اسيره عائلة القناوي

35

#اسيره_عائلة_القناوي
35

في اوضة ملك

كان مراد نايم علي السرير و حاطط ايده ورا رقبته  بثقة
و القميص بتاعه زرايره مفتوحة و هي قاعدة قدامه ماسكة ايده برجاء/ وحياتي بقي عندك يلا أخرج

مراد/ اصلي هخرج اروح فين ، اقعد في اوتيل بذمتك ده ينفع طب ده انا حتي ضيف عندكم و الضيف ليه واجب الضيافة

ملك ببتسامة / اممم بقي كدة خلاص نام هنا وانا هروح انام جمب نور

و قبل ما تخرج من الاوضة مراد مسك ايديها و شدها عليه فوقت فوقه علي السرير / رايحة فين هو انتي فكرك نور هتبقي فضيالك دلوقتي ده تلاقي عاصي معاها في الاوضة
و بيصالحها علي مهله خالص

ملك بستغراب / امم طيب هنام مع تمارا بس ابعد ايدك دي .. اوعي يا مراد لو حد شافنا انا مش هعرف اتصرف بجد

مراد قرب و دفن راسه في رقبتها و هو ماسكها بتملك علشان متعرفش تبعد عنه و قالها / لاه مش هسيبك تاني .. ملك هو انتي ليه سافرتي و مستنتيش  ، كنتي فاكره اني هبقي زي عاصي و زين و ممكن أبيعك ، انا سبق و قولتهالك اني مسامحك علي اي حاجة عملتيها و بحبك اوووي

ملك اتنهدت بتعب / لا والله يا مراد انا عمري ما شكيت فيك .. بس انا مشيت عشان كانت حاله نور وتمارا كانت صعبه جدا وعشان انا ما كنتش انفعك

عارف يا مراد انا عشت كام سنه على ذنب ان انا السبب في موت ابويا ، عارف انا عيشتك قد ايه بحلم كل يوم بنفس المشهد ان ابويا بيو*لع قدام عيني وانا مش عارفه اعمله حاجه .. انا كنت محتاجه اتعالج انا اول كلمه قلتها للدكتور ان نفسي اخذ صدمه كهر*با عشان عايزه انسي كل حاجه حصلتلي .. اللي شوفته مكنش قليل

مراد  بعد راسه عن ملك وبدا يطبطب على شعرها بهدوء وشدها حضن وقالها / انتي روحتي لدكتور نفسي يا لوكة

ملك بصتله بتردد و الدموع كانت محبوسة في عينيها و بدات تحرك راسها بمعني اه و مراد مقدرش يستحمل ضعفها ده و سند ضهره علي السرير و شدها لحضنه ، و ملك ما صدقت و لفت ايديها حوالين وسطته و سندت راسها علي صدره و نامت
_______________________________________________

في امريكا
في الجيم

زين كان بيلعب بوكس و بيتمرن لانه داخل مسابقة كبيره في الجامعة

معاذ قرب ناحيته و ماسك فوطة في أيده و بينشف وشه/ بحس انك بتلعب بوكس علشان توجع اللي حواليك
بتتلذذ اوي لما  بتضربك حد يا زين ... شكلك بقيت سا*دي

زين بصله بغل و جمود/ انت بتقول اي ..هو اي كلام و خلاص

معاذ / ليه اي كلام .. انت مش بتشوف نفسك لما بتلعب مع حد بتعمل فيه .. انت عارف بتاخد كام انذار انت غشيم اوي و مكنتش كدة

زين قلع قفازات من ايده و قرب ناحية معاذ و مسكه من هدومه وقاله بغل / بقولك ايه يا معاذ انا مش عايزه اخسرك فبلاش تضغط على اعصابي لاني مش ناقص و خد بالك دي ثاني مره احذرك فيها