කාන්ති තවදුරටත් ඉවසුවේ මුදලාලිට ඇති ණය තුරුස් නිසයි...එදා වේල පිරිමහගන්න මිරිස් තුනපහ ගන්න මුදලාලිට ණය වෙන්න උනේ කාන්තිගෙ ණය පොතේ ගනන් ඉහල යද්දියි...
" ඉතින් අහපන්කො කාන්ති"
"අනෙ මුදලාලි උඹ මගෙන් අහගන්න එපා...මිනිහා මැරුනා කියලා මට ඇති අමාරුවක් නැ..මුදලාලිගෙ අමාරුව හොඳ කරගන්න වෙනින් එකියක් හොයා ගනින්.."
හොයා ගත්ත දරමිටිය උකුලෙ ගහගත්ත කාන්ති මුදලාලිට කට උත්තර නැති වෙන්න කිවේ ගෙදර එන්නට හැරෙමින්...
" මට ඇති අමාරුවක් නෑ බං..උඹ ගැන හිතලයි මං කීවේ.."
ඈතට යන කාන්තිට මුදලාලි කෑ ගෑවා...
කේන්තියෙන් හදිසි පියවර මනින කාන්තිගෙ ඇස් කඳුලු වලින් පිරිලා... සියලු කරදර කාන්තිට කොලොප්පම් කරද්දි ඒවා දරාගත්තෙ කාටත් හොරා ගලන කඳුලු වලට පින්සිද්ද වෙන්නටයි...
ගෙයි පාරට හැරෙද්දි මොහොතක් නැවතිලා තීත්තෙන් කඳුලු පිහදගත්ත කාන්ති මවා ගත්තෙ කිසිම හැඟීමක් නැති මුහුණක්...
දර මිටිය මිදුලෙම අතඇරල ගෙට ගොඩවුනේ රෙද්දෙ අත පිහන ගමන්.අල්මාරියෙ රෙදි අස්සෙ හංගලා තිබ්බ රුපියල් පනහ අතට ගත්ත කාන්ති හීල්ලුවෙ ඒක දිහා බලාගෙන...
රුපියල් පනහ ඉනේ ගහගත්ත කාන්ති ආයෙත් එලිබැස්සා.
" අම්මා ආයෙ කොහෙ යන්නෙ.."
ආ පයින්ම ආයෙ යන කාන්තිගෙන් මලී ඇහුවෙ කාන්තිගෙ හැසිරීම අමුතු නිසයි..
"කඩේට ගෙහුන් එන්නම්.."
විගහට විගහට හංදියේ කඩේට ගිය කාන්ති කඩේට ගොඩවුණේ ඉනේ ගහගත්ත පනහත් අතට අරගෙනමයි..
" මගෙ ණය පොතේ ණය ටික කපන්න මුදලාලි.."
පනහ දික්කරලා කියද්දි මුදලාලිගෙ මූණ වෙනස් වුණෙ කුමක් උනත් කාන්ති හිත හොඳින් නැති බව දැනුන නිසයි.
" ඇයි බං මේ හදිස්සියෙ මං උඹෙන් ඕවා ඉල්ලුවයෑ..."
" සල්ලි ඉල්ලුවෙ නැතුවට අපෙ නැති බැරිකම් ඉස්සරහට දාගෙන මුදලාලි වෙන වෙන දේවල් ඉල්ලනවනෙ...ඔය ණය ටික මේකෙන් කපන්න මුදලාලි..."
YOU ARE READING
මලී
Romance1990 ගනන් වල දුප්පත් පවුලක් වටා ගෙතුන ආදර කතාවක්..මලී දුප්පත් පවුලක බාලයයි...අහම්බෙන් හමුවන ආදරය මලීගෙ මුළු ජීවිතයම කනපිට පෙරලන්නට සමත් වෙන්නෙරටේ එක් කොනක් යුද්ධයෙන් ඇවිලෙද්දියි.. ?♥️
