عهد لوسفير

part ((4))

«عهد لوسيفر »

فتح محمد الباب وكان لؤي..

لؤي: انتو كويسين يجماعه ، انا كنت قاعد وسمعت صوت صويت جامد قولت اجي اطمن عليكو؟!
بعدين لقيتو بيبصلي؟!
قالي: انتي كويسه ي آنسه؟!!
قولت بصوت خارج مني بالعافيه: أ ..أيوهه
قال: متأكده؟!!
قولتله: ايوهه.
ومشي
هو لي غريب كده ؟.
صحابي فوقوني من سرحاني وسألوني اي اللي حصل؟!
بس هقول اي انا لو حكتلهم م هيصدقوني وهيقولولي تهيئات زي ما قالولي لما شوفت الخيال ده انا مش هقول حاجه احسن..

صحتني شروق من سرحاني وقالت: ف اي يبنتي قلقتينا.
قولت: مفيش حاجه انا بس كنت هتزحلق ف عشان كده صرخت.
ضحكت شروق وقالت: ههه يخربيتك يشيخه فزعتينا.
وبعدين طلعوا...
وانا قومت غسلت وشي وقولت اكيد دي مجرد تهيئات ونا بتخيل بس.
واخدت دش ونزلت..
وقالولي انهم هيروحو الجنينه اللي قدام البيت وسألوني لو كنت عايزه اروح معاهم ولا هقعد وارتاح
وافقت اني اروح معاهم..
نزلنا كلنا
انا روحت اتمشي شويه وباقي الشله كانوا بيلعبو كوره..
اتمشيت شويه فالجنينه ولفت نظري شجره.. شجره كان شكلها غريب ، كانت غير اي شجره انا شوفتها
«الورق بتاعها هو اللي لفت نظري
لون الورق كان احمر غاااامق مايل للون الاسود
عارفين لون الدم الغامق هو نفس لون ورق الشجر»
قربت من الشجره عشان اشوفها بس لاحظت ان فيه حد واقف هناك فضلت اقرب واحده واحده لحد ما ملامح الشاب ده بانت..
ده لؤي !!!
قربت منو وهو شافني...
قال"لؤي": انتي بقيتي كويسه دلوقتي؟!
قولت: اه
سكت وفضل باصص للشجره من بين خصلات شعره السوده كسر السكوته
قال: انا بقالي 4 سنين كل يوم يخرج وبفضل باصص للشجره دي..
سألته قولت: انت اللي زارعها؟!
قال: لا بس حياتي متعلقه بيها.
استغربت من كلامو بس مردتش ، هرد اقوله اي يعني
قولت: انت عندك كام سنه ي لؤي
بصلي بصه غضب متمازجه مع برود وقرب مني ومع قربه مني حسيت بحراره شديه قربت من جسمي وهمس عند ودني
وقالي: انا اسمي "لوي" مش لؤي
انا جسمي اتجمد وانا واقفه وسابني هو ومشي وانا حيرانه ومتلخبطه ومش فاهمه اي اللي حصل ده الشاب ده غريب اوي فجاء وانا واقفه حسيت الشجره اتهزت انا وقعت من الخضه محمد اخد بالو مني وجري عليا: مالك
قولت: مفيش دوخت شويه بس.
سندني محمد ودخلني البيت
قال: انتي لازم ترتاحي.
قعدت علي الكرسي وسألني اذا كنت محتاجه حاجه ولا لا ومشي ونا فضلت قاعده لوحدي شويه فالبيت افكر ف اللي حصل ده ازاي كل المواقف دي حصلت مع بعض مره واحده كده ، لاا لاااا لاااااا اكيد دول كلهم مش صدفه.
انا دماغي هتتفرتك من كتر التفكير
قطع تفكيري صوت جاي من المطبخ قومت عشان اشوف مين فالمطبخ قومت واتمشيت براحه جدا وكنت هموت من الرعب
انا متأكدة ان كلهم برا بيلعبو مفيش حد هنا معايا ، دخلت المطبخ ملقتش حد بس فيه صوت خبط لسه موجود!!

صوت الخبط جاي من تحت الارض!!
ايوهه انا متأكده قعدت علي الارض وشيلت السجاده من علي الارض
لقيت بوابه صغيره علي شكل مربع فالارض مسكت ايد البوابه الصغيره دي وفتحتها ، الدنيا كانت ضلمه ومكنتش شايفه حاجه اخدت فوني ونورت الفلاش كان فيه سلم تحت ف المكان اللي انا مش عارفه اسمو ده اي..
بس
ده قبووو؟!!!
يعني فيه قبو فالبيت واحنا منعرفش نزلت علي السلم وانا منوره ب فلاش الموبايل وبعدين ببص حواليا لقيت حيطه وفيها كبس ، دست علي الزرار والنور اشتغل
خليني اقولكو ان المكان ريحتو كانت نتنه عارفين ريحه الحيوانات المتفعنه والمتحلله ، الريحه كانت افظع من كده يجماعه الريحه كانت لا تطاق ، حطيت ايدي علي مناخيري ومشيت شويه
وشوفت منظر عمري ما كنت اتخيل اشوفه....
شوفت.....

يتبععع ...
بقلمي /رضوي قدري ♡