خطوات نحو الموت

part 17

#خـطـوات نحـو الـمـوت
#بـقـلـم : جـيـهـان آغـا

لا تنسون الصلاة والسلام
على سيدنا محمد وعلى ال محمد

حبايبي تعليق بين الفقرات وتفاعلكم مع الرواية

و قراءة ممتعة

_____________

الأب - اي بويه خيرج شكو

بهار - احم لا بس بابا حبيبي
اكو شاب تقدملي شتكول انت

اني كتله هيج وهذا تغير ملامحه
وكال

الأب - شنو هذا الحجي مو وكت شقه بابا
تركي سوالف الشقه هذا

بهار - لا بابا مو شقه صدك احجي والعذره

الأب - شنوووو هذا الحجي تعرفين نفسج
شنو تحجين لو لا

بهار - بس خليني اكمل

الأب - منووو هذا ومن وين عرفتي

بهار - مو بابا هذا م م مسلم شيعي

: نرسمت الصدمه على وجه ابويه وحسيته تعصب

مار نيشو - شنوووو تخبلتيييي شنو شيعي وانتِ تعرفين كُلش زين انتِ ممنوع تزوجين انتِ راهبه
اذكرج لو نسيتي بنيتي شلج بهل حجي

بهار - طفرت وحجيت وكتله تره هذا شي غلط شلون تسوون هيج بكيفكم تنذرون واني
شنو ذنبي وحقي احب وازوج واستقر والعذره
مايصير هيج

مار نيشو - ولج لااا تخبليني وياج اخر زماني ازوج بناتي الراهبات لواحد لا من دينه ولا من اصلنه تخبلتي اكيد

بهار - كمت ابجي ومسكت ايده
وبستها وكلت

اريده فدوه اقبل خليني ازوج حالي حال البنات
بويه حرام عليكم النذر ماكالو هيج تسوون بيه
شنو ذنبي واني ما راضيه على هذا النذر
فدوه اقبل كافي تعبت من هذا الوضع ليش تخلونه نحس اني واختي احنا مو مثل باقي البنات ليش
حرام نحب وننحب ونزوج ويصير عندنه جهال
ونستقر حالنه حال العالم ترا حرام عليكم النذر مو هيج تضلمونه علمود نذركم

مار نيشو - كاافي انتِ راهبه وخلص بدون حجي
زايد

بهار - ماريد اصير راهبه حررررني كافي تقيدني اريد اعيش حياتي حالي حال كل البناااات حرام عليكم الرهابه مو هيج ليش ادمر حياتي بشي ماريده

: احجي وابجي وهو صار عصبي

الأب- كااافي سكتي اخر مره تفتحين هذا الموضوع كتلج ماعندي بنات لزواج بناتي راهبات

شيمان - بهار كافي سدي الموضوع يايمه

بهار - ليش كافي يمه ماطالبه شي غلط اريد افرح اعيش حياتي مو كاااافي الراح من عمري

التفتت على ابويه كتله ودموعي تنزل

: بس اني شايفه الأهل يتمنون سعادة جهالهم انت بالعكس تريد ادمر حياتهم