احلى غزال

الجزء الثالث عشر

البارت الثالث عشر :
وبعد مرور شهر طبعا انا ماعرف اذا قلتلكم بس ترا خلاص قوم بو حمدان خلاص رسمي بيقعدون في البلاد وبنولهم فلا في بيت بو الريم برا فلحوش لانه لزم عليهم يسكونون عنده لانه يبا لمه الاهل وبو حمدان عنده شغل وحمدان توضف في بوظبي بعد ويا محمد ويكسن وياه وشيخه بعد توضفت وريم بعد وسيفوه رجع و ميثوه بعدها جامعه و ساره بعدها تدرس في المدرسه وللعم راشد ولد بو حمدان مارجع وياهم تم مناك و خليفه الحين يدرس فلمدرسه الي عندهم وهو و سيفوه دوم يطلعون ويا بعض و مانع رد البلاد بس سكن في بوظبي
في بيت بو الريم ، في الشتاء
بو الريم يالس في الصاله ويا ام الريم
بو الريم : ام الريم اقولج دام انه العيال عندهم ايجازه الشتى ليش مانروح العزبه ونبات سبوع هناك
ام الريم : والله شور فنان وبعد جان قوم بو حمدان بيون ويانا يقصرون الدوب
بو الريم : هيه والله مافكرت فيها زين العيال بيستانسون ويا بعض
ام الريم : خلاص انا برمس اختيه الا متى
بو الريم : جان تبون باجر على المغرب عنكم وقت اليوم ترتبون
ام الريم : خلاص انشاءالله بروح ارمس اختيه
وراحت تدق على اختها
ام حمدان: هلا اختيه شحالج
ام الريم : اهلين بخير وسهاله وانتي علومج
ام حمدان : بخير
ام الريم : اقولج ياختي ....... وخبرتها
ام حمدان : والله ماعندي خلاف شور فنان الا بتشاور ويا بو حمدان وبقولج
ام الريم : خلاص تمام
وراحت عند بناتها
ام الريم : بنات زهبن شنطكن بروح العزبه نبات سبوع
الريم : الله صدق من زمان عن العزبه
ام الريم : هيه
ميثوه : امايه منو بي ويانا
ام الريم : خالتج ام حمدان
ميثوه : هيه زين
ام الريم : انزين يالله نشن بلا كثره الكلام عقب والله بتشلن البيت شل علينا رتبن من الحين
كلهم : انشاءالله
وظهرت ولقت ام حمدان داقتلها
ام حمدان : هلا اقولج  بنخاويكم
ام الريم : زين عيل بنستانس ويا بعض
ام حمدان : الى متى بنظهر
ام الريم : باجر على المغرب و محمد وحمدان الحين بنخبرهم بيلحقونا يوم الجمعه
ام حمدان : خلاص تمام
وبندت ودقت على محمد
محمد : هلا والله الغاليه علومج
ام الريم : بخير وسهاله انته علومك
محمد : يسرج الحال
ام الريم : انزين اقولك باجر نحن بنسير العزبه ونتا وحمدان تعالو يوم الجمعة عقب ماتخلصون دوام
محمد : انشاءالله
حمدان وهو يئشر منو ترمس
محمد : امي
ام الريم : ها
محمد :هههههه لا حمدان يقول منو ترمس
ام الريم : هيه سلم عليه
محمد : امايه تسلم عليك
حمدان: الله يسلمها
ام الريم : يالله انا بخليكم بروح اجوف سيفوه
محمد : يلا اوك
وبند
حمدان : ها شسالفه
محمد خبره كل شي
حمدان: زين والله
محمد : هيه عاد من زمان عن العزبه بعد براد وبنركب الدراجات والخيول
حمدان : عاد انا لعبتي الخيول
محمد : حليلك انته عيل بنسوي سباق بينك وبين ريموه وينجوف
حمدان : ليش
محمد : لانها كانت مشتركه فسطبل وتموت على الخيول انته لو بس تدخل غرفتها خلاص بتعرف انه هاي مهوسه
حمدان :  ههههه صدق ؟
محمد : هيه حتى ابوي فعيد ميلادها يابلها خيل
حمدان : صدق الى متى كان
محمد : عيد ميلادها كان 16/3
حمدان : هيه
نرد العين
ام الريم سارت عند سيفوه
ام الريم : سيفوه يا الهيس نش شو مرقدنك
سيفوه وهو يتمغط: ليش الساعه كم
ام الريم : 12:30 نش وراك صلاه ولا تراني بخبر ابوك
سيفوه: لا خلاص بنش
نش وطلع ولقى امه بعدها
سيفوه : ليش بعدج هني
ام الريم : اقولك .......
