ព្រឹកឡើង Ari បើកភ្នែកព្រឹមៗមក មានអារម្មណ៍ថាចាំងភ្នែកដូចធម្មតា។ ដល់ពេលដឹងខ្លួនទៅបានដឹងថា Jungwon កំពុងចំហរទ្វាបន្ទប់នាងធ្លុង ហើយគេកំពុងមើលមកនាងទាំងមុខក្រម៉ូវ។
នាងរកនិយាយអីមិនចេញព្រោះទើបតែងើប។ ឆ្ងល់ណាស់មិចប្អូនចង់មករករឿងទាំងព្រឹក?
ដល់ងាកមើលក្រោយបានដឹងថា Sunghoon កំពុងគេងអោបនាង!
ព្រះអើយ! យប់មិញពួកគេគេងលក់អោបគ្នាដោយមិនដឹងខ្លួន។ នាងភ្លេចថា Jungwon តែងតែទម្លុះចូលបន្ទប់នាងរាល់ព្រឹក ព្រោះគេអត់ចេះទិញក្រាស់សិតសក់ខ្លួនឯង!
Ari ក៏ប្រញាប់ងើបឡើង ធ្វើឲ្យ Sunghoon ភ្ញាក់ដូចគ្នា ហើយខំងើបតាមទាំងឈឺចុកពេញខ្លួន។
ដល់ពេលឃើញមុខ Jungwon គេក៏ភ្ញាក់មួយតង់ទៀត។
នេះគេត្រូវទ្រោមខ្លួនមួយតង់ទៀតដែរអត់?!
~~~
ឥលូវនេះនៅបន្ទប់ទទួលភ្ញៀវ Sunghoon អង្គុយលុតជង្គង់នៅចំពោះមុខប៉ារបស់ Ari ចំណែក Ari និង Jungwon អង្គុយនៅសាឡុងមួយជំហៀង ហើយម៉ាក់របស់នាង ធ្វើម្ហូបនៅចង្ក្រានបាយ ព្រោះគាត់មើលទៅពេញចិត្តនឹង Sunghoon ទៅវិញ។
"ខ្ញុំ Park Sunghoon ទទួលស្គាល់កំហុសដែលខ្ញុំបានធ្វើដាក់ Yang Ari ហើយ។ ខ្ញុំនឹងមិនបណ្ដោយឲ្យមានរឿងដដែលកើតឡើងទេ។ សូមលោកពូនិងអ្នកមីងអភ័យទោសនិងផ្ដល់ឱកាសឲ្យខ្ញុំម្ដងទៀតផងចុះ"
Sunghoon លុតជង្គង់ ហើយឱនក្បាលសូមទោសយ៉ាងសុភាពនិងគួរសមបំផុត។
លោកប៉ានិង Jungwon នៅតែមិនចង់មើលមុខ។
"ហេតុអីបានយើងត្រូវផ្ដល់ឱកាសឲ្យឯង?"
"ព្រោះខ្ញុំស្រឡាញ់ Yang Ari ខ្លាំងណាស់"
Sunghoon និយាយមួយមាត់នេះ ធ្វើឲ្យ Ari ញញឹមតែម្ដង។ ប៉ាម៉ាក់របស់នាងរាងភាំងដែរនឹងចម្លើយនេះ ព្រោះគេឆ្លើយយ៉ាងលឿន មិនបាច់គិតច្រើនទាល់តែសោះ។
Jungwon ក៏បែរទៅសម្លក់មុខបងពេលឃើញនាងញញឹម ហើយនាងក៏ឈប់ញញឹមភ្លាម។
"ឯងគិតថាប៉ុណ្ណឹងយើងទុកចិត្តបានហ្អេស?"
"លោកពូ សូមផ្ដល់ឱកាសឲ្យខ្ញុំផង... ខ្ញុំគ្មានអីមកអះអាងពីក្ដីស្រឡាញ់របស់ខ្ញុំទៅកាន់កូនស្រីលោកពូបានទេ លុះត្រាតែខ្ញុំទទួលបានឱកាសមើលថែនាងចាប់ពីថ្ងៃនេះតទៅ"
YOU ARE READING
Situationship // PARK SUNGHOON
Fanfictionសុខចិត្តឲ្យបងបោក បើបងជា Park Sunghoon Sunghoon តែងតែនៅជាមួយ Ari ដូចជាសង្សារ ប៉ុន្តែអ្នកទាំងពីរមិនមែនជាសង្សារនឹងគ្នា។ តើនាងអាចទ្រាំនឹងភាពមិនច្បាស់លាស់នេះបានទេ? Park Sunghoon x Yang Ari
