احلى غزال

الجزء التاسع

الجزء التاسع
يوم ثاني الصبح في البلاد
تحديدا فبيت بو الريم
نشت ام الريم عشان توعي عيالها عشان لايتأخرون على الدوام وراهم امتحانات
ونزلت تسوي الريوق

ام الريم : ميري
ميري : نعم مادام
ام الريم : سوي بيض طماط حق العيال و براتا
ميري : اوك ماما
راحت الصاله ويلست على تليفونها و دخلت برنامج عشان اتجوف الوقت عن قوم الريم لانها تبا ترمسها بس بعده عندهم الفليل  وقالت بترمسها خلاف ونزلو البنات
البنات: صباح الخير امايه
ام الريم : صباح النور ، يلا تعالو تريقو
نشوا تريقوا وطلعو عسب لايتئخرون
ام الريم : يالله انك اتوفقهم وتيسر لهم امورهم
بعد ساعات ردوا البنات البيت وطبعا الاخ محمد راقد فلصالة لا شغله ولا مشغله
ساره : انته ايه شو مرقدنك هنيه
طبعا لا حياه لمن تنادي ، طبعا ساروه اشتاقت حق ضرايب سيفوه وتبا تغايض حمود سارت وضربته عراسه حليله فز
محمد : انتي ايه ، حد يوعي جي عنز انا
ساره : هيه ههههههه
محمد: انزين ماعليه
ام الريم : ها بلاكم انتو تباغمون تقول تيوس
ميثه : ماشي بس ساروه شكلها شتاقت حق مغايض سيفوه فا حبت تغايض حمود هههههه
ساره : هيه والله
ام الريم : اقول عن المصاخه ابوكم ياي الحين سيرو بدلو ونزلو تغدو وانته قوم الي يشوفك مايقول واحد بيعرس
محمد : يا ها العرس ذليتوني فيه حشى مايسوى علي بعرس
ام الريم : وابويه لايكون هونت يا الفشله
محمد : بسمالله بلاج انا ماقلت هونت بس حشرتوني عرس و عرس
ام الريم : انته وافقت بئرادتك انا مايخصني
محمد : حشى

