خطوات نحو الموت

part 2

#خـطـوات نحـو الـمـوت
#بـقـلـم : جـيـهـان آغـا

لا تنسون الصلاة والسلام
على سيدنا محمد وعلى ال محمد

وتصويت بالنجمه + تعليق بين الفقرات + متابعة حسابي 🦋

قراءة ممتعة حبايبي
______________

- كول والله صدك تحجي ؟

اسد - لا حوله ولا قوة الا بالله
ولج نزلي شلون وياج يلااا نزلي

- نزلت واني ضايجه راح
طاح حظي هيج واحد يوصلني

دخلت للبيت ياريت مادخلت اول مافتحت
الباب وجان اختم يومي بصدمه اشوف البيت هوسه وصياح زلم تارس البيت ركضت دخلت اشوف شفت حازم بالمطبخ يحجي بالموبايل

حازم - اي لا يمعود ماعرف هو هذا الحقير
باكهن وانهزم عمك يكول ماعرف اي 50 مليون
اي وربك ماشي خلي يرجع اسد نروح نلكَه 

- يحجي مافهم منا شي شوي وسده كتله
: شكو شصاير فهمني

حازم - هذا الحقير باك فلوس ابويه وانهزم

- ياحقير ولك منو

حازم - منو غير صديق عمج اشك عمج وياهم
اي مو بعيده

- ياااا شبيك اكو اخ يبوك اخو ؟

حازم - اي كلشي توقعي من عمچ

- يمعود كول غيرها زين شكو ليش صياح منو يمنا

حازم - ابويه والشريك الثالث بينهم اجه يكول اريد فلوسي وابوج يهدي بي الناس تريد فلوسها قابل كلهم مثل ابويه يسكتون

- سالفه ميته

واحنا نحجي دخلت امي بستها

: هلا بالحبيبه هلا بالغاليه

الأم - هلا يمه شوكت رجعتي

- توني رديت يلا اروح ابدل وانام انتو اتغدو
اني مو جوعانه

حازم - ياغده احنا بياحال

- لا تهتم ابويه يعرف شلون يحلها

احجي واني تعاين بعيوني كالت

الأم - يمه شبيج اليوم مالج خلك

- منو اني لا ماكو شي اصلا كلش زينه

بستها وصعدت فوك قبل لا تسئلني اكثر لان صدك
جنت مو زينه وماحبيت ابينلهم

قفلت باب الغرفه ماريد احد يكومني
بدلت لبست تراك ومشطة شعري
رحت نمت وعلى نفس الحلم
والكوابيس فزيت مرعوبه

: بسم الله الرحمن الرحيم
الظاهر اليوم ما انام اريحلي

كمت غسلت وجهي اناظر الساعه بال7 المغرب طلعت هوسه وجهال خواتي يمنه وخواتي ماعرف وين طالعين مالي خلك حتى اسأل