البارت: الخامس بعنوان(اتفاق)
بقلمي :أميره أحمد "القلم الأسود"
قبل البدء:
(اللهم صل وسلم وبارك على نبينا محمد)
__________________
زين: ايه يا عم هو انا قولتلك امشي تعالى هنا بس انا على فكره مصدقك وموافق نبقى أصحاب و اخوات كمان تعالى بس
عمر قعد جنب زين و فجأه جه الشيخ بتاع المسجد
شيخ المسجد: ايه يا شباب النهار طلع والناس كلها مشيت وراحوا يقضون مصالحهم انتم مطولين الناس عندها مصالح وبعدين كده مش صالح ليكم
زين: صالح ولا نوح 😂
الشيخ محمد: انت هتهزر يا استاذ
زين: لا اسف مقصدش يلا يا عمر، ولما قام الشيخ شافه
الشيخ محمد: معقول انت زين بنفسه
زين:و بشحمه ولحمه كمان😂
الشيخ محمد :يا بني بطل هزارك ده بس طمني محمود عامل ايه وانت اخبارك ايه والله ليكم وحشه وانت اتجوز ولا لأ وخلفت كام عيل لغاية دلوقتي وابوك عقل وساب إلى بيعمله ده ولا لأ ومـ....
زبن: حيلك حيلك ايه كل ده اولا محمود كويس وانا كويس وانا لسه متجوزتش ومخلفتش وبابا لسه مسبش حاجه خالص المهم حضرتك عامل ايه
الشيخ محمد : الحمد لله يا بني انت عامل ايه
زين: الحمد لله بخير
الشيخ محمد :أدام الله حمدك يا بني محمود جه معاك ولا لأ
زين: لأ
الشيخ محمد :طب ابقي سلملي عليه يا بني
زين: حاضر، عن اذنك يا شيخنا
الشيخ محمد: اذنك معاك يا بني
وزين سابه ومشي هو وعمر
عمر: انتم تعرفوا بعض؟
زين:أمال هو في الحقيقه انا معرفهوش بس هو يعرف محمود ومحمود عرفني عليه أو بصيغه تانيه عرفه عليا، المهم انت ساكن فين دلوقتي
عمر: في الشقه الي بابا وماما كتبوها بإسمي
زين: طيب ماشي أنا همشي دلوقتي عشان عندي شغل بس هات رقمك
عمر:خد************٠١٠
زين:تمام اول ما اخلص شغل وأروح هكلمم إن شاء الله
عمر :بإذن الله
زين:يلا السلام عليكم ورحمة الله وبركاته
عمر:وعليكم السلام ورحمة الله وبركاته
وزين راح البيت، زين اول ما دخل لقى نور بتزعق فيه
نور(وهي بتمسل الدهشه): زين😳 الف الف الف حمد لله على السلامة يا روحي
زين(بإستغرالب): ليه في ايه.. هو حصل حاجه
نور:لا خالص انا بس كنت عايزه أقولك جيت ليه لسه بدري أنت عارف الساعه كام الساعه ٨ونص لسه بدري يا بابا جيت ليه لسه شويه لما الساعه تبقى ٨ونص بالليل ابقي تعالي، كنت فين يا بن بدريه
زين:احم هو الموضوع كده يعني خلاص تمام كل الحكايه إن انا كنت في المسجد
نور:والله في المسجد لحد ٨ونص أنهى مسجد ده الي هيفضل بيصلي لحد ٨ونص
زين: مكنش بيصلي لحد ٨ونص كل الحكايه اني بعد ما صليت لقيت شاب بيقولي......... (وبدأ يحكيلها على كل الي حصل) وبس كده يا ستي هو ده الي آخرني
نور: ماشي يا زين هعديهالك
زين:متتقمصيش دور الأم أوي عشان مش لايق عليكي😂
نور: صح بقول كده برده مش لايق خالص عليا انا طول عمري رشيقه وجميله وكيوته وصغنونه مستحيل الجمال ده يبقى أم😂 بس برده لو بقيت أم مش هيخسر برده هفضل زي ما انا قمر وجميله كده وكيوته وهبقي أحلى أم ولا انت شايف إيه
زين:آه آه أمال ده انتي هتكوني أجمل أم يارب سامحني على الكدب ده😒
نور: آه بحسب
زين:لا إطرحي نيونيونيونيونيونيو
نور:زيييييييييين
زين:قلب دين من جوه
نور:إطلع بره، يا حور يا حور
كور:ايه ايه عايزه ايه
نور: خلصي عشان تأخرنا على المستشفى الساعه بقت ٩
زين:يا نهار أبيض يلا يا نور انتي وحور بسرعه، وراح ركب العربيه ونور وحور ركبوا معاه
نور:بسرعه يا زين
زين(وهو بيسوق) :حاضر يا نور، وبعد فطره محترمه وصلوا المستشفى كل واحد راح علي مكتبه وبدأ يشوف الي وراه ومر الوقت وجه وقت الغداء تجمعوا الثلاثه امام المطعم المعتاد كي يتناولون الطعام وجلسوا في صمت تام حتى يقطع هذا الصمت
زين:اممم مقولتلناش يعني يا نور عن الخطه الي انتي عايزه تعمليها مع الي اسمه سامر ولا سمير ده
نور: كويس انك فكرتني انا فكرت في خطه جهنميه بجد تحفه انا فعلا فخوره بنفسي😌
زين:نور مش وقته ثقه 😒عملتي ايه في الحوار الي شكله مش هيعدي على خير
نور:طيب طيب هدخل في المفيد
زين:ايوه كده تعجبيني
نور:المهم سيبك اطلب الاكل وانا هحكيلك على الخطه على ما الاكل ييجي
