الفصل الثامن والعشرون ❤️
بقلمي روان جادو✍️.
لهيب إنتقامي🔥.
★*********************************★
تفيق من نومها علي اثر ريحه برفيوم قويه تتململ بغضب شديد ثم فتحت عينيها ثم وقفت فجأه بغضب ولكن كل هذا ولم تتعرف علي هويه الشخص ولكن الجم لسانها عندما رأته يقف بهيبته وعينيها مليئه بالفرحه.
سيلا والدموع تنزل من عينيها: بابا ...ثم ارتمت بين احضانه بحب وضمته بقوه استقبلها سفيان بصدر رحب ثم قال بحب: وحشتيني ياسيلا
سيلا ببكاء: وحشتني اوي فينك من زمان
سفيان والدموع تنزل من عينيه: انتي اكتر بقالك ست شهور ماشوفتكيش ...ثم ظل يتفحص جسدها ويطمئن عليها بقوه بحب..
سفيان : الحيوان ده معملش فيكي حاجه الحمد لله ان بعدتك عنه خلاص ههربك من عنده وهننزل مصر خلاص حجزت الطياره ...نظرت اليه سيلا بعدم فهم ولكن اوقفته وقالت : حيوان اي ومصر اي مش فاهمه
سفيان بغضب: صقر الحديدي لازم ابعدك عنه كان بيهددني بيكي الحمد لله انك كويسه
سيلا : لا يا بابا ماتقولش عليه كده انا مااقدرش اعيش من غيرو لحظه واحده ولو عرف ان انا هنا مش هيحصل طيب وصقر اكتر حد بيحبني مستحيل يعملي حاجه من ال بتقولها انا بحب صقر اوي يابابا فوق ماتتخيل
سفيان بصدمه:بتقولي ايه ياسيلا
سيلا: بقول ان لازم اروح قصر الحديدي عشان صقر والحمد لله ان شوفتك واكيد هشوفك تاني يابابا مش كده
سفيان بغضب: سيلا اسمعي كويس انا مستحيل اسيبك للكلب ده تاني سمعاني انا حررتك منه بطلوع الروح ماتخرجنيش عن شعوري تمام ...ثم خرج من الغرفه علي الفور وهو في حاله غضب ..
سيلا بحزن: مستحيل ابعد عن صقر يابابا معلش وانا عارفه ان صقر هيجي هنا بس اتمني ماتكونش هنا عشان مش عايزه البس اسود ومش عايزه اشوف صقر بيقتلك مش عايزه اكرهو وانت عارف ان انا بحبك فوق ماتتخيل يابابا ..
ينزل سفيان من علي الدرج بغضب قابله عمار بضحكه سمجه وسخريه ويضع يديه في جيبنته بهدوء: ايه ياسفيان بيه ماوفقتش انها تقعد وعايزه تروح للحديدي ولا اي
سفيان بغضب: عمار مش طالبه كلامك ف حل عني دلوقتي احسنلك
عمار ببرود وسخريه: عشان بقول الحق بس خلي في علمك صقر هيعرف مكانك وانت حر انت ال هتتحمل غلطك في الاخر
وقف سفيان امامه مباشرهً: اعلي ما في خيل صقر الحديدي يركبه بس مستحيل ياخد سيلا مني تاني
عمار: وهل هتمنع واحد عن مراته ولا انت شايف اي
سفيان: انا مش شايف حاجه دلوقتي غير انك تسكت وبعدين انت واقف في صفهم ليه يعني غريبه
أنت تقرأ
لهيب إنتقامي(اكتملت). روان جادو✍️
Mystery / Thrillerقد يري البعض أن التسامح انكسار، وأن الصمت هزيمه، لكنهم لا يعرفون أن التسامح يحتاج قوه اكبر من الانتقام، وأن الصمت اقوي من أي كلام.
