البارت: التاسع بعنوان( تَوْبَه )
بقلمي :أميره أحمد " القلم الأسود"
قبل البدء :
(اللهم صل وسلم وبارك على نبينا محمد)
ـــــــــــــــــــــــــــــــــــ
جمال: يا بابا أنتَ إزاي تسيبه كده هو انا بقولك عشان تقوله إذنك معاك يا بني
أحمد(بهدوء) : عشان أنا عارف بعمل إيه كويس آسر هيرجع تاني
جنال: إزاي
أحمد : عشان آسر مدمن المافيا ومش هيسيبها أبدا ده مجرد طيش وشويه ويرجع عن الي في دماغه وهييجي عشان يشتغل تاني وبكره تشوف يا جمال
جمال: إما نشوف يا بابا اما نشوف
ـــــــــــــــــــــــــــــــــــ
(آسر: شاب وسيم جداً كل البنات بتجري وراه عنده ٣٤ سنه عينه باللون الرمادي بشرته بيضاء بيحب بنت عمه نور جداً أتقدملها أكتر من مره وهي في كل مره كانت بترفضه عشان مش بيصلي لكن هو قرر وآخيراً إنه يتوب ويرجع لربنا)
ـــــــــــــــــــــــــــــــــــــ
آسر فتح شقته الي في دمياط إلى جنب فرع الشركه الي هو قرر انه هيمسك الفرع ده
آسر: ياه الشقه وحشتني أوي لازم اني أجيب حد ينظفها عشان هي متبهدله ومليانه تراب، واتصل بواحده تيجي تنظفها وسابها في الشقه وخرج.
نزل آسر من شقته وفضل يتمشى في الشوارع لكن في وسط ما هو بيمشي شافها من بعيد قرب عشان يتأكد هي ولا لأ لكنه لقاها هي فعلا كان لسه هيكلها لكن لقى زين واقف معاها بيكلها
زين: نور مينفعش كده والله دول ناس مش قدنا اتراجعي عن الي انتي عايزه تعمليه ده عشان ده خطر يا نور خطر والله خطر
نور(ببرود) :طب ما انا عارفه إنه خطر وأنا عاجبني الخطر يا زين عاجبني أنا حره براحتي طالما محدش هيتأذّي غيري
زين: يعني عارفه انك هتتئذي وبرده مكمله
نور: زين لو سمحت سيبني براحتي أنا عارفه أنا بعمل إيه كويس
زين: هتندمي في الآخر
نور: أنا عمري ما عملت حاجه وندمت عليها وعمري ما خدت قرار وندمت عليه في يوم،
نور إتنهدت بعد كده كملت
:هاا بص يا زين أنا كبيره و واعيه للي بعمله وعارفه الصح من الغلط كويس أوي تمام
زين: أنا عارف إنك عنيده ومش تسمعي الكلام فإنتي حره براحتك انا حذرتك وعملت الي عليا تمام
نور: تمام و يا ريت متفتحش الموضوع ده تاني إشطا
زين: تمام
نور: بص يا زين أنا عارفه إنك خايف عليا بس أنا لو مت مش هتبقي مشكله أنا مليش حد يزعل عليا مليش ام هتموت ورايا او أب هيعمل عزايا
زين: إيه إلى انتي بتقوليه ده انتي متخلفه يا نور انتي ازاي تقولي حاجه زي كده نور إحنا كلنا بنحبك ومحمود يعتبرك بنته هو اصلا يعتبر ابوكي ده هو إلي مربيكي انتي واعيه انتي بتقولي ايه انتي متخلفه صح
نور: كبر دماغك المهم يلا نروح عشان أنا تعبانه وعايزه أنام وروحوا و آسر روح هو كمان وفضل طول الليل يفكر في نور هو قصدها إيه وموضوع إيه ده هو مش فاهم حاجه بجد
ومر شهر وكانت الأحداث فيه كالتالي:
نور وعز خلصوا المهمه وجمعوا كل الآدله إلى بتسبت إن سامر بيتاجر في الأعضاء وقدموا الأدله للشرطه وكان فاضل إنهم يمسكوه متلبس،
وآسر إتعرف على شاب ملتزم إسمه يوسف وهو ساعده على الطاعه وقربه إلى ربنا، و زين وعمر بقوا أصحاب جداً وعمر قرب من ربنا أوي بمساعده زين طبعاً، و حور قدرت تتخطى حزنها و رجعت طبيعيه زي الأول،
و يارا إستقرت في مصر و بعتت حد يدير هو الشركات الي برا مصر وفارس كان فرحان بإستقرارها في مصر.
