بارق : دخلت مواليد قدر ودخلت اول شي للاستوديو
شنو الصدمة كلشي توقعت بس هالشي لا
قدر والصور واني وياها
ابتعدت عنهم (قدر وعلي ) واني مصدوم انت شنو (بعصبية)
قدر: بس افهمك والله افهمك
بارق: اششش ولا كلمة اشششش
طلعت من صور دخلت للواتساب محادثات ويا سلام تشيب الراس
دخلت للانستا متابعه سارة ومتابعتني ومسوية حساب ومخلية صورتها
وتراسل ولد والتلي القنوات الي مانزل الله بها من سلطان
والقنوات الي مشتركة بيهم كلها اشياء +18 مستحيل هاي قدر الي ربيتها هاي قدر البريئة
ماعرف شحجي بس الصدمة الي بوجهي وعيوني الي تريد تطلع من مكانها
: والله اندمج على كلشي ياقدر اني اعرف شونۨــہ اربيج
قدر: خفت من بارق من كلي هالكلام حضنت علي حيل
علي: شبيك بارق ويا البنيه شسالفه مو وكت هالحجي
بارق : وكته اذا هسه مو وكتة شوكت يصير وكته
لججج انت شنووووو فهميني شنووووو والله والي سماج قدر الا اندمج اني مو بارق ياناقصة
امير : بارق وعلي اخذو وصلت الدورية راح ياخذون صور لمكان الحادثة وياهم محققة علمود تاخذ اقوال قدر واخذوها وياكم اني راح اربي هذول الحيوانات على ايدي
وصلت الدورية المحققة اخذت اقوال قدر وصور لكل المكان واخذو المتهمين وسجلو شكوى عليهم طلعت الدورية واني وياهم وبقيت علي وقدر وبارق
قدر: اني الخوف يسري بجسمي خوف من الي صار خوف من بارق عرف كلشي مراح يعديها خوف من خالتي خوف من عمو فاروق
صار املي الوحيد علي جلبت بحضنه وماعفته خلص التحقيق واني بحضن علي ماتركته وبارق
نار لو يلزمني يحركني بعصبيته
علي : قدر تتحامى بية وترجف موقفها كلش صعب اني كتلها وعرضت عليها بس هي غبية ورطت روحها
بارق: طلعو الشرطة وبقيت اني وعلي وقدر
يالله لفها بايشي لبسها نرجع للبيت واني اعرف شنو حسابي وياج
طلعت من العمارة اتصلت بعزيز
: عزيز اريد الشقة الي كتلي عليها
عزيز: شتسوي بيها بعيدة ترا ومدينه سكنيه جديدة بعدها على اطراف البصرة
بارق: عزيز اني اشتريها منك وبس اشوفك انطيك الفلوس
عزيز: دنجب قحط فلوس متعرف تسولف اعتبر الشقة صارت الك
بارق: اروح فدوة لعضيدي
الي جنت افكر بي ماكو غير الانتقام قدر مستحيل تحل عني وتعوفني واني بعد الي سوته هم ماراح اعوفها بدون حساب تحلم بهل شي
طلعت قدر وعلي لبست وعلي حاضنها عباله تطير
: عليمن خايف هي كح..
علي: انت ليش تفشر ياخي اكرمنه بسكوتك متشوف البنيه شحالها دخلي رحمة بكلبك شبيكككك
بارق: رحمة رحمة رياض بس هاي الموجود
علي: وكت تحشيشاتك لبايخة
بارق: مو ابيخ منك
صعدو بالسياره وصلنه للبيت دخلت قبلهم وصعدت لغرفتي مالي خلك كلشي
بس طبكت السياره نزلت سريع
قدر: بالسياره لزمت ايد علي : لتتخلى عني علي اني موافقة على كلشي كتليا
علي: لتخافين قدر ماراح اعوفج وبس اتحملي هسه كم يوم واخذج اني
قدر: مراح تعوفني مو
علي: لا قدر لتخافين ماعوفج
نزلي يالله هسه بس اتحملي كلشي من امي لان صايره نار علمودج
قدر: ادري والله
نسرين: دخل بارق صعد لغرفته كلشي ماكلي صحت علي ميرد
ورة شويه دخلت قدر وعلي حاضنها
ركضت عليها
: يمة قدر يمةةةةة خاله ليش هيج سوين ليشششش حضنتها
وخرت شعرها اشوف وجها مشوة بالضرب
: شبيج منو وياج
احجي عادد شبيججج
.. صمت
نسرين: احجي عاد انت الاخ احجي شصايررر شبيها قدررر
علي: يمة قدر خلصناها من محاولة اغتصاب
نسرين: صخام صخمني وين اضم وجهي شكول للناس شكول للعالم البنيه الربيتها انهزمت مني واغتصبوها
ضربت قدر راجدي وانهاليت بلضرب على قدر
: سودتي وجهي ولج صخمتي وجهي ولج طينتي سمعتنه الله ليوفقج شكول للناسسس شكول للعالم
كالعادة مثل الكل محد يهتم بمشاعر الشخص بس بالناس وشتكول الناس وشتحجي الناس وهي الناس بكل الاحوال تحجي