زين:مفجوعه طول عمرك
نرر:طول عمري يبني😌
زين طلب الأكل
زين:ها ايه الخطه بقى خلصينا
نور:نتكلم جد بقى الموضوع مش هين ولا سهل الموضوع كبير جدا في خطر وكمـ
حور (مقاطعه) :وطالما هو في مخاطره بتعملي ليه
نور:عشان انا فداء وطني في اي حاجه ومتقاطعبنيش تاني يا ست حور؛ المهم نرجع للمهم المهم بقى يا شباب احنا لازم نعمل ايه؟
حور:نعمل ايه؟
نور:حور متقاطعينيش تاني لو سمحت سيبيني اكمل
حور:حاضر
نور:طيب نتكلم جد شويه سامر محمد المصري شاب عمره ٣٥ سنه كانت هوايته من زمان النصب على الناس وكان عنده مرض نفسي ونصب علي ناس كتير واتهم في قضايا كتير وكانوا هيقبضوا عليه بس باباه خاف عليه ودخله طب وغير اسمه وقاله انه هربه وانه مينصبش تاني بعديها باباه مات زعل جدا ومن بعدها بقى وحيد اتخرج واشتغل بس قرر انه يبقى غني أكتر وبقي ياخد أعضاء الناس ويتاجر فيها وبقي تاجر أعضاء بالنصب على الناس لغايط دلوقتي محدش يعرف ان سامر المصري هو هو سمير العاشري وأكفأ الظباط معرفوش يمسكوه ومحدش فكر انه ممكن يكون هنا لأن ده مستشفى محترمه وكبيره ومستحيل يكون هنا
حور(بصدمه وخوف في نفس الوقت) : تـ تـ تـ تاجر أعضاء 😳😥
نور:اهدي يا حور الموضوع مفيهوش حاجه كل الموضوع وما فيه ان احنـ
حور(بمقاطعه) :أن ايه ها أن ايه ما تردي عليا نور انا لا يمكن أشارك في حاجه زي ده لو فيها موتى انتي فاهمه
نور:حور اهـ
حور:لا مش ههدي يا نور انتي بتقولي أعضاء وقتل ونصب واجرام وموضوع كبير حرام عليكي احنا ممكن مناخدش في ايده غلوه لو انتي مستغنيه عن حياتك فأنا لأ فاهمه يا نور انا لأ
نور فهمت كل حاجه
نور:ماشي يا حور اهدي بس خلاص مش هندخلك في الموضوع بس اهدي كده وكل حاجه هتتحل و
حور:كل حاجه هتتحل ازاي ها ازاي يا نور احنا هنترده من المستشفى وخلص الموضوع ملناش دعوه بأي حاجه
نور:لا يا حور لا مش هنسيبه يروح يكمل إجرام بره احنا لازم نقبض عليه
حور:يبقى انا بره الموضوع وانسيني خالص تمام
نور(بحزن) :تمام تمام يا حور تمام زي ما انتي عايزه
حور:نور كل حاجه بابا بيبنيها من زمان هتتهدم لو احنا حصلنا حاجه احنا غاليين اوي عند بابا
نور:عارفه يا حور بس احنا واجب علينا نعمل كده والا لو سبناه هيبقي كل جريمه هو اجرمها من بعد خروجه من المستشفى في ذنبنا احنا حرام علينا يا حور بصي لازم تتغلبي على الخوف ده
حور:طب.. طب بصي انا موافقه بس نقول للشرطه
نور:نقولهم ايه يا حور مفيش حد هيصدقنا لان احنا مش معانا دليل لازم نجيب دليل بعد كده نقولهم
حور:طب انا هقول لبابا
نور:لا مينفعش يعرف لانه هيقلق علينا جدا بعد المهمه اوعدك هنعرفه (وكملت بنبره مرحه) وبعدين انا من زمان وانا نفسي ادخل شرطه بس نش عارفه بسبب النقاب فيلا بقى بينا الي التجربه الأولى في مهمات الشرطه ومش هتكون الاخيره بإذن الله
حور:ايه😳
نور:ها اقصد وهتكون الأخيره الاخيره يا حور الاخيره
حور:مش مطمئنه بس ربنا يستر... طب بقول ايه ما تيجوا نصلي استخارع
نور:اه ما انا صليت من بدري متحاوليش
حور: يوه
زين:سيبكم من كل ده ايه هي الخطه
نور:ده الكلام ولا بلاش بص يا سيدي الخطه هي..............................
زين(بصدمه) :................
يا ترى ايه خطه نور؟
ويا ترى هم هيعرفوا يقبضوا عليه؟ وحور هتتغلب على خوفها وتشارك معاهم ولا لأ؟
وهل علاقه عمر وزين هتتطور ولا لأ؟
كل ده وأكتر نعرفه في الفصول القادمه بإذن الله
انتظروني♥️
معلش على التآخير بس حقيقي مش بفضي خالص 😥 وبعد كده بإذن الله هنزل بارت كل أسبوع عايزاكم تحددون معاد يا يوم الجمعه يا يوم الثلاثاء وزي ما تحددوا انا هنزل
بحبكم في الله♥️♥️
أنت تقرأ
منتقبه بين عائلة المافيا
Narrativa generaleإلى كل من يظن أن جميع من يولدون في عائله سيئه فهم أيضاً سيئون نعم هم كذالك ولكن ليس جميعهم هي ليست كذلك هي متدينه تخاف الله وتخشاه حرمت على نفسها ما يأكلون وتحاول إقناعهم ان يكونوا مؤمنين هم مسلمون نعم ولكن لا يعرفون شيء عن الإسلام هم فقط مسلمون بال...
