منتقبه بين عائلة المافيا

مَاضِي

البارت : الرابع بعنوان(ماضي)
بقلمي :أميره أحمد "القلم الأسود"
قبل البدء:
(اللهم صل وسلم وبارك على نبينا محمد)
__________________
                                
عمر نزل من العربيه عشان يدور على المفتاح لكنه لقا قلم نازل على وشه بص على صاحبه لقا البنت الي ركنلها العربيه واقفه  وجنبيها شاب هو الي ضربه
عمر :انت مين وليه ضربتني كده انت متعرفش أنا مين وازاي أصلا تجرأ انك تضربني كده
الشاب(وكان عمره في حدود ال27):أجرأ ونص كمان انت واخد أختي تعمل بيها ايه يا حيوان انطق
عمر(بتوتر):إيه أأأأ أختك
الشاب:أه مالك قلبت فأر مبلول كده ليه
عمر:لا ده أختي مش أختك
البنت(الي ركنلها العربيه) :والله وأختك تكتفها وترش عليها حاجه ويأغمي عليها
عمر:عشان مكنتش عايزه تيجي معايا وهي متخانقه معايا بس مش أكتر وأنا كنت عايز أصالحها مش أكتر فيها حاجه ده
البنت:لا مفيهاش حاجه بس هي هتقول الحقيقه، وإتجهت نحيه البنت ورشه عليها ميه، البنت إبتدت تفوق
البنت:أه دماغي أنا فين، الشاب جري عليها
الشاب : يارا انتي كويسه فيكي حاجه الكلب ده كان هيخطفك بس في واحده ربنا يباركلها قالتلي
البنت(يارا) : محمد هو هو خطفني كان هيخطفني يا محمد وقعدت تعيط
البنت: يعني انت مش اخوها أهو
عمر :ها لا هو أصل بصي يعني الصراحه هي هو لأنها كانت فعشان بس كل الحوار إن
البنت: مالك اتوترت ولا ايه تعرف إنت لما ساعدتني فكرتك كويس بس انت مطلعتش كده خالص (وإتقوا يوما ترجعون فيه إلى الله) ليه تلجأ لحاجه حرام ليه عشان الفلوس يا أخي تغور الفلوس الي تخلي الناس تخطف وتقتل وتسرق وغيره من المعاصي والذنوب عشانها بنت عمي دايما تقولي الفلوس مجرد وسيله مش غايه لكن للأسف كل الناس دلوقتي بقوا بياخدوها على أنها غايه مش وسيله ليه ليه، ليه تركنا العباده ومسكنا الذنوب والمعاصي ليه، ليه بنحب الفلوس أكتر من ربنا ليه، ليه بتمسك بالدنيا أكتر من الآخره ليه،ليه نكون من الي ربنا سبحانه وتعالي قال فيهم انهم لو عاشوا 1000 سنه مش هيشبعوا من الدنيا ليه، ليه نحب الدنيا أكتر ليه، هي الفلوس هتبقى معاكوا في قبركم هتبقى معاكم وقت الحساب هتدافع عنكم أبدا والله بل هي لهتكم عن طاعه وعباده الله بجد ربنا يهديك يا رب بس انت انا مش عارفه أقول إيه ربنا يهديك ويهدي الجميع وسابته ومشيت، هي كانت بتتكلم  بغضب لكن رغم كده هو أعجب بيها أكتر وحبها بس خايف هي أكيد لو راح اتقدملها هترفضه هو كلامها قصر فيه أوي كلامها مؤثر بيدخل القلب بس ياترى هو هيعمل إيه لو ملتهي الفلوس مش هتعملي حاجه، طب ليه انامحتاجها، ليه أنا بسمع كلامهم، ليه بمشي وراهم، ليه معملش ليا صلطه وأسيب الشغل ده، ليه انا بعدت عن ربنا كده، ليه مبقتش بخاف منه، ليه مبقتش بعمل حساب الأخره وأهم حاجه عندي هي الدنيا، ليه بقيت وحش اوي كده؛ بس لا انا هتغير وارجع تاني لربنا؛
وروح بيته وأول ما دخل القصر طلع على غرفه باباه
