خطوات نحو الموت

part 16

#خـطـوات نحـو الـمـوت
#بـقـلـم : جـيـهـان آغـا

لا تنسون الصلاة والسلام
على سيدنا محمد وعلى ال محمد

حبايبي تعليق بين الفقرات وتفاعلكم مع الرواية

واتمنى لكُم قراءة مُمتعة♡

____________

حسين - ومنو هاي وين عرفتها بنت منو نعرفها لا؟

حرب - لا بويه هيَ مسيحيه كرديه مو من البصره

بعدني كاعد احجي وابوي دفر الصينيه وكال

حسين - شنوووووو ولك تالي عمري تاخذلي مسيحيه تخبببلت

نوريه - هدي ياعيني خلي نفهم من الولد

حرب - بويه شكو بيها رايدها بالحلال

حسين - ولك تالي عمري ابني ياخذ وحده لا من دينه ولا من ديرتنه اشو انته ما تعرف تحجي

حرب - بويه وين الحرام والعيب والغلط بالموضوع
وبعدين هيَ راح تدخل دين الإسلام

حسين - بسسس كافي لا تكمل مستحيل اقبل
تريد تفضحني ولك حويرب وانه اكول ابني وابني والمثقف المتفهم المهندس هذا تفكيره ؟؟

حرب - كام يصيح عليه وعلى صوته كامو كلهم
التمو بالمطبخ عرفو السالفه كلهم اعترضو

رغده - عزه العزاك هاي منين طلعت بيها

علاء - اني هم ما اقبل تالي عمرنه نجيب وحده مسيحيه وكرديه لا بالله خوش عقل عندك

رغده - سوايتك المخبل مايحجي بيها تالي عمرنه
ندخل غريبه لبيتنه

حرب - كلهم كامو يحجون عليه التفتت على امي اشوف دموعها تنزل بدون صوت صاح علاء

علاء - لو بنات عمك لو بنات خالك غيرهم ماكو

حرب - وانتَ شكوو منو كال تعال احجي ولك علاء وربي لو اموت ما اسمع كلامك فا لا تدخل احسن

علاء - ها هيج صارت السالفه يصير خير

حسين - كااافي سكتو وانته حويرب اسمعني
كلش زين كلمتي وماتصير ثنين

اذا تريد تزوج ما تاخذ غير بنات عمك لو خالك
واذا ماتقبل انت لا ابني ولا انه ابوك وطردك حتى من العشيره ولو تموت كدامي مالي شغل بيك
وانسى بيوم من الأيام جان عندك اهل وام واب

حرب - احس ابويه كسر كَلبي بكلامه
كسر كَلب جنت اعتبره من حجر ماينكسر
بسهوله كلت واني الحزن محتل كَلبي

: ليش بويه جبت عمري جوه جناحك وشتسوي بيه اسكت جبت عمري وانه من تعب لتعب بس حتى ترضى عليه اتعب اشتغل اساعد كلهم

واصرف على البيت وكت الحرب الناس تموت من الجوع وانه من جوه الكاع اطلعلكم اكل شرب وماخليتكم بيوم من الايام تحسون بنقص