ويحسبون كَسر الروح هيناً وهـو عند الله عظيم
نرجع للماضي
اني قدر ولدت واني ماعرف احد غير بارق عمو بارق
وخالتي ام بارق الي همة بالاساس بيت خالتي
بارق دايما يكلي انتي فگر لانو من انولدتي اهلج نفصلو وطلعت حقيقه ابوج ونواياه
ماعرف ايشي عن الماضي غير الي يحجوليا واسمعه
من كبرت شويه تعرفت ۤ؏ـلى امي وابوي بس ماشفت بعيونهم نضره حنان ولا مودة ولاكاني بنتهم نضرات برود وحقد بس
—-
في الماضي
مها: اللوووو احمددد الحكني رح اجيب
احمد: شنو رح تجيبين بعد وقت
مها : مادري مادري احمد تعالي بسرعه رح اموت
احمد : جاي جاي مسافه الطريق اني يمج
مها انتضرت احمد ولما اجة اخذني للمستشفى والطريق كله اعيط لحين ماولدت لما كعدت لكيت يمي بنيه كلش حلوه مثل قطعه من الكمر
جنت منتضره احمد يدخل يشيلها ويخليها بحضني ويسميها بس احمد مادخل الي دخل عليه ابن اختي بارق واختي نسرين وجان مبين عليهم العصبيه
بارق: اني اعلمة هذا النذل الا اطلع الفلوس من خشمة
مها اني مو فاهمة شنو يحجون ۤ؏ـلى منو
مها: نسرين شكو كليلي احمد وين ليش بارق عصبي
نسرين : حبيبتي ارتاحي كلشي رح ينحل هستوج ولدتي تردين بنتج اخليها بحضنج شويه مشاكل وتنحل
مها (بخوف) مشاكل شنو احمد وين ليش مادخل شاف بنته شنو السالفه
احمممددددد ( كمت اصيح )
بارق : (بعصبيه) كافييي عليمن تصيحين رجلج ياخالتي المحترم يكول الطفله مو بنتي
مها حسيت بعد كلام بارق مثل صاعقه وضربتني شنو احمد يكول الطفله مو بنتي شلون مو بنته اني زوجته ليش يسوي بيه هيج صح هو صار فترة متغير عليه بس مو لهل درجة يتبره من بنته
دخل علينه فاروق زوج اختي
فاروق : آلحمـدُللھ ۤ؏ـلى سلامتج مها تكومين بالسلامة الف مبروك ۤ؏ـلى الطفله تتربى بعزج
مها : شكرآ̀ فاروق ااا احمد دد وين (اتلكىء خوفا من الاجابه )
فاروق :مها لتهتمين اني مراح اخلي يسوي الي براسه واخذلج كل حقوقج منه هسه المهم تصيرن زينه ونطلع من المستشفى
مها : حقوق شنو فاروق رجلي وين ليش ميجي يشوف بنته ليش كلكم اعصاب شكو شصاير (ببكاء وصياح)
فاروق : مها وكانو متعرفين رجلج وتحجين زوجج واحد نصاب وجذاب وبعمره ماحبج كتلج الف مره طمعان بفلوسج ومن شاف الورث مالتج طلع كام يزور اوراق واني اعرف بكلشي بس ماردت ادخل لحدما يثبت عندي دليل وصار عندي
فاروق : مها بنتي احمد واحد جذاب ماهمة لا انتي ولا بنته ويسوي كلشي علمود الفلوس لكيت هاي الاوراق (طلع من جيب سترته اوراق ) كلها مزوره علاساس انتي كاتبه البيت الي تركة ابوج باسمة وعلساس انتي متنازلة عن كل فلوسج لاحمد
ولما اليوم كشفته على حقيقته سواله سالفه جديدة وعلاساس انتي تخونينه وهاي الطفله مو بنته
مها : كل الي يكوله فاروق مجاي افتهمة ليش يسوي هيج احمد مو يكول ٱحبج مو تزوجني ۤ؏ـلى حب ليش طمع بفلوسي صح دايما يجيب طاري الفلوس بس نحنه مامحتاجين وعايشين احلى عيشة ليش هيج يااحمد ليششش
كرهت الطفله واني لحد هسه ماشايلتها بس بسبب هاي الطفله خربت حيآ̀تي ويه اكثر شخص حبيته دموعي صارت تنزل بدون وعي حسيت نفسي لعبه وانضحك عليه طفله وجذبو عليها ماحسيت بس بدموع تنزل ۤ؏ـلى صدري
واختي نسرين
تحضني حتى تسكتني وتحاول تقنعني انو آللهـ يكتبلي الاحسن
اتمنيت بلحضتها مانودلت بهيج عالم مستعدين يسوون كلشي علمود الفلوس