عمر:بابا انا عايز اطلب منك طلب
عاطف:أنت تؤمر ده الصفقه الجديده نجحت أتت من يوم ما دخلت المافيا وانت عمال تكسبنا عمرنا ما خسرنا ولا صفقه
عمر: أه ما انا جايلك بخصوص كده
عاطف: مش فاهم قصدك ايه
عمر: يعني بكل بساطه يا بابا أنا عايز أسيب الشغل ده كفايه أوي لغاية كده
عاطف: هو ايه اللي كفايه وأسيب إنت بتستهبل صح وأنا هعتبر نفسي ماسمعتش حاجه
عمر: لا هعتبر نفسك سمعت وانا قولت كلمتي وانا هسيب القذاره ده ومش. هشارك فيها تاني كفايه ذنوب لغاية كده
عاطف: ولو سبت الشغل هوقف الكريكدكارد بتاعتك
عمر:وقفها ايه يعني هخاف
عاطف: اممم انت بقي هتعاند معايا صح
عمر: فسرها زي ما تفسرها ميهمنيش
عاطف: تمام يا عمر ولو سبت الشغل مش هيبقى ليك مكان هنا ومش هتدخل البيت ده تاني وسحب اي فلوس ليك في البنك واي فله أو أي حاجه ليك هسحبها وريني هعيش ازاي
عمر: كل الي انت قولته ده اكتبه في ورقه وقوتها وارميها في الزباله
نسرين(والده عمر): ولد اتكلم مع بابا باحترام
عمر: متأكده يعني أنه بابايا
نسرين:تقصد ايه
عمر:قصدي انت فهماه كويس جدا يا.. ماما... ولا إيه يا ماما
نسرين(بتوتر):لا معرفش قصدك إيه
عمر:اممممم..... ماشي يا ماما قصدي  بكل بساطه أن الراجل الي بقالك 30 سنه بتقولي لي عليه إنه ابويا ده مش ابويا الحقيقي
نسرين:تقصد إيه يا ولد
عمر: يعني اقصد انكم مش اهلي الحقيقيين يا ماما ولا ايه يا بابا
عاطف: انت جبت الكلام ده منين واقصد بيه ايه
عمر: جبته من الي جبته لكن اقصد بيه ايه اقصد بيه أن انتم خطفتوني من ماما وبابا لما كان في صفقه بينك وماما لسه ولداني وهم نصبوا عليك فأنت قررت انك تخطفني وتحرق قلبهم عليا وأما لقيت ان انتم مش بتخلفوا قررت انك تربيني على أساس اني ابنك وكمان سمتني انت لان هم كانوا لسه مسمونيش
عاطف: ولد احترم نفسك و.. وبعدين الكلام ده كله غلط على فكره ازاي اصلا تقول حاجه زي كده على اهلك
عمر:المزيفين المزيفين يا عاطف بيه... عمتاً انا همشي من هنا ومش هتشوفني تاني
عاطف: وترجع تترجاني اني اسامحك وارجعك الشغل واعتبرك زي ابني تاني
عمر: امممم تفتكر ممكن أعمل كده.. لا طبعاً مستحيل أنا عمري ما اعمل كده تعرف ليه؟...... هقولك انا ليه لان انا طول عمري قد كلمتي عن اذنك يا عاطف بيه
دخل غرفته أخذ منها كام طقم يقضي بيهم حاله وكان معاه ظرف فلوس خده ومشى لمصير غير معلوم....
ذهب يسير في الشوارع لا يعلم أين يذهب ولكنه تزكر شيء ما أخذ سياره أجرى إلى دمياط وذهب سريعاً إلى هناك
عمر(في نفسه) : ايوه هي ده الشقه إلى ماما وبابا كتبوهالي بإسمي
ثم صمت قليلا ليتزكر
Flash Bak من ثلاث سنوات
كان عمر في صفقه جديده عندما انتهى وخرج وجد امرأه كبيره في السن يبدو عليها التعب والإرهاق هو لا يعلم لما شق قلبه عليها لا يعلم لما شعر وأنه يعرفها جيدا ذهب ليساعدها
عمر:  اسمحيلي يا أمي أساعدك
الست العجوزه بصتله واتصدمت...
