«عهد لوسيفر»
دخلت البيت ادور علي لوي...
واتصدمت ، اتصدمت عشان كان اياد موجود بس كان مشقوق نصين و واقع فالأرض والكائن ده كان واقف جمبو
حطيه ايدي علي بوقي من الصدمه والكائن ده قرب عليا وصرخ فوشي جامد ، وانا كمان صرخت
واغمي عليا
صحيت ولقيت نفسي فمكان غريب؟!
مش فالبيت اللي فالغابه!!
«مكان كان كلو اسود وكان غيه لوح كتير اوي وكان فيه كرسي كبير وبيلمع وكان قاعد عليه لوي كان لابس بدله سوده وقميص احمر وبيبصلي وخصلات سعره نازله علي عينه»
قولت: انا فين واي المكان ده!؟؟
ضحك ضحكه كلها برود وقالي:
اخيرا بعد السنين دي كلها اخدت حقي.
بصتله بصدمه وقولت: ده انت اللي عملت كل دهه!!!!!
قال: لا مش انا اللي عملت ده انتي
قولت: نعم؟
قال: اه صح استني هرجعلك الذاكره اللي انا اخدتها منك
قام لوي من علي الكرسي وقرب عليا ومسك ايدك وشدني عند لوحه وكان فيها انا ونا صغيره
كان فيها كل حاجه
باختصار كده انا شوفت شريط حياتي وهو بيعدي قدامي
«فلاش بااااااااااااااك»
(وانا عندي 4 سنين كنا عيله فقيره جدا جدا جداا حتي مكناش لاقيين بيت نعد فيه وكنا فالشارع وفيوم من الايام شافنا راجل
الراجل ده كان لابس جلابيه سوده ودقنه كانت بيضه وطويله وكان ماسك ف ايدو سبحه
بص عليا وكلم بابا وقالو انا ممكن اخليك من اغني الناس
لو عايز تبقي غني فعلا تعالي علي المكان ده
الراجل ده طلع ورقه من جيبو واداها ل بابا ومشي
بابا اعد يفكر شويه بس بعدين روحنا هناك
روحنا العنوان اللي كان فالورقه وكان بيت خبط بابا علي الباب والراجل ده فتح
ولف ودخل البيت واحنا دخلنا
الراجل ده دخل اوضه وقال تعالو اعدو هنا
روحنا وقعدنا وبابا قالو انا فكرت فالكلام بتاعك وجتلك عشان انا عايز ابقي غني فعلا
ضحك الراجل ده وقالو طيب بس اول ما هتبقي غني هتديني نص ثروتك
وافق بابا والراجل ده بدء انو يقول حاجات بصوت واطي وتقريباً دي كانت طلاسم وغمض عينه وبعديها بدقيقتين فتح الراجل عينه وكلم بابا وقالو بس الجن ليه شرط
والشرط ده انك تقدملو بنتك ك قربان
«قربان يعني مقابل»
بص بابا لماما وانا طبعا ساعتها مكنتش فاهمه اي حاجه
بصو لبعض وبعدين بابا قال موافق
وبعدين الراجل قال لبابا انو يروح حته معينه قالو عليها وانو يحفر فيها وهيلاقي كنز كبيييرررررر تحت وانو بعديها يبقي يجي ويديلو نصيبه
مشينا
روحنا انا وماما كالعاده نعد فالشارع ومشي بابا وراح للمكان اللي الدجال ده قالو عليه
بعديها انا نمت صحيت الصبح لقيت بابا جاي وفرحان وقال لماما انو فعلا لاقه الكنز ده
وراح للدجال ادالو الفلوس
ماما استغربت انو مخدنيش بس فرحت وسألت بابا
قالها انو قال للدجال انو يعمل تعويذه تخلي الشيطان ده ميقدرش يقرب مني بس الدجال قالوا انا مليش دعوه لو حاجه حصلتلك
بس بابا مهتمش ومشي
عدي فتره وفعلا بقينا اغني ناس فالمدينه وفالبلد كلها
وفيوم من الايام ماما وبابا اتخانقوا لسبب ما انا معرفهوش بس جيت ولقيت ماما وبابا بيقولولي انتي السبب
وضربوني جامد وخرجوا من الاوضه
وانا خرجت وجريت علي الجنينه وفضلت اعيط
لمحت شاب جاي وبيقرب عليا
شاب طويل وشعره اسود وعنيه عسلي فاتح ولون بشرته بيضه
جه اعد جمبي وطبطب عليا وقالي بتعيطي ليه
قولتله ان ماما وبابا ضربونه وزعقو ليا
الشاب ده حضني وقالي خلاص متزعليش قوليلي انتي عايزه اي وانا اعملهولك
قولتله انا عايزه حاجه تحصل لماما بابا تخليهم يزعلو ويندمو انهم ضربوني ويعرفو انهم غلطانين
قالي بس كده حاضر
وقام ومشي الشاب ده
بعديها بشويه لقيت ماما وبابا جايين يعتزرولي وقالولي انها كانت لحظه غضب وماما حضتني وقالتلي قومي البسي وتعالي نخرج
قولتلها حاضر وطلعت الاوضه عشان البس بس شوفت عروسه صغيره وكانت جميله واول مره اشوفها
ممكن تكون ماما جابتهالي عشان تعتزرلي
اتلهيت عن بابا وماما ونسيتهم وفضلت العب مع العروسه)
بس شوفت فاللوحه ان فيه واحده شبهي بالظبطط يجماعه راحت هيا مع بابا وماما مكاني!!!
كانت شبهي فكل حاجه هيا كانت كوبي بست مني
ركبو العربيه ومشيو و هما ف.....
يتبع
بقلمي /رضوي قدري♡
أنت تقرأ
عهد لوسفير
رعبلقيت باب القبو فتح لوحده و صريخ بسمه بتقول الحقونيييي.. دخلت بخوف بس شجعت نفسي مينفعش اسيب صحبتي كده.. بس صدمه.. لقيت بسمه والكائن الاسود كانت بسمه بتترجاه انو يسيبها بس هو مسكها ودبحها ايوه الكائن ده دبح صحبتي بسمه وقعت علي الارض وهيا جثه هامدة...
