لعن الله امة قتلتك
و لعن الله امة ظلمتك
و لعن الله امة سمعت بذلك فرضيت به يا مولاي يا ابا عبد الله
لعن الله امة اسرجت و الجمت و تهيأت لقتالك يا ابا عبد الله
﷽
قدر : كلت لخالة اطلعي برة وصدر صوت الاشعار من الموبايل الي جواي
نسرين: شنو هذا الصوت؟
قدر: مادري اطلعي برة يلة اطلعييي
نسرين: هذا صوت موبايل؟
قدر: واني منيلي موبايل مثل البنات وتجيبولي حارميني من كلشي همزين تخلوني اروح للمدرسة وارجع همزين ماحرمتوني هم من هاي
نسرين: انصدمت من كلام قدر : عفتها وطلعت وسديت الباب حيلل
قدر: بجيت وضميت راسي بالمخدة ووعطت بالمخدة بجيت مو علمود شي بجيت لان ياهوه اجة وضربني وكانو ماعندي شخصية ضليت ابجي واني كاتمة صرخاتي بالمخدة ماريدهم ماريدهم
كمت قفلت الجهاز وضميته ورة الهدوم كلش بعيد محد يكدر يطلعه واني كلش مقهورة شسوي ماريدهم انهزم ماكدر اروح لاهلي ماعندي اهل واكثر انسان احبة ميريدني
كعدت يم الجرباية بالكاع وضميت رجلية لصدري وبجيت شسوي اني شسوووي حتى ارتاح صفنت بنص بجيتي وعيني صارت على المراية الي جوة الجرباية
(دايما بالمدرسة اشوف بنات ويانه ايدهن مشكوكة كلت خلي انتحر ) راح يصير مثل المسلسلات ويهتمون بية ويحبوني
لزمت المراية وكسرتها اخذت جزء حاد منها وخليتها على معصمي وشبعت بجي ماريد اسويها خايفة ماريد اموت
ودموعي تنزل وكانو شلال غمضت وضغطت بالجامة على ايدي
قدر: اااااااااااااه (صرخت واني بعدني ماسويت شي )
اااااه اهىء اووف
مسحت دموعي بضهر ايدي وخليت الجامة وجريتها حيل واشوف الدم صار يطفر وكانو حنفية مي وفتحتها (هواي خفت ماتوقعت هيج يصير )واني مقررة بس انحر(اجرح ) ايدية الاثنين بس شفت وحدة وخفت ذبيت الكزازة وكمت ابجي واصيح ضميت ايدي على بطني
قدر: خااااااااااالة خاااااالة الحكيلي خااااااللللة (دموعي ماسكتت والبجي مستمر)اخخخ يمةةة
نسرين : هستوني نزلت من قدر ولبست هدومي اروح لبيت امير وسمعت قدر تصيح وتبجي صعدت ركض لكيت الدم داير مدايرها وهي تبجي وضامه ايدها لبطنها ركضت عليها
نسرين: عزا بعينج قدر ولج شسووويتي (اخذتها بحضني ) كومي كووومي وياي بسرعههه
حضنتها ونزلت والبيت صار عبارة عن نقط دم
احتاريت شسوي يربي هاي شونۨــہ المن احجي ادور موبايلي اختفة انخبصت ركضت لغرفتي مالكيته اتذكرت مخليته بالجنطة ركضت طلعته واتصلت بعلي لان اخر شي خابرته
