قدر: اكلك تبيعون منوم بالصيدلية
بارق ب(شك) شتسوين بالمنوم ؟؟
قدر: لا مو الي مو صديقتي رادت (بارتباك)
بارق يباوعلي بشك ويسد عيونه بتساؤل : اممم
قدر: اي شوف هو راحت للصيدلية مانطاها
بارق: اي طبعا مينطوون لاي شخص الا بوصفة طبيب وهم للكبار اكثر شي بلة منو هاي صديقتج
قدر: مريم وياي بالمدرسة متعرفها يلة انت نام نام اني اروح باستعجال
بارق: شنو بعدج مامكملة شو رحتي
قدر: لا ميحتاج فهمت وزايد يلة اروح انام كلش نعست وهي تتثاوب بالجذب
بيباي
بارق : روحي روحي وسدي الباب وطفي الضوة:غطيت راسي باللحاف
قدر: طلعت لغرفتي وطلعت الجهاز قفلت الباب :
راسلت سلام وساعه ب١١ كلت بلكي ميرد او نايم حتى اغلس واباع يوتيوب
بس راسلت كبل فتح الرسالة
📱هلو حبيبتي
قدر: شلونك ٱعذّرﻧـي مارديت على رسايلك لان جنت ضامة حعاز ماكدر افتحة يم خالة
📱ۤ؏ـآدُي ماكو مشكلة اهمشي انت موجودة شوكت تداومين ترا كلش مشتاقلج ولوجهج
قدر: باجر اداوم وامرلك
ترا الي صار الصبح ماريدة يتكرر ﺑﺂي سديت المحادثة مالته
بس اشوف الاشعارات
📱قدورة حبيبتي اني ردت لان مشتاقلج والله لو مامشتاقلج ماجان كتلج هيج ترا اني مو مثل مامفكرتني اني غير عن الشباب
قدر شفت الرساله ولعبت روحي كلها تكول مو مثل الولد لعد منو مثل الولد كلها تسوي نفسها انبياء وهمة لو كفار احسن من تصرفاتهم الوصخة فتت على حساب سارة شفت ستورياتها وحدها يعني بعده بارق مامحاجيها
سديته شفت حساب بارق هم كلشي مناشر
دخلت للمحادثات لكيت هذا الضابط مراسلني واصلا ميخلي صورته مدري شمخلي بس هو كلامة حلو من يحجي وياي صح جريء بس ماراد مني شي غلط (بهل فتره بس )حجيتله كلشي وكام ينصحني وكلي الي سويته غلط
دزلي صوتية
📱قدر انت بعمر بتي اني اكبر منج بهواي وشايف هواي تجارب كل فتره من حياتج هي درس وبس تخلص تكولين اني شكد غبيه جنت اريد هيج شي ادري هسه تحبين ابن خالتج بس اذا هو ميحبج متكدرين تجبري يحبج وهاي كلها دروس حتى متغلطين وشوكت متردين تحجين وتفتفضين تعاي احجيلي اني صديقج
قدر: هم تاخر الوقت وهذا صوته فخم بس لازم انام صارت ب١ كتله :اوكي عيني اني امشي بكلامك وهسه راح انام تصبح على خير ملازم عبداللة
📱هلاو ست قدر تصبحين على خير
قدر سديت الجهاز لعبت روحي كلها صايره شرفاء براسي
بس اكو جزء يداخلي دايما يكلي
يكلي سوي الي تردي حتى متندمين بعدين ليش ماسويتي ومثل كل مرة مجرد كتلة كلي سوي الي تردي
خلصت سديت الجهاز ضميت الجهاز بوجة المخدة مالتي ونمت
واني اخطط باجر اروح للصيدلية اكللهم اريد الحبوب لامي
كعدت الصبح خالة كعدتني كلعاده واني اتململ ماريد اكعد
