Unicode
"နွေးရေ ဒီနေ့ကိုယ့်မိတ်ဆွေရဲ့သားကို Dinner ဖိတ်ထားတယ် အဲ့တာ ညကျရင်ပြင်ဆင်ထားပါအုံးနော် သားနဲ့လဲမိတ်ဆက်ပေးရအောင်မို့ အပြင်မသွားခိုင်းနဲ့အုံး"
ဦးနေယံခတစ်ယောက်သူ့ဇနီးဒေါ်နေခြည်နွေးပြင်ပေးထားတဲ့ မနက်စာကိုစားရင်း စကားစလိုက်တယ်
"ဟုတ်ပါပြီ အကိုရဲ့ ဒါနဲ့ အကို့မိတ်ဆွေရဲ့သားက ဘယ်သူတုန်း နွေးအသိထဲကဘဲလား"
"မဟုတ်ဘူးနွေး ADIPATI Company က CEO လေ ခန့်ရှိန်ဓိပတိတဲ့ သူကငယ်ရွယ်ပေမယ့် စီးပွားရေးမှာ ဘုရင်တစ်ဆူလို့ပြောလို့ရတယ်နွေးရဲ့
မင်းရဲ့သားကို သူ့စီ အတွေ့အကြုံလေးရအောင် အလုပ်သင်လုပ်ကြည့်ခိုင်းဖို့ အကူအညီတောင်းကြည့်မလို့လေ မဟုတ်ရင် ဒင်းကအလေလိုက်ရင်းအချိန်ကုန်နေတာ""ဟွန်း သူဘဲတစ်ချိန်လုံးအလိုလိုက်ထားပြီးတော့ အင်းပါ..သားနိုးလာရင် နွေးပြောထားလိုက်ပါ့မယ်"
"ဟုတ်ပြီနွေး ကိုယ်လဲစားလို့ပြီးပြီ အဲ့တာဆို ကိုယ်သွားတော့မယ်နော်"
"ဟုတ်အကို နွေးကားစီလိုက်ပို့မယ်လေ"
နွေးယောက်ျားဖြစ်သူအားကားရှေ့ထိလိုက်ပို့လိုက်ကာဂရုစိုက်သွားဖို့မှာတမ်းခြွေလိုက်သည် ယောက်ျားဖြစ်သူထွက်သွားမှ အိမ်ထဲသို့ပြန်၀င်လာခဲ့သည်
ပြီးနောက် သားကိုနိုးရန် အပေါ်ထပ်ကသားအခန်းစီသို့သွားကာ တံခါးခေါက်လိုက်သည်"နီနီရေ သားမထသေးဘူးလား ဖေဖေတောင် အလုပ်သွားပြီလေ"
အခန်းထဲက တုန့်ပြန်သံမကြားတာကြောင့် အခန်းတံခါးဖွင့်၀င်ခဲ့လိုက်တော့ တွေ့ပါပြီကုတင်ပေါ် မှာ စောင်နဲ့လုံးထွေးပြီး အိပ်နေတဲ့ သားတော်မောင်
နွေးလည်းသားအနားသွားကာ စောင်အားဖယ်လိုက်ကာ မျက်နှာပေါ်ကျနေတဲ့ ပွယောင်းယောင်း ဆံပင်လေးအားသပ်တင်ပေးကာနှိုးလိုက်ပြန်သည်"နီနီ သား ထတော့လေ ဖေဖေတောင် အလုပ်သွားပြီ"
"အင်း....မေမေကလဲ အစောကြီးဘဲရှိသေးတာကို သားမထချင်သေးဘူး" ဆိုပြီး မေမေ့လက်ထဲကစောင်အားပြန်ယူပြီး ခေါင်းမြှီးခြုံကာပြန်အိပ်နေပြန်သည်