لاتنسون التصويت وتعليقاتكم بين الفقرات 🦦
____________
بنص البحر غطيت
والحوت اجاني
لاتكلي سهله تهون ؟!
مو يونس اني!
________________
باوعتله بستغراب ليش واشمه وره اذنه ومخلي ميبين هيج ،
سمعت باب الشقة يندگ جاي اگوم افتحه وطفر جهاد من مكانه
- يااا شگعدك
جهاد : ليش منو كلج جنت نايم ؟
عكدت حواجبي باستغراب : لعد ؟
جهاد : گاعد مانايم
بقيت اباوعله بستغراب شكله جان عبالك جثه هامدة ، راح فتح الباب وطلع ابو الدليفيري
سد الباب وطب ، راح وده الاكل للمطبخ
جهاد : جوعانة ؟
- اي
جهاد : خوش تعالي أكلي
- ليش وانتَ متاكل ؟
جهاد : چؤؤ ماريد ، أكلي لتبقيلي
عافني وراح دخل للغرفة ، رحت أخذت لفة وقوطية ببسي وگعدت أكل بهدوء تام
كملت ولميتهم ، بقيت افتر بلشقة بملل طلعت مسلسل كويتي بقيت أتابعه
حسيت على صوت الموبايل ، أخذته شفتها رساله من ريم
💬 فستان اخضر و؟؟ !
رديت : وردي ، محد يمي احجي
💬 الخطوة الأولى تمت
رديت : ههههههه ذيبة اختي
💬 بأجر اداومين ؟
رديت : امم
💬 كلش زين يله باي
ودعتها وحذفت المحادثة أخذت نفس براحه ،
____ حميد _____
جنه گاعدين اني وجهاد ورن موبايلي من قريت الإسم
أبتسمت
جهاد : منو اتصل وابتسمت گوا**
رفعت رأسي عليه ، حميد : شعليك
باوعلي صفح ، رجعت حجيت : حاتم يتصل
جهاد : أفتح سبيكر بسرعة
هزيت رأسي ورديت علي ,
حميد : هلا جدي
حاتم : هلا بوية
حميد : متصل صاير شي
حاتم : لا ماكو شي بس شوكت ناوين ترجعون للعراق انتَ واخيك الخبل ؟
حميد : مابقه بس تسع أشهر ونكمل استثمارات الشركة
حاتم : شوف وليدي راح ادزلك واحد من ازلامنه بيده اوراق نص الأسهم بلشركات وقع عليهن انتَ
حميد : تحجي صدگ جدي ماشتغل تا اخذ منك أسهم !!
حاتم : اندار فدوة لاخلاقك وليدي وهذا حقك نسبة الك 55% بلمية من الأسهم
أنت تقرأ
سفاح الوهمّ
Aksiاباوعله ودموعي تنزل على خدي بكل سلاسة باوع عليه بعتب وكره وگال ليش يُبا هيج تاذيني شمسويلج انا؟
