အခန်း(၄၆) ဘယ်သူက နင့်ကောင်မလေးယောင်ဆောင်ချင်လို့လဲ
အလုပ်များသော နေ့လည်ခင်း ပြီးဆုံးသွားသောအခါ လင်းဖန်တစ်ယောက် ကျောဆန့်လိုက်ပါသည်။
သူ့မှာ မာစတာအဆင့် စာရေးသူစွမ်းရည်နှင့် မာစတာအဆင့် ဇာတ်ညွှန်ရေးသူစွမ်းရည်တို့ ရရှိခဲ့ပြီးကတည်းက ဇာတ်ညွှန်းထဲက ဇာတ်လမ်း၏ စမှတ်များ၊ အကြောင်းတရားများ၊ အတွေ့အကြုံများနှင့် ရလဒ်များကို သိသိသာသာ နားလည်လာခဲ့သည်။
လင်းဖန်၏ ဘောပင်အောက်တွင် ကောင်းမွန်သော ဇာတ်လမ်းများ တစ်ပုဒ်ပြီးတစ်ပုဒ် ထွက်လာခဲ့၏။
တခြားဘာအကြောင်းပြချက်မှ မရှိဘဲ ရှားဝမ်ချွေ့အတွက်သာဖြစ်ပါသည်။
ဇာတ်ညွှန်းကောင်းကောင်းမရှိပါက ရှားဝမ်ချွေ့ ဘယ်လောက်ပဲ နာမည်ကျော်နေပါစေ၊ တဖြည်းဖြည်း ဖျော်ဖြေရေးလောကတွင် အရောင်မှေးမှိန်လာပြီး အစားထိုးခံရမည်ဖြစ်သည်။
သို့သော်လည်း သူ ရှိနေပါက ဇာတ်ညွှန်းပြဿနာကို သူ ဖြေရှင်းပေးနိုင်သည်။
ထိုအချိန်တွင် လင်းဖန်ထံသို့ ကောင်မလေး တစ်ယောက်၏ ဖုန်းဝင်လာခဲ့သည်။
လှိုင်းပြာပင်လယ်အော်အိမ်ရာက အိမ်ခြံမြေအေးဂျင့် ရှားရန်ရန်ဖြစ်ပါသည်။
"ဟယ်လို" လင်းဖန်က ဖုန်းကိုင်လိုက်၏။
"လင်းဖန်... ကျွန်မ ရှင့်ကို နှောင့်ယှက်မိတာ တောင်းပန်ပါတယ်။ အိမ်ခြံမြေထိန်းသိမ်းခွန် ပေးဆောင်လို့ ရမလားရှင့်။ စုစုပေါင်း ၂၃,၈၂၅ ယွမ်ပါ" ရှားရန်ရန်၏ အသံ ထွက်လာခဲ့သည်။ ဘာပဲဖြစ်ဖြစ် ဒီလောက် ကောင်းမွန်သည့် ဗီလာကြီး၏ အိမ်ခြံမြေထိန်းသိမ်းခွန်မှာ သေချာပေါက် မနည်းလောက်ပါ။
"ရပါတယ်" လင်းဖန်က ပြောလိုက်၏။
ရှားရန်ရန်ကို သူ သဘောကျပြီး ရှားရန်ရန်က တခြားသူများအပေါ်တွင်လည်း အလွန်ယဥ်ကျေးသူဖြစ်၏။
လင်းဖန် သဘောတူလိုက်သောအခါ ရှားရန်ရန် ရှက်သွေးဖြာသွားပါသည်။
သူမ လင်းဖန်ကို ဖုန်းဆက်ဖို့ သတ္တိတွေ စုစည်းခဲ့ရ၏။
လင်းဖန်က အလွန်ချောပြီး အလွန်တော်သည်။ ဘယ်လိုမိန်းကလေးမျိုးက မကြိုက်ဘဲ နေမှာလဲ။
YOU ARE READING
သန်းကြွယ်ခြေလှမ်း (လင်းဖန်)
Actionစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...