ــــــــــــــــــــــــــــــــــــ
نور: عز إحنا لازم نتحرك دلوقتي وناخد قوه عشان فاضل ربع ساعة على العمليه فلازم نلحق نقبض عليه قبل ما يعمل حاجه في الراجل الغلبان ده
عز: تمام يا نور يلا،
وفعلا اتحرقوا وخدوا قوه معاهم
(وفي المستشفى)
سامر: يا حاج هعملك العمليه ببلاش متخافش و إحنا هعملك إلى انتا عايزه
الراجل: متأكد يا بني أنا خايف انا عندي عيال عايز اربيهم طب بص أنا لو هزعجك. ممكن أمشي بس
سامر: يا حاج قولتلك متخافش
الراجل: ربنا يباركلك يا بني ويحفظك ويوقف في طريقك ولاد الحلال.....
وفضل يدعيله لحد ما دخل العمليه و اتبنج تماماً وبدأوا في العمليه وكانوا لسه هياخدوا اعضاءه لكن هب كنتلب البوليس طب عليهم فجأه واتقبض عليهم تلبسين بتهمه سرقه أعضاء ونور خلت واخد يعمل العمليه للراجل ببلاش وسامر خد هو والي معاه إعدام وتمت المهمه بنجاح.
نور وعز روحوا وتاني يوم رجعوا تاني القاهره كلهم وآسر لما عرف قرر يرجع هو كمان.
(في القاهره عند نور)
نور: زييييييينب، قالتها وهي بتجري عليها وبتحضنها
زينب: نوووور وحشتيني أوي يا بنتي هنت عليكي إنتي وحور تسيبوني كل المده ده لوحدي من غير ما تيجوا
نوو: معلش والله يا زوزو كل الحكايه إني كنت بخلص حاجات كتير أوي قبل ما أجي وأول ما خلصتهم جيتلك على طول وكمان جبتلك معايا مفاجأه
زينب: إيه ها إيه قولي يلا
نور: ههههههه طب إهدي طيب يا فوزي ههههه خلاص خلاص هقولك بصي يا ستي جبتلك...
زينب( بصدمه) :عـ عز
عز: عامله ايه يا ذينب وحشتيني اوي
زينب (بدموع): ليه يا عز ليه سيبتنا كل المده ده ها ليه أنت كنت الحاجه الوحيده الي باقيه من ريحة ماما الله يرحمها ومن ريحه مامة نور ليه حرمتني منك ليه 😭
عز: أنا آسف يا زينب مكنش قصدي أنا.. أنا كنت فاكر إني لما أسافر ننساها بس الحقيقه إني منستهاش
زينب: ومش هتنساها يا عز لأنها ماتت وسابت فينا كلنا طابع جميل مستحيل ننساها بيه
(بالمناسبة زينب تبقي خالت نور ومرات عمها وعز يبقي خال نور يعني أخو زينب بس هو صغير شوية في عشان ماما خلفته وهي كبيرة خلفته قبل ما نور تتولد ب٣ سنين عشان كدة هو أكبر منها بـ ٣ سنين)
نور: يوه ايه الحزن ده أنا جعلته جعلته أُريدُ مم أُريدُ طعام أُريدُ واكل عايزه آكل يا جدعان ﷲ أنتم مش بتراعوا الناس إلى جاعنين والله أروح وأشتكيكم لحقوق الحيوان قـ قصدي الإنسان الإنسان
عز: أنتي بتقولي فيها ده أنا ميت من الجوع مش قادر جعان بطريقه فظيعه
زين: مفاجيع زي بعض😂
نور: يوه و إنت مالك طيب يا جدع بطل تجر شكلي الله 🙄
زين: والله أنا برده إلى بحر شكلكم ولا انتم الي
نور:احنا الي ايه ها ها احنا الي ايه ما ترد
زين انتم إلى
زينب (بمقاطعة): باااااااااااااااااااس بس بقى بس ايه مش بتزهقوا من الخناق ده إيه الصداع ده مش فاهمه جاكم القرف