الست وإسمها أسماء:عمررر
عمر:ايه ده انتِ تعرفيني منين
أسماء: ابني ايوه انا متأكده
جه زوجها من وراها
زوجها واسمه محمد: في ايه يا أسماء
أسماء: عمر عمر يا محمد عمر ابني انا متأكده  بصله عشان يشوف مين ده
محمد: عمر مين هو انتَ اسمك عمر يا ابني
عمر: اه
محمد: تلاقيه تشابه أسماء و... وبصله تاني وكمل: وأشكال كمان
أسماء: لا انا متأكده انه ابني ده نسخه منك
محمد: يخلق من الشبه أربعين يا اسماء
أسماء : انت اسمك عمر ايه
عمر: اسمي عمر عاطف
أسماء ومحمد بصوا لبعض بصدمه اكبر
اسماء: شوفت يبقى هو خطفه يا محمد زي ما قولتلك محمد انا عايزه ابني
محمد: استنى بس يا اسماء
هو انت ابوك شغال ايه
عمر: ها ا ا ا شغال مهندس
محمد :وايه كمان
عمر:انت تعرف بابا
محمد: امال عز المعرفه شغال كمان زعيم مافيا صح
عمر: لالا ايه الكلام ده
محمد :انا عارف كويس كل حاجه متحاولش تكدب
عمر: انت مين
محمد: ابوك
عمر (بصدمه) :ازاي انا ابـ...
محمد (بمقاطعة) :عاطف ونسرين مش اهلك الحقيقيين
عمر:انت بتقول ايه ايه التخاريف ده
محمد: كنا صحاب زي الاخوات وشغالين مع بعض بس لما انا خلفت وهو اتغاظ لأنه مش بيخلف وكان بيعاملني بجفاء ولما كان في عمليه بينا والفلوس اتسرقت هو فكر اني نصبت عليه وقالي هتندم اوي وتاني يوم خطفك بس معرفناش نثبت عليه  التهمه و بعد كده تبنا وبقينا بنتقي الله
عمر(بصدمه) : انت بتقول ايه مستحيل
اسماء:لا صح حتى احنا كنا مسميينك عمر وهو مكنش يعرف وجت صدفه
عمر حس انهم صادقين واتنهد
عمر: الصراحه انا حاسس اني مطمن بس انا ايه الي يضمني انكم ماتكونوش من الشرطه وبتعملوا كدا عشان أعـ....
قاطعته أسماء لما خدته في حضنها وهنا كل حاجه وقفت وقف عقله وقلبه للحظات كان شيئا صادم بالنسبه له ولكن.. ولكن لماذا لم يشعر بهذا الاحساس من قبل لماذا عندما تحتضنه أمه لا يشعر بهذا الشعور لماذا؟
هو حقاً شعر بالأمان والحنان الحقيقي لا يعلم أهي حقاً والدته حسناً لا بأس أن كانت حقاً والدته فهذا شيئاً جميل جدا لأنها حقاً تمتلك الكثير من الحنان
عمر(بعدما ابتعد عن حضنها): انا مش ضامن برده بس نروح نعمل تحليل DNA
محمد: تمام وانا موافق، وفعلا راحوا المستشفى عملوا التحليل وعمر دفعاهم فلوس عشان يطلعوا النتيجه في نفس اليوم ولما طلعت اتأكد عمر أن الكلام ده صح وقرر انه هينتقم منهم ويدمر ثرواتهم ويوقع شركاتهم وكان بيزور مامته وباباه كل وقت والتاني لحد ما في يوم هما ماتوا وكانو سايبين ليه ورث بس قالوله أن هو ليه اخت بس هي برا مصر لتتعلم برا والشقه ده كان باباه كاتبها بإسمه
Bak
عمر: فتح الشقه ودخلها وبدأ حياه جديده اتغير وبقي بيصلي ونزل دور على شغل وأول ما لقى شغل وأول ما بدأ يقبض في الشهر الجديد الفلوس الي كانت باقيه معاه من بتاعت عاطف اتبرع بيها لدار أيتام وبدأ حياه جديده غير هدوم وجابله هدوم جديده وحتى هاتفه غيره هو مش عايز يفضل اي حاجه بمال حرام تاني
Bak
عمر: وبس لحد ما جيت هنا يا سيدي وشوفتك اللهم بارك بتيجي هنا كتير
لو مش عايز تصاحبن وتشدني للطريق الصحيح انا همشي ومش هزعجك تاني
، زين مردش عليه عشان كده هو زعل وكان هيقوم يمشي بس زين وقفه
زين: ايه يا عم هو انا قولتلك امشي تعالى هنا بس انا على فكره مصدقك وموافق نبقى أصحاب و اخوات كمان تعالى بس
عمر قعد جنب زين و فجأه......
ياتري ايه الي حصل؟
ومين أخت عمر ده؟
وهل زين هيصاحبه؟
وايه إلى هيحصل؟
كل ده وأكتر نعرفه في الفصول الجايه
وحتى ذلك الحين دمتم في أمان الله❤️❤️
وبالمناسبة عايزه تعليقات حلوه زيكم كده عشان أكمل لاني بجد مش عاجبني التشجيع خالث😥
يتبع.......