«عهد لوسيفر »
وانا ماشيه فالقبو شوفت اللي مكنتش اتنمي فيوم اني اشوفه..
« شوفت جثث كتير شوفت ناس مدبوحه وصوابعهم متقطعه ورجليهم مقطوعه وعلي جسمهم اثار ضرب وتعذيب وناس مشنوقه وناس مقسومه نصين وبركه دم كبيره»
انا مقدرتش اتحمل المنظر واخر حاجه كنت فكراها اليوم ده اني صوت وبكل طاقتي و وقعت واغمي عليا....
صحيت بعديها لقيت الشله كلها متجمعه حواليا ومخضوضين عليا ونا مش فاكره اي اللي حصل؟..
قولت: هو فيه اي واي اللي حصل انا مش فاكره اي حاجه...
ردت بسمه بزعل: احنا بنلعب سمعنا صوت صويت جرينا لقيناكي واقعه تحت في القبو شيلناكي وجبناكي هنا...
هنا انا افتكرت رجعت اصوت تاني..
قولتلهم: ف في فييهه ناس مقتوله جواااا انا شوفتهم جوااا..
بس كلهم استغربوا من الكلام اللي قولته ، شوفت ملامح التعجب علي وشهم ، كانو مستغربين
عبد الرحمن: هما مين دول اللي ميتين؟!
قولت: فيه ناس ميته جوا انا شفتهم ب عنيا والله ، هما تحت فالقبو ونا صرخت اول ما شوفتهم و اغمي عليا.
ملامح استغراب علي وشوشهم كلهم وكأن هما مشافوش اللي انا شفته!!
عبد الرحمن: مفيش اي حاجه تحت فالقبو وناس مين اللي انتي بتتكلمي عنهم؟!!
يعني اي؟
يعني القبو فاضي ، يعني اللي شوفته ده مش حقيقه ، يعني انا كان بيتهيئلي
لا مهو مستحيل يكون كل ده تهيئات ، اي هو انا بتعاطي حاجه ولا اي لا والله اللي شوفته ده حقيقه.!
فضلت احلفلهم اني فيه ناس موجوده جوا ، بس عبد الرحمن مسكني من دراعي واتجه بيا للمطبخ
شوفت باب القبو كان مفتوح ، انا كنت مرعوبه
اتحرك عبد الرحمن ونزل وشدني جوا معاه
انا كنت مغمضه عيني ، مرعوبه
خايفه ، خايفه افتح عيني اشوف المنظر ده تاني
عبد الرحمن: ها فين الناس اللي بتتكلمي عليها دي!!
بدأت افتح عيني واحده واحده ونا مرعوبه..
ايدا ؟!!!!!
مفيش حد فالقبو ، القبو فاضي تماماً مفيش غير حبه خشب وملايات!!!
هما راحو فين !!!!!!
كأنهم فص ملح وداب ازاي!!!
بصيت ل عبدالرحمن و قولت: والله العظيم كان فيه ناس ميته موجوده هنا بحلفلك ي عبد الرحمن والله كان فيه ناس هنا هما راحو فين
بدأت انهار ، ازاي حصل كده طلعت برا
بسمه قالت: انتي تعبانه اوي ومحتاجه اترتاحي.
مشيت وطلعت فوق ونا فحاله صدمه
يعني دي تهيئات بجد؟
دخلت الحمام غسلت وشي وطلعت وروحت اترميت علي السرير بعد يوم متعب ومقرف
غمضيت عيني ونمت...
صحيت فنص الليل ، علي صوت انفاس تقيله ، صوت الانفاس باين اوي مع اني لوحدي ف الاوضه ، انا متأكده ان فيه حد ف الاوضه ، حاولت اتحرك علشان انور اي حاجه
جسمي مش قادر ، حركتي اتشلت زي ما يكون فيه الف حبل مكتفين كل سنتي فجسمي
النفس التقيل موجود بيقرب ، بيقرب من السرير والنفس صوته يبعلي ، حسيت بصوابع بتمسك رجلي ، عايزه احرك رجلي لكني مشلوله فمكاني ، عايزه انادي علي البنات لكن صوتي خلاص راح مني ، بعد شويه حسيت بجسم تقيل بيضغط عليا ، دموعي عماله تنزل مني زي الحنفيه لكن بدون صوت ، الدنيا ضلمه ومش شايفه اي حاجه
حاسه ب الانفاس فوشي وبيني وبينه سنتي مترات ، انفاس كأنها خارجه من مايه بتغلي ، انفاس ريحتها ريحه الموت وفاللحظه دي عنيين نورت قدام عنيا بالظبط ، نفس العنين الجاحظه المخيفه بتاعته وتابعها صوت ضحكه مخفيه وكلها شر و.......
يتبعع.....
بقلمي /رضوي قدري ♡
أنت تقرأ
عهد لوسفير
Horrorلقيت باب القبو فتح لوحده و صريخ بسمه بتقول الحقونيييي.. دخلت بخوف بس شجعت نفسي مينفعش اسيب صحبتي كده.. بس صدمه.. لقيت بسمه والكائن الاسود كانت بسمه بتترجاه انو يسيبها بس هو مسكها ودبحها ايوه الكائن ده دبح صحبتي بسمه وقعت علي الارض وهيا جثه هامدة...