نور: خالتوا مينفعش تقولي جاكم القرف لأن ده دعوه والقرف ده مرض ممكن أن فعلا ييجينا القرف و الكل يقرف مننا و محدش يبقا عايز يتكلم ولا يتعامل معانا و الكل قرفان مننا فمينفعش تقولي كده
زينب: بجد والله ما كنت أعرف يا بنتي شكرا على المعلومه ده
نور: أديكي عرفتي يا خالتوا ومتبقيش تقوليها تاني بقى واه استبدلي شكرا بـ جزاكِ الله خيراً
زينب: حاضر يا بنتي جزاكِ الله خيراً
نور: جذاني و إياكِ يا خالتوا 😘
زينب: يوه عطلتوني أديني مغرفتش الأكل وراحت حطت الاكل بمساعدة البنات وكلوا وبعد ما كلوا كل واحد راح غرفته عشان ينام.
(بالمناسبه زينب تبقي خالت نور وأخت عز وكمان مربيا عز مع نور وحور وزين فبتعتبره ابنها مش أخوها أكيد طبعا عرفتوا عز ده يبقي مين صح أي خدمه علي المعلومه ده 😁)
ـــــــــــــــــــــــــــــــــــــــــــــ
(و في مكان تاني)
- أنا هروح أتقدملها يا بابا
-ازاي يعني يا بني فكر كويس ده معقده ومش هتنفع معاك
-انا عاجبني كده والله انا الي هتجوز مش حضرتك فسبني على راحتي
- انت حر أنا قولتلك وعملت إلى عليا
-انا هروح بكرا وانت هتيجي معايا
-انت حر
ـــــــــــــــــــــــــــــــــــــــــــــ
وفي صباح يوم جديد
صحيت نور وأخذت شاور وصلت فرضها ولبست ونزلت تساعد زينب في الفطار وحور كذلك وبعد ما خلصوا وحطوا الفطار اجتمعوا كلهم على الفطار
محمود: اذيك يا نور يا بنتي أخبارك ايه
نور: الحمد لله بخير وحضرتك يا عمي
محمود: انا بخير يا بنتي الحمد لله ااا بس هو يعني كان في عريس متقدملك يعني وهو شاب محترم وكويس وبن ناس و..
نور: بس يا عمي
زينب: مبسش انتي تقابليه وتصلي استخاره وتبقى تقولي وقتها بس ومش بس
نور: خلاص ماشي زي ما تحبوا
محمود: يعني أخليه ييجي بكرا
نور: لا خليه ييجي يوم الجمعه عشان أنا مش فاضيه اليومين دول
محمود: زي ما تحبي يا بنتي
نور: طب عن اذنكم انا هروح المستشفى
محمود: اذنك معاكي يا بنتي، ونور راحت المستشفى وفضلت تفكر
نوو(بتفكير) :يا تري إلى خططناله انا وحور هينجح ولا.. ولا لأ
ويتبع......
يا ترى مين الي متقدم لنور؟
و نور خططت لايه هي وحور؟
كل ده هنعرفه في الفصول القادمه بأذن الله.
أعتذر عن التأخير ولكن بعدما انتهيت من كتابة هذا الفصل حدثت مشاكل و تم حذفه فقمت بإعادة كتابته مره أخرى.
أنت تقرأ
منتقبه بين عائلة المافيا
General Fictionإلى كل من يظن أن جميع من يولدون في عائله سيئه فهم أيضاً سيئون نعم هم كذالك ولكن ليس جميعهم هي ليست كذلك هي متدينه تخاف الله وتخشاه حرمت على نفسها ما يأكلون وتحاول إقناعهم ان يكونوا مؤمنين هم مسلمون نعم ولكن لا يعرفون شيء عن الإسلام هم فقط مسلمون بال...
