وادٍ غيرِ ذي زرعٍ | رسائل إلى هيونغوون.

٠٠: بَرقيّةٌ مُستَعجَلةٌ.

أنتَ تغرق.
تغرقُ في تفاصيلٍ مُتشعبةٍ.
تلتهمك تلك الحياةُ التي أنتَ مُجبر على العيش فيها.
تُسرِف في غِمار مَحياك، بَيد أنّك تودُّ لو تُسوّى بِك الأرضُ، فتندثر بعيدًا هُروبًا.

إنّي أراك هاهُنا تُحاول.
نعم، باستطاعتي أن أراك.
أُكاتِبك، ولعلّ مُكاتَباتي تُخفف وطئة الحنينِ، والألمَ الدفين.

إلى هيونغوون؛ الأعزُّ للقلب.
الذي أنبت أزهارًا في أرضي التي لا تُزرع.
كيف لي أن أشكرك، أيْ أنيسي.
تلك رسائلي خُطت إليك، لأُذكّرك بالأمل الباقِ في هذه الحياة.
رجائي ألّا تبتأسَ.

ــــــــــ

السلام عليكم.
يا مرحبًا، وأهلًا سهلًا.
كتاب جديد، فصوله قصيرة تقريبًا.
معمول مخصوص عشان أواسي هيونغوون.

وقد يتساءل البعض منكم مين هيونغوون؟
بكل بساطة، هيون هو الشخصية الأساسية في رواية 'أرض لا تُزرع' بتاعت يُسرى.
والغريب انو مهما مر من الوقت، ف الرواية دي يظل ليها مكانة كبيرة فقلبي ، وجدًا جدًا بحبها.
واستني في أسوء الأوقات، ولازالت السطور بتاعتها بتواسيني وتطمنّي حقيقي.
فـ آي فيل لايك؛ إنو مش أنا بس الل محتاجة مواساة، وإنما هيون كمان محتاج.

so, here we go.

خلينا نرغي شوية كده بخصوص النّبذة بتاعت الكتاب.
- ترا الرغي اللّ هيبقى ف آخر كل فصل ده، أهم من الفصل نفسه حقيقةً": -
سو
'وقد حَسبوا واديك غير ذي زرع، وأنت من خُطاك تُنبِت زهرًا.'

أولًا، ليه 'واد غير ذي زرع'؟
لإن العنوان لطيف جدا؛ وبيدي معنى بمثابة 'أرض لا تُزرع'.
ويحسسك ان الكتابين ليهم علاقة ببعض وكدا ")

ثانيًا، النّبذة هنا بتدي نفس معنى النّبذة الل فالرواية.
'لا احد يقترب منها، يظنونها في قحط وهي أرض زاهية.'
دي نبذة الرواية، أند شايفين التشابه؟

في الحالتين، بيتبيّن للناظرين إن الأرض ديه 'خراب'، رغم إنها في الحقيقة مش كده.

ولكن هنا السؤال ليه محدش شايفها مزهرة؟
هل إزهارها دا ظاهر أساسا؟ طب هل هي مزهرة فعلا للناظرين؟
في كذا احتمال،
إنها قد تكون مزهرة داخليا.
أو قد تكون 'بتحاول' تزهر.
وقد تكون فاكره نفسها مزهرة، ولكنها في الحقيقة خربة.

هيون قد يكون فاكر انو مُزهر، يس هيوني أرض، قد يكون يظن انو مليان ازهار، وانو تمام.
ولكنه فالحقيقة الظاهرة للاخرين (واللي هو مش شايفها) هو ميت، خرب.
هل دا انكار؟ هل دي كدا حالة من الإنكار لمشاعره.
بينكر الحال اللّ هو فيه، وتردّي مشاعره، وبيقنع نفسه إنه زي الفل؟
لا مش بالظبط.

قد تكون حالة من عدم الادراك... هو فاكر انو كويس. واتخطى. وانو الدنيا خلاص فل.
لكن الحقيقة انو متخطاش.. وانو متبهدل، من جوا، بس مش مدرك ده.

وقد يكون كل ما فالامر انو 'بيحاول'،
في محاولات انو يكون مزهر.
هو اه عارف، انو خرب.
ولكنه بيحاول، بيبذل مجهود عشان يقف على رجليه تاني.

وده الاحتمال اللّ أنا بميل له، لذلك ذكرت ل النبذة 'وخُطاك تُنبت زهرًا'
أند، أنا شخص بحب جدا أستعمل لفظ 'الخطى' للدلالة على المحاولات، عشان بحسه جدا واقعي ومعبر.
ف مع كل خطوة بيتقدمها هيون، هي محاولة، بتزود زهرة في ارضه.

فـ الفكره هنا بقا ان محدش شايف محاولات هيون . عشان كدا شايفينه خرب .. شايفين الجانب الجاف في ارضه وبس.

احم احم، في احتمال كمان مرعب فكرت فيه..
وهو ان هيون يكون هو اللي أعمى..
هو اللّ مش شايف الزهور الل ف حديقته. واللي بتتمثل ف والده، وهوسوك، وكُل النعم اللّ حواليه!

بغض النظر حاليًا عن أنهي فيهم هو هيون فعلًا، أتمنى إنكم تستمتعوا بالكتاب وتقضوا وقت لطيف فيه، وتقرأوا الرواية كمان. 🦋

هحاول أثبّت ميعاد ثابت للتنزيل، بمعدل رسالتين في الأسبوع. كل جمعة واثنين مثلًا.
فـ ترقّبوا.

وملاحظة أخيرة: الكتاب مش نسخ ابدا للرواية، وإن كان مأخوذ منها بعض السطور، والكلمات، فهو فقط لأجل اني أبرز جمال بعض الجمل اللي عجبتني، او استخدم نفس عبارات هيونغوون عشان اواسيه بيها، او اني افسر معنى الجملة ديه وأسقطها على المشاهد في الفصل.
بالمختصر، الكتاب دا مش رواية مستقلة بذاته، هو زي تحليل و'حديث نفس'، أو بعض الخواطر عن الفصول، والكثير الكثير من الكلام عن تفضيلاتي ووجهة نظري عن ما يحصل":