اسيره عائلة القناوي

10

#اسيره_عائلة_القناوي
10

في الدوار 🌿

و حاول كريم يدخل بس عاصي زقه
و قاله بغضب / لو باقي عليها جوي اكده روح هات اي دكتورة علشان تشوفها عايشة لا ميتة

نور حطت ايديها علي بقها بصدمة / لاااا .....

وقربت و مسكته من هدومه / حرام عليك نور متستهلش كدة انت حيوان مش بني ادم

وقبل ما عاصي يرد عليها كريم قاطعهم في كلام
وقال /  مين نور

نور بصتله بتوتر و قالت / نور ... انا اقصد رهف اللي انتوا بتعملوه فينا من ساعة ما جينا البيت ده خلاني فقدت عقلي و اعصابي .. بصوا انا هدخل اخدها و نمشي من هنا

فاطمة / يا شيخة يبقي عملتي خير ... يلا خديها و في ستين داهية من هنا بقي

نور و هي بتتجه للاوضة لقت عاصي مسك ايديها/ لاااااا رهف مش هتتحرك من اهنا الا و هي رايحة تدفن في قبرها

و قفل الباب بالمفتاح

عاصي بحده / ما حدش منكم هيخش جوه والبنت دي  ملكوش صالح بيها

كريم بصوت عالي و بعصبية مسك عاصي من جلابيته و قاله / كيف يعني ماليش صالح بيها عايز تموتها في يدك يا عاصي واسيبك دي اختي

عاصي بصله بتحدي/ اه .. لان انت اللي جولتلي من اول يوم ليها  انك ما لكش صالح بيها وانا اللي متكفل بيها و  ده غيرك انها هتبجى مرتي سامع
يا كريم ولا اعيد كلامي تاني

و سابهم عاصي و خرج من الدوار كله و كريم كان واقف بيضرب كف علي كف و مش مصدق اللي بيحصل ده

فاطمه بشماته / طب والله كويس انها جت منه و حبسها ده انا مكنتش طايقة اشوف خلقتهاا و اهي بالمره بقى تقعد في الاوضه جوه لحد ما تروح فيها يبقى خلصنا

و سابتهم فاطمة ونزلت تساعد امها في الاكل
نور بخوف بصت لكريم / بالله عليك متسبهاش كدة والله لو انقذتها انا هاخدها و امشي ، خلاص احنا لا عايزين ورث ولا اي حاجة خالص

كريم / اهدي ..اكيد مش هسيبها اكده انا بس بفكر في حل

و قعد كريم يحاول يخبط الباب بكتفه جامد
_______________________________________________

في الجنينة

تولين مسكته من هدومه /  ليه يا زين تعمل فيا كدة

زين / انا معملتش حاجة افهمي بقي

تولين / لا عملت ما تكذبش انا فاكره اليوم ده كويس قوي انا وملك قابلناكم هنا في الارض دي

ملك ساعته قالتلكم و هي بتعيط ان احنا هنهرب وهنسيب البلد واول ما هربنا ووصلنا البيت باقل من نص ساعه البيت ولع

فلااااش بااااااااااك 🔥🔥

مراد كان تقريبا 17 سنة و كان ماسك ايد ملك بعصبيه وقالها / تمشوا فين اكيد مش هتسيبوا البلد وتسيبونا انا هتكلم مع عمو بنفسي