«عهد لوسيفر »
فتحت الباب
وشوفت منظر مرعب نفس المنظر اللي شوفته فالبيت بتاعي« الكائن اللي جسمو كلو شعر ورجلو شبه رجل الطور وعيونه حمرا وفيه قرون أشبه قرون الثور هو هو نفس الكائن؟!!!»
انا اغمي عليا اول ما شوفت المنظر ده.
فوقت بعديها لقيت صحابي كلهم حواليا وبيحاولو يفوقوني.
وشوفت شاب
«طويل وابيض وعيونه زرقا وشعره أسود ، خصلات شعره نازله علي عيونه الزرقا»
ومشي؟!
خرج برا البيت وانا باصه عليه وسألت مين ده وقالو ان هو اللي خبط وانو ساكن فبيت صغير ورانا علطول وجه يسلم عليناا.
بس احكيلنا انتي اي اللي حصل؟!!!
وحكيت كل اللي شفته.
محمد: اكيد دي تهيئات عشان بس السفر والتعب وكده متقلقيش.
مصدقونيش!!!!!
بس انا اقسملكو اني مكنتش بتخيل.
بعدين بدأنا نفضي الشنط ونرص الهدوم والحاجه هو البيت كان نضيف بصراحه مكنش فيه اي حاجه تتنضف.
خلصنا و روحنا نعمل الاكل انا والبنات.
وانا بعمل الاكل كان فيه حاجات غريبه بتحصل..
الحاجات كانت بتختفي!!!!؟
حطيت كيس المكرونه وروحت عشان اجيب الفلفل وجيت ملقتش المكرونه؟!!!
المكرونه اختفت بجدددد؟!
سألت سلمي إذا اخدت المكرونه ولا لا بس ردها عليا كان لا!.
طب ازاي انا حطيته ب ايدي علي رخامه المطبخ ازاي اروح 5 ثواني ارجع الاقيه اختفي
قولت ادور عليه تاني يمكن وقع وطيت عشان اشوفه بس لاحظت انا فيه نقطه من النور طالعه من تحت خشب الأرض؟!
نقطه ركزت علي عيني وده اللي لفت انتباهي لسه جيت اشوف النور ده منين...
عبدالرحمن قال بصوت عالي: اي يبناااتتت هنموت من الجووع...
قومت بس لسه معنديش تفسير نقطه النور دي جايه منين بس واخده القرار اني اكيد هكتشف اي اللي تحت الارض ده.
جهزنا الاكل خلاص وقعدنا ناكل واتكلمنا ودردشنا عادي
اياد جاب سيره الشاب اللي جه من شويه «لوي» وقال: ده حفيد عم اشرف صاحب البيت اللي احنا قاعدين فيه ده وقالي انو اي حاجه نعوزها هو هيكون هنا علشان يساعدنا.
خلصنا اكل وبعدين طلعت الاوضه اخد دش
دخلت الحمام بصيت فالمرايه كان الانعكاس بتاعي فالمرايه بس تدريجياً ملامح وشي اللي فالمرايه ابتدت تتغير الانعكاس لونه بقي اسود جسمو اتملي كلو شعر زي شعر الخرفان طلعله قرون أشبه بقرون الثور عنيه حمراا وفيها نقطه سوده خافته جدا عنيه جاعصه لبرا وكلها غضب وشر.
الكائن ده هو نفسو اللي شوفته فحمام البيت بتاعنا!!
بدء يتمتم ويقول كلام مش مفهوم كلام بلغه غير اي لغه سمعتها فحياتي بس قال جمله واحده بس بالعربي كانت..
«انتي اللي حكمتي علي نفسك بكده»
وفضل يعد الجمله كتير وكل مره يطلع صوت اتخن واجش صوت مرعب انا مش حاسه بنفسي ، كل اللي حاسه بيه ان لساني اتعقد مش عارفه اطلع صوت مش عارفه اتكلم ولا اقول حرف واحد جسمي كلو متخشب ومش قادره اتحرق درجه حراره الحمام بدأت تسخن وفجأه الكائن ده صرخ بصوت عااالي صوت من كتر علوه كسر المرايه
بعدين الكائن ده طلع ايدو من المرايه وبدء يخنق فيا ونا انافسي ابتدت تقل بس
حاولت وجمعت كل طاقتي واخيرا صرخت.
صرخت جامد ، والكائن ده رزعني جامد ف الارض واختفي ، ومع اختفائه كل حاجه رجعت طبيعيه زي الاول..
لقيت شروق وبسمه والعيال كلها متجمعين..
حواليا سألوني اي اللي حصل يخليني اصرخ الصريخ ده كلوو...
ولسه هتكلم الباب خبط و....
يتبععع.......
بقلمي /رضوي قدري♡
أنت تقرأ
عهد لوسفير
Horrorلقيت باب القبو فتح لوحده و صريخ بسمه بتقول الحقونيييي.. دخلت بخوف بس شجعت نفسي مينفعش اسيب صحبتي كده.. بس صدمه.. لقيت بسمه والكائن الاسود كانت بسمه بتترجاه انو يسيبها بس هو مسكها ودبحها ايوه الكائن ده دبح صحبتي بسمه وقعت علي الارض وهيا جثه هامدة...
