سمراء_المتعجرف

*ســمــراء الـــمــتـــعــجــــرف*
                   بقلم : مميزة ليال (𝕚𝕝𝕒)

°°° 𝕴 𝖒 𝖙𝖍𝖊 𝖋𝖎𝖗𝖊 𝖔𝖋 𝖆𝖓𝖞 𝖋𝖎𝖗𝖊 𝖎 𝖋𝖊𝖆𝖗
  الـــجـــزء 3

جالس مكتب ديالو المجهز بجميع لأوراق لي محتاج ...حتى تسمع دقات فلباب ...نطق و عينيه باقين مركزين معا الوراق لي قدامو "دخول "  تفتح الباب و دخل رجل شاب باين فبداية مهنتو...

مراد (سد لباب و قرب لعندو ) : كوميسير هود...كتعرف فاطنة من حي زيرو كاط ؟

هوود (متبع معا الوراق ) : مالها ؟

مراد (حك فأسفل شعرو ) : جات ليوم صباح بمدابزة جديدة....

هوود (سد الملف لي قدامو و شاف فيه بنفاد صبر ) : دخلها .

مراد ضرب تحية و توجه لعند لباب فتحو و عطا لإشارة لبوليسي يجبهم دقيقة دخلهم لعندو ...

فاطنة ( غير شافت الكوميسير طاحت كتبكي فلأرض ) : و بغات تخررررججج عليااااا و بغاتني نبقى بلا وجه... وجهي  لي كيجيب ليا رزقي راني غير ولية كتوكل بنتها بداك شي لي قدر لله ...

هود غمز مراد بمعنى ينوضها ... بسرعة فهم قصدو نوضها و حطها على لكرسي و بنتها واقفة حداها مصدومة من تصرفات مها ...تقدم و جلس قدامهم ..

هود (حنحن بصوت خافت و نطق شابك يديه لعندو ) : اش واقع؟

سمية (نطقات و عينيها فماماها) : و قول اش موقعش (حركات راسها لعندو حتى كتصدم  منو ) هدا هدا  هدا ويلي غزال ..(قبل لتكمل كلامها طلعات معاها قرصة )

فاطنة (كتسمح فوجها لي تخربق د*م و دموع ) : بنتي اسيدي هبيييلة غبيلة هيا لي عطاني سيدي ربي ...من بعد موت المرحوم (قاطعها )

هوود : مرحوم ؟ مبقاش هرب و خلاك ...

فاطنة : و لا زعما حيت مشا كنقول عليه المرحوم(لاحظاتو كيشوف فيها بشك و عطاتها لبكا )  ااااااا سيدي ربيييي اااااا انا غا ولية مقطوعة ...

قاطعها مراد : ألالة واش جبتك باش تبكي قداااااامووو ؟ جبتك باش نلقاو حل.. صباحاتو لله ...

فاطنة : معقووول اشاف معقووول... انعودها ليكم بحال لخرافة ...كنت جالسة و خرجت باش نشوف اش واقع فدرب حتى لقيت ختنا جايا تهجم عليا انا و بنتي نزلات علينا بجوج شوف اش دارت لوجهي و شوف شعر بنتي (دورات عينيها لقات بنتها من قبايلا و هيا حالة فمها فهوود جراتها من شعرها حتى قفزاتها ) و شوووف شعر بنتي اش دارت ليه ...

هوود غمز مراد يجيب لبنت لي كتسنى لتحت و شاف ففاطنة و نطق : تسناي برا

فاطنة ( و نطقات بدموع كذابة فعينيها) : غير خليني هنا حتى تأكد منها راها لفعة (هود باقي محافظ على نفس النظرة ) ، سعادات الكوميسير انا بغيتها تهبط  تبرد عندكم هاد ليلة و فصباح طلقوها راه بحال بنتي و منبغيش ليها  الشر ...

بحال بنتها  باين 😂😂