သန်းကြွယ်ခြေလှမ်း (လင်းဖန်)
အခန်း(၃၀) မင်းမလွန်လွန်းဘူးလား
"နင်က ခွေး၊ မဟုတ်ဘူး နင်က ကြောင် ငါက ခွေး။ အာဝူးး...” စုရှောင်းယွီက ပြုံးကာ ပြောလိုက်ပါသည်။
"အာဝူးဆိုတာ ဝံပုလွေအသံလေ~” ရှားဝမ်ချွေ့က ပြောလိုက်ပါသည်။
"မသိဘူးဟာ ဂရုမစိုက်ဘူး။ အာဝူးဆိုတဲ့ အသံက ပိုကြမ်းတယ်လေ။ ဒါပေမယ့် ဝုလို့တော့ အော်လို့မရဘူးမလား” စူရှောင်းယွီက သရော်လိုက်ပါသည်။
"ဝုဝု ဆိုလည်း မဆိုးပါဘူး ခွေးနဲ့လိုက်ပါတယ်။”
"ဝူးး ငါ ဝု မလုပ်ချင်ဘူး။ နင်အရိုက်ခံချင်နေပြီလား။”
"ငါနင့်ကို ပြန်ကုတ်မှာ~~"
ကောင်မလေးနှစ်ယောက်က ပျော်ရွှင်နေကြပါသည်။
အမှန်ပင်။ ဒါကလည်း လင်းဖန်သာ ရှိပြီး ဆိုင်ထဲမှာ တခြားဘယ်သူမှ မရှိသောကြောင့် ဖြစ်ပါသည်။
နာမည်ကျော်နှစ်ယောက်က ကလေးတွေလို ကစားနေကြသည်။
သို့သော်လည်း တကယ် မျက်စိကျစရာ ကောင်းလှပါသည်။
ဒီမြင်ကွင်းက ကြာရှည်တော့ မခံခဲ့ပါ။
ဟင်းလျာများ အသင့်ဖြစ်နေပြီ ဖြစ်သောကြောင့်ပင်။
စုစုပေါင်း ဟင်းလျာ ၉ မျိုးကို စားပွဲပေါ်တွင် တည်ခင်းပေးလိုက်ပါသည်။
သခွားသီးများ၊ ယန်ကျိုးထမင်းကြော်၊ ပြောင်ဖူးကြော်နှင့် မြေပဲများ၊ ခွန်းပေါင် ကြက်ကြော်များ၊ ငါးအရသာ ဝက်သားမွှကြော်များ၊ ဝက်နံရိုးချဥ်စပ်နှင့် အာလူးချဥ်စပ်ဟင်းပွဲများ၊ ခရမ်းချဥ်သီး ကြက်ဥစွပ်ပြုတ်နှင့် ကြောင်ကလေးများ ကြိုက်တတ်သည့် ငါးပေါင်းဟင်းတို့ ပါဝင်ကြပါသည်။
မွှေးရနံ့က သူမ၏ နှာခေါင်းထဲ ဝင်လာခဲ့သည်။ ငရုတ်သီးတချို့နှင့် ပေါင်းလိုက်သောအခါ အာနိသင်က ပို၍ပင် ကောင်းနေပါသေးသည်။ ထို့အပြင် ဒီက ငရုတ်သီးများကိုလည်း လင်းဖန်ကိုယ်တိုင် ပြုလုပ်ထားခြင်း ဖြစ်ပါသည်။
ရှားဝမ်ချွေ့က ထိုနေရာတွင် ဣန္ဒြေရှိစွာ ထိုင်နေဆဲဖြစ်ပြီး သူမ၏ မျက်လုံးများက ငါးပေါင်းဟင်းတွင် ပုံသေတည်ရှိနေသည်။
YOU ARE READING
သန်းကြွယ်ခြေလှမ်း (လင်းဖန်)
Actionစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...