ادور حجه
بيها وياك اسولف
بلكت تفتحلي گلبك
واحتاريت خلصن عندي
الاسباب وبعدك مادريت
شگد احبك
________
ريم : وين ذبينا نفسناا ياوهمّ
تنهدت بقهر وسكتت ، حفضت السكرينات يجي يوم ونحتاجهن
گامت ريم تسوي ريوگ ، حطته بس محد الها نفس تاكل بعد الشفنا
ريم : توقعتها سيئة بس مو لهاي الدرجة شلون غفلنا عليها !!
- أني السبب ، اني لعرفتها عليج وقويت علاقتنا وخليتها تدخل بينا اوف شيخلصنا من هل مصيبة
ريم : ليش تلومين نفسج وانتِ تعرفين لكلشي يصير مخطط منهم
تنهدت وجاي ارد على ريم بس قاطعنا إتصال الموبايل !!
رحت شفت المُتصل " حميد " بقيت اباوع على الشاشة واحجي بداخلي ، وانتَ شنو سرك وي بأن !!
رديت عليه : اهلاً حميد
حميد : هلا يابة ، شلونج
- تمام الحمدلله
حميد : جيد ، طبعاً أعتذر على الازعاج بس هسه لازم تجن للشركة بما انُ اجه "الدكتور جهاد" ويردكم بلشركة
- لا عادي ، شوية ونجي
ودعته وسديت الخط منه
ريم : احم شراد منج؟
باوعتلها بطرف عيني وكلت.: كال يريدنا بلشركة هسه
اباوعلها طفرت وراحت تبدل ، مسحت وجهي بقله حيلة
رحت وراها ابدل، گملنا علسريع وطلعنا من الشقة جاي ننزل للطابق الجوه وتلاگت ويانا بأن بس نصدمتت بمضهرها
جانت لابسة تنورة سوده قصير توصل فوگ اركبها وياها قميص وردي فاتحه أول دگمتين منه ولازمه بايدها جاكيت اسود والايد الثانية بيها الجنطه وسويچ السيارة مضهرها جذاب جداً !!
حجت بابتسامة: صباحووو جنت منتظرتكم
حجيت وإني منقرفة منها بس مابينت ذالك فقط بيني وبين نفسي
- ليش زحمتي نفسج تره نگدر ناخذ باص ونروح !
بأن : افااا واني موجوده طبعاً لا ، ويلا امشونا هاريمه شو ساكته
ريم : لأن مموجهه الكلام الي عود من يتوجه احجي .
بأن : هم صح ، يلا خلنروح راح نتأخر
صعدنا وياها ومحد بينا تحجين طول الطريق ساكتات، وصلنا للشركة نزلنا وطبن قبلي لان اشتهيت اجيب گهوه
رحت جبت ورجعت امشي للشركة فتت وسلمت عليهم جاي امشي واسمع واحد صوفر وكال : أخ الله منين جايبيلنا هيج كيك مملوح
ألتفت عليه واني خازرته عفته ومشيت وإني ادردم عليه
دگيت الباب وفتحته من سمعت صوته يكول : تفضل
أنت تقرأ
سفاح الوهمّ
Actionاباوعله ودموعي تنزل على خدي بكل سلاسة باوع عليه بعتب وكره وگال ليش يُبا هيج تاذيني شمسويلج انا؟
