احلى غزال

النهايه ( احلى غزال انتهت)🥲

الجزء الأخير
حتى ماريد اقول انه اخير 🥲
ياربي احس ماريد اخلص الروايه
بس شو نسوي

بعد ثمان شهور تقريبا
خلوني اقولكم شو ستوى حق شخصياتنا
الريم و حمدان : عايشن حياتهم في سلام الحمدالله والريم الحين في الشهر الثامن وماباقي على ولادتها شي الله يسهل عليها

شيخه و محمد : عرسوا بعد ما محمد خلص الشغل الي كان عليه المهم انه شيخه حامل في الشهر السابع مافي فرق بينها وبين الريم

خليفه و ساره  : عرسو تخيلو ترا خلوف كان يحبها المهم انهم عرسوا و ساره حامل في الشهر الخامس

سيف و ميره : اعرف بتقولون ليكون ميره هايج!!! لا هههه ميره هاي تكون ربيعه ساروه في المدرسه المهم انه سيفوه جافها وانعجب فيها والحين باقي على عرسهم إلى سنه

ميثه و راشد : اعرف مصدومين بس تخيلو راشد على كثر ما انه ما اي ألبلاد نادرا إلى انه يا تقريباً شهر عندهم و تعرف عليهم و عيبته ميثه و شخصيتها و عرسو بس للأسف ميثه بعدها ما حملت لانه راشد قالها انه مب مستعيل على العيال فا انشاءالله قريب

الظهر في بيت حمدان و الريم خذولهم بيت بروحهم بس في حاره اهلهم عشان إذا يابو عيال يكفيهم بس طبعا الريم اول ماتربي بتيلس شهر عند امها

الصاله
الريم : الو
حمدان : هلا قلبي
الريم : اهلين حبيبي شو تبا غدا
حمدان : وين تبين انتي
الريم : هههه مب أنا إلي بطبخ البشكارة
حمدان : اقول بعد شسمه خليها تسوي مجبوس
الريم : تمام ، متى بترد
حمدان : الساعه 2:30
الريم : اوك اخخخخ
حمدان : ريموه ريموه شو فيج
الريم : حمدون شكله ياني الطلق وابويييي ماتحمل تعال بسرعه
حمدان : اوك ياي تحملي
الريم : اوك اوك
ويلست الريم تتويع و متحمله وطلع حمدان يسرع من الدوام والشغاله راحت تيب عباه الريم و الريم خلاص تحس بتنفجر من الويع المهم دقلها حمدان وساعدتها البشكاره وركبوها السياره و هي تصيح من العوار وصلو المستشفى دخلوها طواري على طول وحمدان يلس في الانتظار وتم يدعي وعقب دق على ام الريم و امه عشان ايون وايبون شنطه البيبي مالت الريم و شنطتها وامها علطول ركبت السياره ويا اختها وطيران على المستشفى ههههه المهم وصلو المستشفى و كلهم تموا متوترين ويدعون وحالتهم حاله طلع الدكتور ونش حمدان

حمدان : ها دكتور بشر
الدكتور : مبروك جاكم ولد
الامهات : كللللللوش
وحمدان طاير من الفرحهههه
حمدان : الحمدلله ، بس مب المفروض تربي في التاسع
ام حمدان : عادي يستوي
حمدان : يالله الحمدالله
ام الريم : تراكم ماقلتو شو بتسمونه
حمدان : اتفقنا على ذياب
ام الريم : ماشاءالله محلاه من اسم مبروك عليك الطارش بو ذياب
حمدان : الله يبارك فيج
ام حمدان : مبروك الطارش يا ولدي
حمدان : الله يبارك فيج
المهم وانتشر الخبر عند الكل والكل يا يسلم على الريم و بيبي ذياب وكلهم حطوا البشاره في الستوري والكل يبارك لهم والريم اول ماشلت ذياب في ايدها يلست تصيح دموع الفرح مستأنسه انه ولدها جدامها وبكل صحه