#اسيره_عائلة_القناوي
39
في اوضة نور و عاصي 🔥
نور كانت نايمة في حضن عاصي و هي بتتنهد بفرحة و بتفتكر كل اللي حصل من شوية و بتخبي وشها في صدره و فضلت تكلم نفسها./ يارب المره دي متجوعش قلبي تاني يا عاصي .. و يارب بقي تفضل اماني و حمايتي بقي
بس اتفاجات بعاصي و هو بيرفع وشها من حضنه و بيبوسها برقة / وعد مني اني عمري ما هخذلك تاني ابدا
نور برقت بصدمة./ انت عرفت ازاي اني كنت بفكر في كدة حالا
عاصي ضحك جامد من قلبه و مسك خدها بايده / علشان انا قلبي بيحس بقلبك حتي و انتي بعيد عني علفكره ، كنت بحس امتي فرحانة و امتي زعلانة تقدري تقولي كدة محسوبك مخاوي
نور ابتسمت و سندت ايديها علي صدره و قالت
بجرائة / اممم ماشي يا مخاوي تقدر تقولي اي اللي حصل من شوية ده ، هو مش احنا اتفقنا ناخد فرصة نقرب من بعض
عاصي رفع حاجبه بخبث/ لا والنبي يعني انتي مش عارفة اي اللي حصل .. و بعدين تعالي هنا انتي جاية تعترضي دلوقتي اومال مين اللي ماسك رقبتي و ..
نور حطت ايديها علي بقه بسرعة قبل ما يكمل كلامه و هي وشها اتقلب لقنب*لة حمار من كتر الكسوف /بس بالله عليك يا عاصي متتكلمش علشان خاطري
عاصي باس ايديها علي علي بقه و حط ايده علي شعرها بعشق و هو بيتنهد / و فيها اي يعني لما اكون واحشك هو انا مش جوزك
نور اول ما سمعت الكلمة دي غمضت عينيها بتوهان و دفنت وشها في رقبته و هي بتاخد نفسها بصعوبة من ضربات قلبها / كنت واحشني اوي يا عاصي ..بس انا كنت بحلم بيك كل يوم ، كنت بحلم اني في حضنك مكنتش مصدقة اني ممكن اكون لحد غيرك
و رفعت وشها وقالتله بدموع / انا كان ممكن اموت لو غيرك قرب مني
عاصي بغيره قام قعد علي السرير و قومها معاه و مسكها من رقبها بقوة / انتي عبيطة ولا اي .. مافيش واحد اتخلق علي وجه الارض يقدر يلمس شعره منك حتي لو موت . انتي بتاعتي انا يا نور انتي اتخلقتي علشان تكوني نور العاصي سامعة
نور ابتسم بتاثر و حضنته / اممم سامعة خدي في حضنك بقي احسن الفجر قرب ياذن و هتسيبني و تمشي
عاصي و هو بيبوس راسها/ معلش كلها يومين و ارجعلك تاني
______________________________________________
في اوضة ملك 😭
ملك بجرائه ضحكت / و مين قالك تبعد اصلااا ... ده القرب حلوو و ربناا
مراد ضحك جامد / وانا اللي كنت فاكرك مؤدبة ..يا شيخة ابو سفالتك قومي يا بت من هنااا
و قعدوا يضحكوا هما الاتنين
و فاجاه لقوا سجي داخلة تعيط جامد و بتتشحتف
سجي / مرااااد .. الحقني 😭
مراد بلهفة جري علي سجي بخوف / مالك يا حبيبتي انتي كويسة
