منتقبه بين عائلة المافيا

أَسْرَارَ

قبل البدء :
(اللهم صل وسلم وبارك على نبينا محمد)
ــــــــــــــــــــــــــــــــــــــــ
نور بعد ما خلصت شغل روحت على البيت و مرت الأيام بسرعه و جه يوم الجمعة وجه ميعاد العريس وبالفعل جه.
نور كانت قاعده في غرفتها مش عايزه تخرج أصلا هي مش موافقه عليه وحتى لو قبلته مش هتوافق عليه فمش فارقه تقابله ولا لأ
زينب: يا نور يلا أخرجى وقدميلهم العصير ده
نور:هو لازم أقابله انا مش هوافق فلازمتها إيه يعني
زينب: عيب الناس بره مش وقته الكلام ده قومي يلا
نور: ماشي أديني قمت اما نشوف أخرتها
وفعلا خرجت وقدمت العصير وبعد كده قعدت كانت لابسه النقاب مش عايزه تقلعه
أبو العريس: هو إيه يا عروسه مش هنشوف وشك بقي
نور: ها ا أصل هو يعني هو
زين: نور مكسوفه مكسوفه من حضرتك مش أكتر
أبو العريس: طب نسيبهم بقى مع بعض
محمود :اه اه طبعا ده كلام وقاموا بعيد بحيث انهم يكونوا شايفينهم بس مش سامعين
العريس: هي السجاده بتاعتكم حلوه أوي كده
نور في نفسها: الصوت مش غريب عليا أنا أنا حاسه إني سمعت الصوت ده قبل كده هو مين ده
نور رفعت رأسها وبصتله ولما شافت هو مين إتصدمت
نور :هو إنت.........
ــــــــــــــــــــــــــــــــــــــــــ
(وفي مكان تاني)

-مرحبًا بك يا فارس
-يوه هو انتي هتعمليلنا فيها من إنجلترا يا روح أمك ما تتكلمي زي ما بكلمك يا زفته
-إيه ده في إيه هو إيه الي حصل أنا كنت بهزر معاك مش أكتر مالك بس😂
-يا يارا بقي قولتلك بطلي هزارك الرخم ده وضربها علي قفاها
-أي بتوجع يلا 😠
- ما انا عارف إنها بتوجع أمال أنا بضربك ليه مش عشان توجعك
ضحكت يارا وفارس حدف عليها المخده لكنها جريت ومجتش فيها
يارا وهي بتطلعله لسانها :
- أللل مجتش فيا😝
وهب كنتلب لقت المخده التانيه بتتحدف عليها ضحكوا هم الإتنين وكل واحد راح يجهز عشان يروحو الشركه.
____________________

