اسيره عائلة القناوي

34

#اسيره_عائلة_القناوي
34

حسن وهو ماسك خاتم الماظ وبيحطه في ايد نور بحب اتفاجئ ببوكس في وشه وقعه بالكرسي لورا

حسن بصدمة وهو واقف على الارض / انت مين يا جدع انت .. انت عبيط ولا اي

عاصي مسكه من بدلته بغل / انا عاصي القناوي يا روح امك جوز اللي انت جاي تخطبها

حسن / انت بتقوول اي ، انت مجنوون ما تتكلمي يا نور

عاصي بصوت فزع كل اللي موجود / تتكلم تقول ايه شايف امك اللي متلقحه جنبك دي واختك خدهم و غور في 60 داهيه من هنا ولو شفتك قربت من مراتي تاني هقتلك . يلااا برااا

وزقه عاصي جامد عشان يخرجه من باب الشقه ولكن نور خرجت عن صمتها وقالت بعصبيه / انت بتلاحقني ليه يا بني ادم انت ، انا مش مراتك سامع يا عاصي انا مش مراتكك انا مطلقه منك و بحب حسن هتجوزه

عاصي بصلها بغل وغيظ ومسك ايديها بعنف وقالها / مش عايز اسمع صوتك ده علشان متغباش عليكي .. و اطمني انتي حسابك معايا بعدين .

وخرج عاصي حسن واهله من البيت وهو بيزعق ومتعصب جدا وما كانش حد قادر يقف قدامه
و بص لكريم / ايه كنت انت هتبقى وكيلها مش كدة يا ولد عمي ، كنت هتجوز مراتي للواد الناقص اللي كان هنا صح

كريم بشماته / والله لو كانت فرجالك اكده ما كنتش رميتها وطلجتها ولا اني المفروض اعرفك مصلحتك يا ولد عمي

عاصي / والله اقول اي ما كلكم واطيين سواء انت او الزفت اللي واقف جنبك ..

و قبل ما يكمل كلامه اتفاجاه بنور وهي بتشده من القميص اللي كان لابسه بغل وبتقوله / لما ابقى بكلمك ترد عليا انت بتعمل معايا كده ليه عايز مني اي ، وجاي ورايا ليه ما انت خلاص بعدت عني و طلقتني .. راجع توجعني تاني صح

عاصي كان باصص في عينيها وحاسس بكل دمعه نازله منها وبكل تنهيده بتنهده بوجع حتي شكلها لقاه اتغير كثير .. بس عاصي ما كانش مستحمل يشوف الوجع ده فيها واتنهد بخنقه وقالها/ نور انا رديتك انتي مراتي انا ما كذبتش

نور وهي بتعيط وبتضربه بايديها علي صدره/ لا كذاب انت طلقتني يا عاصي برغم اني قلتلك اني بحبك وما ليش غيرك .. هونت عليك و سبتني

عاصي بيمسكها من كتفها بحب واضح جدا في عينه
وقالها / يمكن طلقتك في لحظه عصبيه . انا غبي في عصبيتي اعمل ايه ، بس رديتك اقسم بالله رديتك بعدها بيومين ما استحملتش انك ما تكونيش مراتي اه مقلتلكيش عشان كنت حاسس اني كرامتي اداس عليها بالجزمه بس انتي مراتي والله العظيم مراتي

نور وهي بتضربه بغيظ / بس انا مش عايزه مش عايزه ابقي مراتك انا مش عايزه اتعب تاني ولا اتبهدل سيبني في حالي بقى عاصي سيبني

وحاولت انها تفك نفسها منه لكن عاصي كان متمكن منها وبعزم قوته شدها لحضنه و باسها قدام كل اللي موجود وما فرقش معاه حد