رواية: منتقبه بين عائلة المافيا
البارت: الأول
بقلمي : أميره أحمد "القلم الأسود"
قبل البدء :
(اللهم صل وسلم وبارك على نبينا محمد)
__________________
بتبتدي قصتنا في قصر كبير جدا بتصحي بنت جميله جدا بتاخد شاور وبتصلي وبتلبس إدناء جميل وفضفاض وعليه الخمار والنقاب وبتنزل بعد ما بتاخد حقيبتها وتنزل على السلم الطويل الكبير و بتفضل نازله لحد ما أخيرا بتخلص السلم (والله انا لو مكانها كنت سكنت في اوضه الخدم اسهلي من نزول السلم ده كله😂😂❤️) وبعد ما نزلت دخلت غرفه معينه
البنت واسمها نور: السلام عليكم ورحمة الله وبركاته نعم يا جدو الداده قالتلي انك عايزني
الجد أحمد: مفيش صباح الخير الاول
نور:انا قولت السلام وده لوحده كفايه ويديني 30 حسنه
الجد أحمد: مش مهم عمتاً كنت عايزك تفطري معانا
نور:جدو حضرتك عارف كويس اوي اني مش هاكل ولا اشرب و لا حتى البس من مالكم كويس
الجد أحمد :ليه يعني
نور:والله حضرتك عارف مش لازم اقول بس لو حضرتك نسيت تمام انا هقول عشان فلوسكم حرام عرفت ليه
الجد أحمد (بحزن) :تمام يانور انتي حره
نور:عن إذنك يا جدو، وسابتهم ومشيت راحت شغلها (نور: بنت جميله جدا عندها 28 سنه بنت مرحه ونشيطه و فرفوشه بشرتها بيضاء عيونها زرقاء كالسماء بتعشق حاجه اسمها روايات خريجه طب تخصص جراحه قلب وشغاله في مستشفى بتاعت والد صحبتها وده طبعا بعد ما رفضت ان جدها يفتحها مستشفى بفلوسه شغاله في تخصص جراحه قلب
صحبتها المقربه حور تبقى قدها وبنت عمها بعد ما عمها رفض إنو ياكل من المال الحرام بتاع ابوه واشتغل وصرف على نفسه وبنا مستشفى كبيره الي نور شغاله فيها هو يعتبر الي مربي نور)
نور راحت المستشفى ودخلت مكتبها لبست البالطو الأبيض وقعدت على المكتب وفي وسط اندماجها في الشغل ومتابعتها للعمليات والحالات الي عندها انهارده دخلت حور من غير ما تخبط
حور:بت يا نور شوفتي ايه الي حصل مش انا جالي عريس وهييجي مع أهله انهارده
نور:قولتلك مليون مره تخبطي قبل ما تدخلي صح
حور:اه بس انا مش بسمع الكلام ومش بحب اعمل كده المهم بجد جايلي عريس والمفروض في رقيه شرعيه وانا مكسوفه خايفه ومتوتره وعلى خلطبيطه بالمشاعر
نور:وانتي هتوافقي يا حور
حور (بحزن مصتنع) :لا لاني مش هحب غيره
نور(بحزن مصتنع على صحبتها) :انسيه يا حور وعلى فكره حرام تبوحي بمشاعرك كده انتي حبتيه غصب عنك انا عارفه بس انك تقولي بحبه ده حرام خلي حبك في قلب مش في لسانك تمام
حور:تمام يا نور المهم بقي انتي عامله ايه انهارده
نور: الحمد لله أحسن منك
حور: يخربيت فصلانك يا شيخه
نور: وماله فصلاتي بقي يا ست حور ليكنش مش عاجب يعني لا سمح الله
حور(بخوف مصتنع) : لا خالص يا معالي الباشا انا في الخدمه
نور: اطلعي بره
حور(بهزار وتحيه العسكري) : تمام يا فندم تؤمرني بأي حاجه تانيه شاي قهوه نسكافيه حليب المراعي كامل الدسم سندوتش مربي حلاوه بالبن مضروبه في الخلاط جاهز
نور: ايه بس اسكتي حرام عليكي ايه صداع وبعدين تعالي هني حلاوه بالبن في الخلاط انتي عايزه تجيبيلي إسهال
