သန်းကြွယ်ခြေလှမ်း (လင်းဖန်)
အခန်း(၂၂) ငါ့ကိုကြိုက်လား
"မြောင်~" ရှားဝမ်ချွေ့၏ အသံထွက်လာသည်။ လင်းဖန်ကို ကြည့်ကာ မျက်တောင်ခတ်လိုက်ပါသည်။
"နင်ရောက်နေပြီလား" လင်းဖန်က နောက်လှည့်မကြည့်ဘဲ ရယ်ကာ မေးလိုက်သည်။
"အေး"
"ငါရောက်နေတာ မပျော်ဘူးလား" ရှားဝမ်ချွေ့က နူးညံ့စွာ မေးလိုက်ပါသည်။ သူမ အပြစ်ရှိနေသလိုမျိုး သူမ၏ လှပသည့် မျက််လုံးလေးများက လင်းဖန်ကို ဝမ်းနည်းစွာ ကြည့်နေသည်။
လင်းဖန်က လှည့်လိုက်ပြီး သူ့ရှေ့က ကောင်မလေးကို ကြည့်လိုက်၏။
သူမက ကြောင်နားရွက်ဖြင့် ဦးထုပ်ကို ကြောင်မလေးလို ဝတ်ဆင်ထားဆဲဖြစ်သည်။ ဘောင်းဘီတိုကို ဝတ်ဆင်ထားပြီး ရှည်လျား သွယ်လျပြီး နှင်းလို ဖြူဖွေးသော ခြေထောက် ဖြူဖြူလေးများ ရှိသည်။ သူမက မိတ်ကပ်မပါဘဲတောင် အလွန်လှပနေပါသည်။
သူမ၏ စိတ်မကောင်းဖြစ်နေသော ပုံစံကလည်း ချစ်ဖို့ကောင်းဆဲ ဖြစ်သည်။ လင်းဖန် အစက ရှားဝမ်ချွေ့ကို အနိုင်ကျင့်ချင်ခဲ့သော်လည်း သူမကို ဒီလို မြင်လိုက်ရသဖြင့် ဘယ်လို လုပ်ရက်ပါတော့မလဲ။
"ပျော်ပါတယ်" လင်းဖန်က ပြောလိုက်သည်။
"ဟင်း ညစ်ပတ်တဲ့ လင်းဖန်။ နင်က မပျော်မရွှင် ဖြစ်ရဲတယ်ပေါ့" ရှားဝမ်ချွေ့က သူမ၏ ဦးထုပ်ကို ချွတ်လိုက်ပါသည်။ သူမ၏ ပုံစံက ပြီးပြည့်စုံဆဲပင်။
လင်းဖန်က ရှားဝမ်ချွေ့ကို ကြည့်လိုက်ပြီး ခေတ္တ ငြိမ်သက်သွားရပါသည်။
ရှားဝမ်ချွေ့က တကယ်ပဲ ကျောက်လီလီ၊ ရှဲ့ယွီထုံတို့ထက် အများကြီး ပိုကြည့်ကောင်းသည်။
သူမက နာမည်ကြီး ကြယ်ပွင့်တစ်ဦးဖြစ်ပြီး သူမ၏ ခန္ဓာကိုယ်က အမြဲတမ်း အချိုးအစား ကျနလှပခဲ့သည်။ သူမ၏ အသားအရည်ကိုလည်း ကောင်းမွန်စွာ ထိန်းသိမ်းထား၏။ တခြားသူများနှင့် နှိုင်းယှဥ်လို့ မရနိုင်သောအရာ ဖြစ်ပါသည်။
"ဘာကြည့်တာလဲ။ အရှက်ကို မရှိဘူး" ရှားဝမ်ချွေ့က ခြေလှမ်းအနည်းငယ် နောက်ဆုတ်လိုက်ပြီး လင်းဖန်ကို မယုံသင်္ကာဖြင့် ကြည့်လိုက်ပါသည်။ သူတို့က နှစ်ယောက်တည်း အတူတူရှိနေကြသည်။ ဒီငတုံးကောင် မဟုတ်တရုတ် အတွေးတွေဝင်လာရင် ဘယ်လိုလုပ်မလဲ။
DU LIEST GERADE
သန်းကြွယ်ခြေလှမ်း (လင်းဖန်)
Actionစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...