ونروح لندن
نشت الشيخه ريم هههههه
الساعه 6:30
لبست وتعدلت ومروقه اليوم ههه وسوتلها ريوق بعد وعقب تذكرت امها ودقتلها
ام الريم اول مارن التليفون راحت صوبه ومن جافت الريم الي داقه استانست وردت على طول
الريم : هلا والله بالغاليه
ام الريم : اهلين يا نظر عيني ، علومج حبيبتي عساج بخير
الريم : امس ماكنت بخير بس اليوم من سمعت حسج استويت احسن
ام الريم : فديتج ليش شو فيج
الريم : بقولج شي بس لاتخبرين حد
ام الريم : خوفتيني شو فيج قولي
ريم : وخبرتها كل شي
ام الريم : حبيبتي انتي ، كل ها استوى وانا ماعرف
ريم : انتي خلي ها انا مفتشله من حمدان
ام الريم : ههههه فديته ماقصر لو ماهو جان انتي ميته يمكن بسمالله عليج ومحد درابج
ريم : اماه تفاولين علي
ام الريم : حشى والله فلعدو ولا فيج ، حبيبي الساعه كم عندكم
الريم : 6:40
ام الريم : يالله نشي بتتأخرين
الريم : انشاءالله ، امايه ابوي صوبج ابا ارمسه
ام الريم : هيه لحضه
بو الريم : هلا والله بحبيبه ابوها
الريم : اهلين ابوي تراني مغيضه عليك
بو الريم : افا ليش
الريم : ها الدريول كل يوم وطالعلي بعذر عنبوه يبا يفشلني عند عيال عمي كل شوي اقولهم ودوني
بو الريم : ماعليه انا بجوفه الهرم كلى ولا ريماني
ريم : فديتك ، يالله الغالي انا بسكر
بو الريم : فداعه الله
وبندت ودقت عليها شواخ
شواخ : يالله ريماني نحن تحت
ريم : تمام
ونزلت ركبت السيارة
ريم : السلام عليكم
حمدان و شيخه : وعليكم السلام
شواخ : علومج
ريم : بخير
وحرك حمدان وشغل ال fm وضهرتله اغنيه احلى غزال ابتسم وطول عليها
(فِي الهارودز صادَفتُ لِيَ أَحْلَى غَزال
مُسْتَحِيل أَنْسَى عُيُونهُ مُسْتَحِيل
فِي عُيُونهُ سِحْر وَرُمُوشهُ ضُلّال
نُاعْس الطَرَفَيْنِ بو رِمْشٍَ كَحِيل)
الريم حست انها فهمت شي ههههه وابتسمت
حمدان استانس من شافها ابتسمت لانه عرف انه هي بعد اتذكرته من سمعت الغنيه المهم كلهم نزلو جامعاتهم
نرد البلاد
يالسين في الصاله
محمد : امي بقولج عن موضوع بس ماباج تعصبين واباج تتفاهمين وياي
ام الريم : ويدي شو مسوي بعد
محمد : امي انا كنسلت ماريد اعرس
ام الريم : وابوي ليش!!!! جي فجاة الحين وين اودي ويهي عند حرمت عمك وبنت عمك المسكينه الي جهزت عمرها وسوت كل شي عطني سبب مقنع يخليك تكنسل
بو الريم : محمد العرس مب لعبه لو قلت من البدايه انك ماتباها جان تفهمناك لاكن مب جي تنحل الامور
محمد : امي ابوي انا احس اني مب جاهز ومب قد المسؤليه احس اني تسرعت في قراري وبنت عمي الله يستر عليها ويرزقها نصيبها وانشالله ايها واحد احسن عني انا ماستاهلها
بو الريم : بس البنت جهزت وسوت وشو بقول حق عمك وكيف بفهمه الله يهديك لو قايل من قبل احسن
وطبعا محمد خلاهم وراح فوق
ام الريم : الله يهديه الحين شو بنسوي
بو الريم : انا برمس اخوي انشاءالله انه يفهم
ودق بو الريم على اخوه
بو الريم : هلا اخوي علومك
بو سيف: بخير دامك بخير امر اخوي شبغيت
بو الريم : والله يخوي ماعرف كيف ابدا معاك من كثر ما انا مفتشل منك
بو سيف : افا عليك انا اخوك تفتشل مني ليش قول يا خوي
بو الريم : والله يخوي ولديه محمد هون ومايبه يعرس كلمناه وبعده على رايه بس يهال صايعين يا خوي مايعرفون الصح من الغلط
بو سيف : افا يا محمد ليكون بنتي مايازتله
بو الريم : حشى بنتك الكل يتمناها بس يقول انه كان مستعيل وماعرف شو
بو سيف : ماعليه يا اخوي
بو الريم : السموحه منك يا خوي و الله يرزقها النصيب الي احسن من محمد
بو سيف : امين ، يالله مع السلامة
وسكر عنه وراح صوب حرمته
بو سيف : اقولج برمسج عن موضوع وخبرها كل شي
ام سيف : والله مدلعينه هاذا ولدهم في ولد جي يسوي
بو سيف : عقلي يا حرمه شو هاي الرمسه
ام سيف : وانا الصادقه حد يخلي الغزال
بو سيف : الا الغزال عقولتج وين
ام سيف : فلحجره
وسار عن بنته
بو سيف : ميره
ميره : هلا ابوي
بو سيف : برمسج بموضوع وخبرها
ميره : صدق! ليش ؟ يالله ماعليه يمكن خيره
طبعا ميره رده فعلها كانت عاديه لانه اصلا ماكانت مهتمه لانه زواجهم تقليدي وهم اصلا ماكانو وايد قريبين من بعض من جي مازعلت