(وعند نور)
- هو إنتَ ؟
- أيوه يانور ده أنا
- تمام وعايز إيه بقي
- عايزك تديلي فرصه
- فرصه؟
- أيوه فرصه
- إزاي يعني مش فاهمه
- مبدأيًا كده زي ما انتي عارفه أنا مش جاي عشان أتقدملك
- أمال جاي ليه
- جاي عشان في حاجات كتيره أوي عرفتها ولازم أقولهالك عشان إنتي الوحيده إلي هتنقذي الموضوع ده
- وبخصوص إيه الحاجه ده
- بخصوص جدك
- جدي؟
- أيوه ومبدأيًا كده أنا عارف إنك مش طايقاني ومش بتحبيني من ساعة إلي حصل بس والله أنا توبت ومحتاجلك تساعديني إني أكمل توبتي
- إزاي يعني
- جدك أحمد هو رباني من وأنا صغير وأنا إشتغلت معاه وهو قدملي كل الحب والحنان وكنت بعتبره جدي بالظبط وجه الوقت إني أردله ده
- إزاي يعني
- بصي ثانوي أنا سمعت بابا بيتكلم في التليفون و بيقول:
Flash Bak
- الو يا ياسر باشا كل حاجه تمام وفي السليم بس ناقص بس إن إحنا يوم التسليم نخلص علي أحمد باشا وإنه من الأعداء وناخد إحنا البضاعه
Bak
- وده كل إلي حصل يا نور وأنا عايز أساعد جدك وأنا والله العظيم توبت أبعدت عن الشغلانه ده
- وأنا مطلوب مني إيه أقدر أساعدك إزاي
- لازم تخلي جدك ما يستلمش شحنة الأسلحة إلي جايه مصر وإلا هيموت
- تمام يا حلمي أنا هساعدك بس تديلي كل التفاصيل عن إلي إسمه ياسر ده وعن الشحنه إلي جايه وهتتسلم إمتي والكلام ده كله تمام
- تمام يا نور ، ممكن طلب أخير
- أتفضل
- ممكن تسامحيني
- مسامحاك يا حلمي من غير ما تقول إنت مش زيهم
- شكرا ليكي أوي إنك وافقت تساعديني
- الشكر لله
وهنا نور قامت وكلهم راحولهم
- ها يا ولاد نقول مبروك
- هفكر يا عمي
- طب تمام البنت هتفكر وتصلي إستخاره وارد عليكم ؛وإستأذن منهم ومشيوا، وكلهم راحوا ناموا .
__________________
( وتاني يوم )
نور صحيت أدت فرضها ولبست حجابها (كانت لابسه أدناء لونه بينك وخمار ونقاب أسود وشنطة لونها أسود وكوتشي لونه أبيض ) نزلت من علي السلم وإتجهت إلي غرفة السفره
-صباح الخير
زينب : صباح النور تعالي يا بنتي افطري
نور: لا لا مش هينفع خالص أنا متأخرا جدا عشان لسه عندي كام مشوار هعملهم قبل المستشفى هبقي افطر في السكه يلا سلام عليكم، وجريت علي بره
محمود: وعليكم السلام ورحمة الله وبركاته ،مالها ده؟
_________________
نور راحت ركبت عربيتها وساقت بسرعه وإتجهت نحو قصر الدمنهوري وبعد فطره وصلت نزلت من العربيه وقبل ما تدخل فونها رن
نور : السلام عليكم ورحمة الله وبركاته ،مين معايا
- وعليكم السلام ورحمة الله وبركاته، أنا حلمي يا نور بصي مش لازم كلام دلوقتي تسأليني جبت رقمك منين المهم إني بعتلك التفاصيل علي الواتساب شوفيها و لما تعرفي هتعملي إيه ابقي عرفيني سلام دلوقتي عشان أنا مش هعرف أكلمك كتير عشان محدش يسمعني وقفل
نور في نفسها: ماله ده؟ ودخلت القصر لقت الخدامه معديه فسألتها عن جدها قالتلها إنه بيفطر
نور دخل جلدها وباست إيديه
- صباح المهلبيه بالقشطه والمكسرات علي أحلي ميدو في الدنيا ده كلها عامل إيه يا أبو حميد أكيد كويس عارفه صحتك كويسه قدامي أهي المهم بقي أنا مستنياك في الجنينه تخلص أكل و تيجي عشان ندردش سوي وقول لحد من الخدم بعملنا كوبايتين شاي باللبن يلا سلامُ عليكم ،وسابته ومشيت
- يا بنت الهبله استني أرد عليكِ حتي، أكمل أكل ، في حين إن الكل ضحكت عليها هم كلهم بيحبوا مشاكستها و
طيبتها وحنيتها وجمال روحها حتي لو هي خرجت عن طوعهم ،
نور كانت قاعده في الجنينه بتقلب بحزن في الملف بتاع تسليم الشحن بتاعت جدها ومعلومات عن الشحنه وعن إلي إسمه ياسر ده إلي عايز يقتل جدها إتنهدت بحزن وقفلت الفون وهي عماله تفكر هتعمل إيه هي محتاره مش عارفه تعمل إيه في الحكايه ده،
لكن وقفت عن التفكير لما سمعت صوت هي عارفاه كويس جدا، هي حافظاه عن ظهر قلب، عشقته من يوم ما سمعته لكن مقدرتش تبوح بده
- إيه ده نور إنتي بتعملي أيه هنا!
- أنا كنت جايه لجده يا أسر
- اه تمام ، ممكن أقعد ولا مينفعش
- لا إتفضل أنا أصلا كنت داخله جوه ،وقامت علي شان تمشي لكنه قالها:
- نور ممكن تستني عايز أكلمك في موضوع مهم
- هو مهم يعني!
- أوي
- تمام إتفضل، وقعدت مكانها
أسر اتكلم وقال:
- نور أنا كنت عايز أقولك إنِّي...
لكنه سكت لما الجد جه وقال:
- إيه ده نور وأسر قاعدين مع بعض مكنتش أتوقعها ده ؛ إزيك يا أسر يا بني ها مش ناوي ترجع تاني ولا لسه منشف دماغك
- لا يا جده أنا مش هرجع تاني أبدا مهما حصل عن إذنك ،وسابه ومشي ،
أسر دخل القصر يشوف والده لإن هو إلي طالب يشوفه إلي متأكد إن هو كمان هيكلمه في نفس الموضوع ده .
__________________

- ها بقي يا نور يا بنتي كنتي عايزاني في إيه مش ناويه ترجعي القصر بقي
- لا يا جده مش وقته خالص بس أنا جايلك في حاجه مهمه جدا
- إيه هي يا بنتي قلقتيني
- لا لا متخافش بس هو يعني كان....
(نسيبهم بقي في أسرارهم ونروح في مكان تاني)
__________________

- كيف لم تعثر عليه حتي الآن إبحث عنه في كل مكان فإن لم تجده فستكون حياتك هي الثمن يا جاي أحضره لي حيًا كان أم ميتًا أفهمت أيُها الوغد!
الراجل بخوف :
- حسنًا سيدتي سأعثر عليه ،و ذهب راكضًا خوفا منها .
__________________

- إزيك يا أسر يا بني
- بخير يا بابا وحضرتك عامل ايه وصحتك أخبارها إيه
- صحتي بخير يا بني بس أنا مش بخير طول ما إنت كده ومش راضي ترجع البيت ولاولا ترجع الشغل
- بابا أنا خلاص توبت لربنا والحمد لله إتغيرت وبتمني ما تتطلبنيش تاني غير لما تكون عايز تقولي أنك ناوي تتغير وعايزني أساعدك أو إتغيرت وقتها بس هاجي هنا بكل رضا، عن إذنك يا بابا وسابه ومشي راح علي بيته .
__________________

أولًا بعتذر عن التأخير إني بقالي فطره طويله مش بكتب بس والله كان عندي إمتحانات ولما خلصتها كان في شويه مشاكل في الحساب لإنه ضاع مني والحمد لله عثرت عليه دمتم بخير إلي أن نتقابل البارت القادم بإذن الله .

توقعاتكم نور هتعمل إيه في البارت إلي جاي و قالت لجدها إيه، وهتساعده إزاي ،وإيه إلي هيتم! توقعاتكم في التعليقات .
بالمناسبه الحلقات القادمه مشوقه جدا تابعوا معانا .

" القلم الأسود"