قدر كعدت ب١١ ضربت الدوام فتحت الجهاز وسويت حساب وهمي بالانستا وراسلت سارة دزيتلها كل الصور وضميت وجهي بالسمايل وكتبت
📱بعدج متاكدة من حب حبيبج
وحذفت الحساب بسرعه ضليت نايمة بفراشي خايفه وفرحانه انو خربت علاقتهم همة صار سبوع مايحجون. وهسه هاي السالفه اني اعرف سارة حساسه ومتكدر تبقه ويا علي جانت مروى تحجي وياها يمي علاساس هي كلش متدينه ومتقبل بالحرام
كمت غسلت ونزلت يم خاله ب١٢ لكيت بارق بالمطبخ يشرب جاي ولازم راسه
قدر: ها شو ممداوم اليوم
بارق : هلو ب تتن ريتي والله مادري راسي يوجعني كلش وتعبان ومارحت للشغل
قدر: لزمت جبينه شنو خاف مصخن
لا ممصخن لعد هاي ارهاق من الشغل لتروح اليوم ارتاح
اني اروح يم خالة
مشيت من يمة واني اضحك بشر
بارق : فتحت جهازي سارة بعدها حاضرتني
واني تغديت بالبيت وطلعت العصرية يم عزيز
———
سارة العصرية كاعده بالصيدلية فتحت الانستا اني حاضره بارق كلت خلي نتراضة صار سبوع وكلش مشتاقتلة فتحت انستا وراسلته
📱ولو متستاهل اراسلك بس شسوي جابني الشوق
بارق : كاعد اني وعزيز بالكهوة وصلتني رسالة من سارة الدنيا ماشالتني من الفرح
دخلت للمسج
: اروح فدوة ونذر للمشتاقلي والله باجر اجيج لبغداد ماطول جمعه بعد ماتحمل ماشوف هلوجة الحلو
:وبعدين ولج ليش مخلية صورتج بالبروفايل
سارة: عناد بيك حبيبي بس من تجي تراضيني وتعتذر على سوالفك
بارق: ولج والله ماسويت شي متاني اليوم قبل باجر الي يجمعنه
سارة: تدري شكد احبك
بارق: ميجي ذرة من حبي الج انتضري حبيبتي اجوي ناس
سارة : اوكي حبيبي اني هسه ريست مالتي
طلعت من محادثة بارق باوعت بالطلبات هواي حسابات اني دايما اشوف الطلبات دخلت على اول طلب وياريت مادخلت اشوف صور حسيت گلبي انفطر معرفت شحجي بس دموعي اخذت مجراها
تنفسي صار صعب صديقتي بالصيدلية بصفي انتبهت علية
..سارة شبيج
سارة : كمت افرك بصدري مختنكة شمرت الجهاز عالميز
ورحت للمكان الي صاير وره الصيدلية
لا لاااا لااااااا عطت بحركة كلب
صديقتي اجت وراي اسمها دانيا
دانيا: سارة راحت تركض ورة الصيدلية وشمرت الجهاز اني كتلها تفتح الحضر من بارق اعرف شكد يحبون بعض اني صديقتها البيست وكلشي اعرف بخصوصهم من شفتها شمرت الجهاز وراحت ركض اجة بالي انو زعلها او ضوجها بالحجي شلت جهازها بجيبي ورحت وراها كلت لزميلنه انو ينتضرنه شوية ونجي
رحت ركض لكيت سارة تبجي وتفرك بصدرها مختنكة
شكو حبيبتي سارة شكووو
سارة: لج دانيا يخوني ولج دانياااا