سيفوه : اوك قوم خالو بيون
ام الريم : هيه
سيفوه : يعني خلوف بي الحمدالله
ام الريم : اقول لايكثر قوم قوم خلص
سيفوه : بعد علومج كيف نرمس
ام الريم : ههههه تيك توك مايقصر
سيفوه : مب هينه الوالده
ضحكت وطلعت
سيفوه دق على خلوف
خلوف : حيه ولد العم
سيفوه : الله يحيك ها علموك
خلوف : يسرك الحال وانته علومك
سيفوه : على نفس الحال
خلوف : يحيك
سيفوه : اقولك بتون ويانا باجر العزبه صح
خلوف : هيه قالتلي امايه
سيفوه : زين عيل اسمينا بنفلها هناك بنسوق الدراجات وجي
خلوف : الله عاد من زمان عن الدراجات
سيفوه : اقولك نسير الكوفي ملان
خلوف : يلا فوقه
وسكر عنه ولبس كندورته وحدر(نزل)
ام الريم : على وين
سيفوه : بروح ويا خلوف الكوفي 
ام الريم : لا والله وقشارك منو بيسويهن
سيفوه : فديتج الغاليه سويلي اياه
ام الريم : حشى علي انا هبابي اخلص اغراض المطبخ ولبسي
سيفوه : خلاص برمس ميثاني
ام الريم : هاذا لو طاعت
سيفوه : لا ماعليج بطيع
وطلع وتلاقى ويا خلوف وركبو طبعا سيفوه الي يسوق لانه خلوف بعده
سيفوه : ها اي كوفي نروح
خلوف : ماعرف عكيفك
سيفوه : خلاص نروح سادل
خلوف : بس تم
ودق سيفوه على ميثاني
سيفوه : ميثوه
ميثوه : نعم
سيفوه : نعامه ترفسج قولي امين اخوج العود انا احترميني
ميثوه : تخسي نسيت انه قد بعض
سيفوه : لا مانسيت بس انا طايح قبلج يعني احترميني
ميثوه : الحين شو تبا
سيفوه : اقولج سويلي شنطتيه
ميثوه : لا والله وانته وين
سيفوه : انا ظهرت ويا خلوف دخيلج سويها
ميثوه : لا والله مابا انا هبابي اسوي شنطتيه
سيفوه : ايه دخيلج ياخي
ميثوه : كسرت خاطري خلاص اوك
سيفوه : غصبا عنج اصلا
ميثوه : خلاص كنسلت
سيفوه : لا خلاص
ميثوه : خلاص فكنا باي
سيفوه : لاتنسين تحطيلي مقصر و هودي حق الدراجه
ميثوه : بعد يتشرط
وبندت
خلوف : حليلها اختك احس تطلب الرحمه
سيفوه : ليش شو سويت تراها اختي اذا ماخدمتني بتخدم منوه
خلوف : ريلها
سيفوه : يخسي ، ميثوه عاد غير مابخلي اي واحد ياخذها حتى ريماني عاد هاي صدق غير هاي قلبي الثاني
خلوف : يحظهم والله
سيفوه : هيه عشان تعرف
وصلو
خلوف : خيبه ميلس شباب
سيفوه : هههه هيه والله
خلوف : حليلهن البنات مرات ارحمهم ماعندهم مكان ايلسون فيه
سيفوه : هيه صدقت
ويلسو وطلبو
وطبعا البيتين مشتطين ويالسين يرتبون الا خلوف وسيفوه يالسين فلكوفي ويدقون على اهلهم ويتشرطون هاذا الي فالحين فيه