حور:خودي انتينال بيضيع الاسهال هههههه هههههه ههه
نور:براااااااااااا
حور: طب متزفيش طه
نور (وهي بتحدفها بإزازه المايه) :برا يا حور؛ وبطلي تكلي نص الكلمه ابقي كلي في بيتكوا
(نتعرف بقي على حور
حور: بنت جميله فرفوشه عينيها بني بشرتها بيضاء هي مش بتحب حد بس هي ونور بيهظروا مش اكتر بتحب نور جدا جدا جدا ودايما مع بعض منتقبه ومتدينه خريجه طب تخصص مخ واعصاب)
حور بعد ما خرجت دخلت تاني
حور:اه يا بت يا نور بابي عايزك في مكتبه
نور:بابي الله يرحم جدك
حور:هو مات
نور:بت انتي انا مش ناقصه شلل
حور:لا بجد بابا عايزنها في مكتبه
نور: لحظه واحده اشم رائحه خبث انتي عارفه هو عايزني ليه
حور(بتوتر): ها لا خالص
نور:ماشي رغم اني مش مصدقه بس ماشي وراحوا سوا عند عمها
نور:نعم يا عمي
عمها محمود: تعالي يا نور انا عارف انك هترفضي بس انا بجد تعبان ومش هقدر اني اروح فعشان كده لازم تروحي انتي
نور(بعدم فهم) : اروح فين مش فاهمه
محمود: فرع المستشفى الي في دمياط لان في أوراق وحاجات لازم تمضي عليها
نور: بس انا مش مديره المستشفى عشان امضي
محمود: بس يا نور انا كاتب ليكي مستشفى ولحور مستشفى ولزين مستشفى لان ملهوش حد وانا موكلك انتي وحور وزين لو انا حصلي اي حاجه او تعبت مقدرتش اروح تقدروا تروحوا وحور هتيجي معاكي وزين كمان لان مينفعش تسافروا من غير محرم ليكوا
نور: تمام يا عمي نسافر امتى ان شاء الله
محمود: بعد بكره يا حبيبتي ان شاء الله
نور:تمام عن اذنك ياحوده بقي لحسن انا ورايا عمليه اه واه انا جايه اكل معاكو انهارده وبايته ومعششه عندكم
محمود: تنوري يا نور في اي وقت
نور:اشطا سلموز يا حوده وقامت مشيت وحور وراها
حور: هيه هيه نسافر ونغير جو يا جدعان لولولولولولي انا هطير من الفرحه
نور: طيري يا ختي الهي يا رب وانتي طايره تتوهي ونخلص منك
حور: عايزه تخلصي مني يا نور هانت عليكي العشره وكرشه الكشري والفول والطعميه والجبنه القديمه و المكرونه الباشاميل
نور:كرشه هو انا باكل كرشه وانا معرفش ده انا مش بطيق ريحتها اقوم وكلاها
حور: لا ده انا كنت جايبها على نفس التسلسل
نور: طب روحي يا أخرة صبري عشان ورايا عمليه وراحت نور تشوف شغلها وخلصت شغلها كله وراحت مع محمود وحور بيتهم وكانوا راكبين العربيه وفجأه..........
يا ترى ايه الي حصل؟
ومين زين ده؟
ويا ترى ماما حور طيبه ولا لا؟
وايه الي هيحصل لما يروحو دمياط؟ كل ده نعرفه البارت الجاي
(وحتى ذلك الحين دمتم في رعايه الله وحفظه❤️❤️)
وعايزه رأيكم في التعليقات وأي غلطات إملائيه فده بسبب اني بكتب بسرعه بس
يتبع......
أنت تقرأ
منتقبه بين عائلة المافيا
General Fictionإلى كل من يظن أن جميع من يولدون في عائله سيئه فهم أيضاً سيئون نعم هم كذالك ولكن ليس جميعهم هي ليست كذلك هي متدينه تخاف الله وتخشاه حرمت على نفسها ما يأكلون وتحاول إقناعهم ان يكونوا مؤمنين هم مسلمون نعم ولكن لا يعرفون شيء عن الإسلام هم فقط مسلمون بال...
