانه ماباقي شي
كانت ام الريم يالسه فلصاله ويا ريلها وعيالها
ام الريم : بنات
بناتها: هلا امي
ام الريم : رمستن ريماني اليوم
ساره : لا اماه الحين عندهم الصبح وبنتج اكيد راقده
ام الريم : هيه زين ، حمود ها الهيس وين اباه اليوم يوديني سوق الذهب عسب ناخذ زهاب البنت
ميثه: راقد
ام الريم : انا محد بيجلطني غيره برود في ها الولد ولى جنه بيعرس ماخذ ايجازه حق الرقاد هب حق العرس ساروه قومي وعيه لا انشله الحين
ساره : انشاءالله
وسارت ساره فوق توعي اخوها
ساره : حمود قوم ترا امي معصبه عليك من الخاطر
محمد: شو فيها شو سويت
ساره: ماسويت شي حضرتك بس راقد وامك محتشره تبًا تخلص زهاب العروس
محمد : انزين خلاص بنش
ساره : هياك
محمد : زين
وطلعت نزلت وخبرت امها وبعدها نزل محمد وراح ويا امه بعد ما هزبته و شرشحته حليله هههههه
نروح للندن
الساعه 12:30 الظهر طبعًا ويكند الخميس عندهم يعطونهم ايجازه
نشت ريماني على المنبه دخلت الحمام
لبست لبس شوي ثقيل لانه برد اليوم وايد عندهم
لبست بودي ابيض ثقيل و بليزر وردي  طويل لين الركب وتحته بنطلون ابيض وشيله بيضه و لبست بوت ابيض وحطت ميكب خفيف وجافت انه في عندها وقت لين ما قوم عمها يزهبون غداهم فا قالت بتروح الهرودز تتمشى لانه في كم شنطه عايبتنها تبا تاخذهم دقت على دريولها الخاص او (سايقها) وزلت وركبت معاه وشغلت اغاني حطت المسافر راح ويلست تهوجس ههههه ميثه اختها اثرت عليها هههههه نخلي ريموه تهوجس شوي هههه

نروح بيت بو حمدان
ام حمدان يالسه فلصاله ويا عيالها لاول مره راشد موجود هههههه بس مايتوب بيطلع بعد شوي
ام حمدان : رشود بتتغدا اليوم عندنا
راشد: لا اماه اليوم ربيعنا مسوي عزيمه عندهم فلبيت
ام حمدان : ودي بس اشوفك ثانيه وحده يالس عندنا
راشد : وناستي اهم
ام حمدان : وابوي نسيت إنك عشان ربعك
راشد: يخسون والله انتي خط احمر
شوي ولا ربيع راشد داقله قاله انهم برا
راشد : يلا امايه انا بروح
ام حمدان : الله يحفظك وانتبه فلدرب
راشد : انشاءالله
وطلع
ام حمدان : وانته الشيخ
حمدان : اعرف انه انا ماعرف والله افكر يالس
ام حمدان : شو تفكر هي او لا عشان اعمل حسابك
حمدان : خلاص اوك
شيخه: كلللللللوش حمدان بيتغدا ويانا سجل يا تاريخ
حمدان : بلاج انتي هب صاحيه
ام حمدان : صدقها البنت من متى وانت مب يالس ويانا علغدا
شوي الا يدخل بو حمدان
بو حمدان : السلام عليكم
كلهم : وعليكم السلام
حمدان : يالله انا اترخص
بو حمدان : على وين
حمدان : بضهر ويا الربع يبون يتمشون
ام حمدان : و الغدا
حمدان : تراني مابطول بيلس شوي وبرد قبل الغدا
بو حمدان: نعم ماسمع منو بيتغدا ويانا
كلهم : هههههههه
بو حمدان : زين والله من وين طالعه الشمس اليوم
ام حمدان : شواخي تخبرتي عن ريماني اذا نشت ولا بعدها
شيخه : هيه امايه نشت راحت تتمشى وقالت بتي على دربها عندنا
ام حمدان : وين طالعه الله يهديها فلبرد
بو حمدان : ماعليها شر انشاءالله
خلوف: جنكم ناسيني اليوم
ام حمدان : انته وين انته ويانا مالك حس اليوم
خلوف : محد سئل عني
ام حمدان : مايحتاي فديتك اعرفك دائما وياي هب رغيد شرات خوانك
حمدان : شقصدج
خلوف : فديتج
حمدان : انزين يالله انا الرغيد بروح تبون شي
ام حمدان : سلامتك
وطلع
ركب عند ربيعه
حمد ربيع حمدان : حمدان وين تبا
حمدان : ماعرف اي شي
حمد: شو اي شي قول وين تبا
حمدان : صبر بطل بلوتوث اول ماعرف افكر بدون اغاني
حمد : انشاءالله عمي اي اوامر ثانيه
حمدان : لا
حمد يلس يدور كوفي حلو ومنضره حلو
حمد : حمدانوه لقيت كوفي مجابل الهارودز تبا نروح
حمدان : فوقه
وراح حمد على درب الكوفي وصلو
ودخلو داخل
الريال : hello how can I help you
حمدان : can I have a table for tow
الريال : for sure come with me
ويلسو وطلبوا كوفي و سويت
وطبعا الريم وصلت الهرودز من شوي للمعلومه ترا بيت قوم حمدان اقرب لهم الهرودز عن الريم الريم شوي ابعد
نزلت ولفت انتباها الكوفي وكيف حلو ومرتب وقالت الا تيلس فيه وخلت السايق يروح وتخطت الشارع وصلت الكوفي
الحرمه : hello dear how can I help you
الريم : hello can I have a table for one plz
الحرمه : let's go for it come with me
ويلست فلطاوله و كانت جدامها طاوله شباب وكانت شوي متوتره بس حاولت تنساهم وزقرت الحرمه عشان اطلب طبعا هيه كانت متروعه و متوتره اكثر لانه هم كانو ثنين واحد كان يطالعها كل شوي