شنو ذنب هاي الطفله نولدت شوون رح تكون حياتها وهي باول يوم الها ابوها تبره منها وامها كرهتها انودلت من شخصين خطا
وبوقتها تذكرت الايه( يرزق من يشاء بغير حساب )
ماشلت طفلتي ولا حضنتها اجتي اختي تريد تنطينياها ومااخذتها
شالتها اختي هاي الطفلة شمت عطر اختي هو اول عطر يدخل رئتها
وحنان اختي هو اول حنان يحتضنها
نسرين : مها حبيبتي تردين تشيليها تسميها
مها : ماريدها بعديها عني مو بنتي هاي
نسرين: راعيت انو اختي الزغيره منهاره واخذت الطفله
ورحنه للبيت من دخلنه مها تغيرت ماعادت مها القديمة الي تعشق الاطفال
لدرجة بنتها من دمها ولحمها مارف كلبها عليها
مرت ايام والطفله تريد حظن امها واني اشوف اختي تضوج وتكره صوتها
مها : مر اسبوع واني ببيت اختي كرهت الطفله هاي ومن اشوفها وكاني اشوف عدوي ولاكانو بنتي واكره اسمع صوتها
دايما اسد اذني من تبجي نسرين دايما مهتمه بيها
وبعدها باسبوع اجة فاروق دخل
فاروق : نسرين جهزي الطفله وخلي مها تهجز نفسها لانو لازم نروح نسوي فحوصات
مها : مابيه شي ماروح اسوي اي فحوصات
فاروق مو الج للطفله لانو احمد اجاني اليوم
هههههه يهدد انو اذا مها ماتنازلت عن البيت رح افضحها بالعشيره واكول الطفله مو بنتي
ف لازم اخذ الطفله اسويلها فحص DNA حتى هذا الحيوان ميتجراء ويفك حلكة مره ثانيه وحتى تثبت عليه تهمة التزوير والتلفيق واذبه بالسجن الاوراق عندي وانتي شاهد انو انتي ماسجلتي شي باسمة خلي يحلم
مها : مامصدكني فاروق ليشDNA صدكني الطفله بنته اني احبة وماكو شخص غيره لمسني
فاروق اني مصدكج بس يامها رجلج انسان فاشل ومستعد يسوي كلشي لاجل الفلوس ولهذا اني لازم اسكته
مها : اخذ الطفله انت اني ماروح
فاروق : اخذت نسرين والطفله وجان احمد هناك لانو دزيت عليه دورية وجابو ودخلنه سوينه فحص والفحص يطلع بعد اسبوعين
وبخلال هاي الاسبوعين احمد بالحجز بتهمة التزوير ومها طلبت الطلاق
وتم طلاقهم وهمة هاي الفتره كلها ماشايفين بنتهم
نسرين صار عمر الطفله ٣ اسابيع هي بدون اسم جنت كاعده والبنيه بحضن بارق ابني ويلعب بخدودها
نسرين : بارق حلوه الطفلة
بارق : ماما كلش حلوه ومليانه برائة وخدودها كلش حلوات وناعمات وايدها
نسرين : اختي متريدها شنو رح يكون مصيرها
بارق : نبقيها عدنه احنه نربيها مو احسن ماما
نسرين : هي اكيد رح تبقه عندي بس ياماما اول وتالي ترجع لاهلها وخطيه الطفله رح يصير عمرها شهر ولسه بدون اسم
بارق : سميها قدر
نسرين : ليش قدر
بارق: ماما لانو القدر اخذ منها اهلها صارت مثل اليتيم بوجود اهله
نسرين : حلو الاسم بس امها لازم تسميها
بارق : خاله مها متريدها اصلا ولا تريد تشوفها وهسه تشوفين اخذت الطفله ورحت لغرفه خاله مها دخلت
وهي من شافت الطفله دارت وجها
نسرين دخلت ورة بارق لغرفه مها شفتها دايره وجها
نسرين : كافي مها ميصير الطفله بنتج لازم تشيليها وترضعيها وتسميها
مها : مووو. بنتي ماعندي اطفال فهمتوو ماريدها ولا اشيلها ولا رح ارضعها ولا اسميها وشتردون سموها اني مالي علاقه
بارق : مو كتلج ياماما المهم خاله اني سميتها قدر
مها : هزيت راسي اي ودخلت للحمام
صرت ابجي بس خلاص اني قررت ابدي حيآ̀تي من جديد اني طلكت وصرت حرة والطفله ماريدها تذكرني ﺑﺂي شي يخص احمد
وقررت اسافر وادرس برة
تسريع الاحداث.
