سمراء_المتعجرف

*ســمــراء الـــمــتـــعــجــــرف*
                   بقلم : مميزة ليال (𝕚𝕝𝕒)

°°° 𝕴 𝖒 𝖙𝖍𝖊 𝖋𝖎𝖗𝖊 𝖔𝖋 𝖆𝖓𝖞 𝖋𝖎𝖗𝖊 𝖎 𝖋𝖊𝖆𝖗
  الـــجـــزء 4

هزات لقب دارتو فوق راسها و كتلعب بصبعها د رجليها لي كيبانو من تحت صندالة منحورة ...حتى كتسمع سميتها و كنيتيها تنطقو بسرعة هزات راسها كتقلب على مصدر صوت ، كتلاحظ ضابط بملابس رسمية كينادييها ، حمرات فيه و ناضت توجهات لعندو جرها من يديها موجهين للمكتب فطابق تاني بعد دقيقة وصل قدام المكتب دق دقات خفاف حتى سمع الإذن و دخلها جارها من يديها موقفها قدامو ...

هود (عاقد يديه و موجه كلامو لشيخة ) : هيا هادي ؟

فاطنة : ايييه اويلدي هيا لي تعدات عليا و انا مقلت والو ... غير شكرت باها و مها راه بحال بنتي (قاطعاتها )

قدس (هزات فيها عينيها ): بزااااف  عليك و لهلا يوصل يديك رجليك و فمك لودنك حتى تكوني مي ... اسمعي اديك شيخة و بنتها غتسدي كابينتك و لا غنجمع مك بشي طرشة  توريك دنجال محلاه ...

هود (خنزر فيها ) : شوية لإحترام ... (قاطعاتو )

قدس (حمرات فيه ) : علاش خليتو شي إحترااام نتوما لي ناشريني بسويع لتحت حتى لحساتو ليكم بلبيان (مقاطع هضرتها بوقفتو )

هود باقي محافظ على أعصابو وقف و تمشى جوج خطوات مبعد عليها... عاطي إشارة لمراد باش يخليوهم بوحدهم ...فهم قصدو و خرج فاطنة لي حادرة راسها هيا و بنتها مخلي قدس و هوود فلمواجهة ...

قدس (بدات كتحس بلخوف و علات فيه شوفة ) : معجبكش كلامي ... ههخ اكيد مغيعجبكش ...حيت هو الواقع كتشبه لأمثالك و أمثال لي رباوك ، هه سوري بغيت نقول أمثال مك لي معرفاتش تربيك .

بهاد لكلمة قدرات تفيق سبع من قفصو... وحش من نعاسو ... ركز فيها و عينيه كيتحولو للون للأحمر لاحظات عصبيتو و تغير لونو...سدات عينيها و حلاتهم

قدس (بثلثم ) : قاصتتك هااااد لكلمة ياااك ..(كتسرط فريقها ) . بغيتي نسمعك شي حاجة دير فيك نفس ؟

قرب لعندها بعصبية و قجها مخلي روحها اتخرج رافع راسها لعندو حتى و لا كتينفس من نفسها القليلة  و مركز معا عينيها الخضرين و بشرتها السمرة : مي أاااشرففف من ممممككك و  ممنكك الق~~حبة ... حليتي فمك على شي حاجة مكتعرفيهاشش .. و عمرو غيكون عندك شرف انك تعرفيهاااااا (زاد ضغط على حنجرتها ، حتى غوتات من شدة لألم)

قدس كتحول تنفس ولكن كتلقى صعوبة كتحس بروحها غتخرج و هادي هيا  نهايتها  بين يدين واحد مكيرحمش ... مقاطعهم صوت لباب لي تفتح على غفلة بسرعة حيد يدو و نطق بعصبية : مرااااااد هبط عليا هاد لق~حبة (شاف فيها و هز صبعو ) نتي حاشة واش تكوني ق~حبة ، لق~حبة شرف منك .

مراد بسرعة تحرك جرها من قدامو متوجه بيها لتحت و قدس باقا مفهماتش اش واقع، حاطة يديها على عنقها كتحاول ترجع نفس و دموع محجرين فعينيها ، كتحاول تستوعب هضرتو حتى جرها مراد و خرجها بسرعة ... دوزها من قدام الشيخة و بنتها ....

سمية (شافت فيهم ونطقات بصوت عالي ) : اوا دابا شكون صدق مولف بلحباسات  هههههههخخ و لهيلا برد قلب احححح  داك تيتيز برد  ليا شوفة فيك

قدس ( كتحاول تقاد معا سرعة مراد و كتلفت عليهم ) : و غير تسناوني نخرج و نوري لممكم اش كنسوا يرباعت زا~ملات و كملها ليكم القواد لكبير ...

🆘🔞