مها تطلكت من احمد وفاتحت اختي بموضوع ارجع للكلية وهي دعمتني
خلصت كلشي وطلع الفحص مطابق وفاروق رفع قضيه ۤ؏ـلى احمد وانحكم عليه ٤ سنين سجن بتهمة التزوير وتشويه سمعه
واني تركت الطفله قدر وفاروق ساعدني اشتري بيت بالبصره واكمل دراستي بجامعه البصره وقررت ادرس قانون لانو حلمي من البدايه جنت اتمنى ادرس بره بس فاروق قنعني اكمل وبعدها اذا حبيت اسافر وهم هيج اكون تحت نضرهم
كل هذا عَمࢪي ١٩ سنه كرهت كلشي يخص الرجال
ادرس حتى احقق هدفي وادافع عن البنات مثلي
بارق :١٥ سنه عَمࢪي وجانت قدر عندي دايما اداريها واشيلها والعبها كلش احبها طفله بريئة وبدت تكبر كدام عيني مرت السنوات
بعد ٤ سنوات
طلع قبولي كلية صيدلة جامعه الانبار جان عمر قدر ٥ سنوات طفلتي عَمࢪي صار ٢٠ سنه رحت للانبار ٥ سنوات حتى ادرس ورسبت سنه صارن ٦ سنين كل فتره ارجع للبصره اشوف قدر تكبر كدامي
وتصير احلا من قبل
تعرفت ۤ؏ـلى اصدقاء سوء هوايه جنت اقسام داخليه
ودايما اسولفلهم ۤعـلى قدر
وعندي صديقي اسمة عزيز شكو افكار سوده براسه دايما يكلي ماعدها اهل لك هاي سهله اخذها الك العب بكيفك دايما افكاره جنسيه وكانو البشر عنده الالات وماكو مشاعر وبده يحولني لشخص اشبهة تماما
شخص بدون مشاعر
-ادركت حينها ان رفقه الصالح تُصالح ورفقه الطالح تُسيء
كمت حتى بايام العطل مانزل لاهلي لانو دايما افكاري شلون اونس نفسي واذا نزلت لاهلي ميخلوني جنت انزل بس بالعطله الصيفية ومابقه هواي سبوعين وارجع للانبار ابات عد عزيز
تعلمت ۤعلى كلشي ويا عزيز على البنات ۤعلى التدخين ۤعـلى الشرب على الملاهي والقسوة كلشي ماجان ببالي
وخلال دراستي جنت معجب ببنيه وياي بالقسم الوحيدة الي جانت تصرفاتي وياها تختلف تماما
وعزيز يعرف بيه احبها
البنيه الي جنت احبها جانت هم من بغداد اسمها سارة
جانت جدا جميلة وانيقة وكلش محبوبة وشاطره دائما تساعدني بالمواد عرفتها بالمرحلة الثالثه لما رسبت وهي صعدت مرحلة ثالثه
على الرغم جنت دايما اشوفها بالمرحلة الثانيه ومعجب بيها بس مااحجي
لان اخاف على سمعتها كلشي اله حدوده بالجامعه ماانكر انو اني شاب منحط لكن الناس اعراض واني عندي اخت وحدة واخاف عليها من الهوا لو مرر من صوبها
اما بالنسبه القدر ماجنت احسبها شي لا اخت ولا غريبه طفلة ربيتها على ايدي
رايكم بالبارت
_______
ادري صار هواي مناشره حقكم علية
ارجعو للبارت الاول تعرفو على الشخصيات
*ملاحضه تعريف الشخصيات وهمة كبار لكن القصه حتكون وهمة بعمر اصغر *
تصويت وتعليق
