المجرمه والشرطي

الفصل الرابع عشر

وصلت عناصر  الشرطه وجدوا كل الموظفين علي الارض في حاله اغماء طلع مهران جري لغرفه المدير ولكن للاسف كان محمود الصاوي وفادي ماتوا من ربع ساعه
مهران: خالد بسرعه ابعتلي دكتور ناخد عينه من دم اي حد قبل ما يفوقوا عشان نعرف مصدر الغاز ده اي
خالد : تمام
مهران: رجعت تاني ليه يا انتقام عاوز تخرب ليا حياتي لي اذيتك في اي انا بس مش هسيبك وهفضل وراك لحد ما اسجنك
وفعلا جابوا دكتور وسحبوا عينه من دم اخر واحد
الدكتور: للاسف هو فاق واحنا بنسحب العينه يبقي كميه الغاز هتكون قليله او معدومه
مهران: يعني اي يعني كده باظت المهمه
الدكتور : ان شاء الله خير
الموظف : اه في اي
الدكتور : ولا حاجه مجرد إجراء روتيني
الموظف ابتسم بخبث: تمام
______
عند فيروز في المقر
فيروز :عملت اللي قولتلك عليه يا مدحت
مدحت : طبعا كله تحت السيطره
جاك : ماذا هناك
____
Flash Back
قبل ذهاب فيروز الي امريكا
فيروز : مدحت وصلتلي اخبار ان مهران هيعمل تحليل دم للموظفين عشان يعرف مصدر الغاز
مدحت : طيب والعمل
فيروز : هنغير نوع الغاز لغاز ينوم نص ساعه بس في العمليه الجديده وهتزرع حد من رجالتك يكون هو اخر موظف وتديه غاز ينيمه ثلاث دقايق بس وبكده خطت مهران تبوظ
مدحت: تسلم دماغك علم وينفذ
Back
______
خليل : طول عمرك دماغك سم
فيروز : تربيتك يا باشا كده هنهدي شهرين ونبدا من جديد
الجميع ان شاء الله
فيروز : عاوزه حد يراقب مهران ويعرفلي كل تصرفاته
خليل: سبيها عليا
فيروز : تمام
__
طلعت نتائج تحاليل الموظف وكان مفيش اي اثر للغاز في دمه
الدكتور :للاسف يا حضره الظابط مفيشاي اثر  للغاز .
مهران : يعني اي
الدكتور : اسفين مش عرفين نعمل حاجه سابه ومشي
مهران نزل تكسره في كل حاجه
مهران : مش هسيبك يا انتقام قريب هتبقي تحت رجلي ومش هرحمك
_______
بعد مرور شهرين كان مازن رجع شغله مره تانيه اتحولت قضيه محمود الصاوي ضد مجهول مهران كان هيتجنن من انتقام فيروز مع الاطباء في المستشفي بتعمل عمليات دايما وقاعده مع اخوها علي طول ناهد بتزور بنتها كل يوم مش بتسيبها
يجلس الجميع انتظار فيروز
جاك: ليس من عادت فيروز التاخر ماذا بها
عدنان : مش عارف هتصل بيها
كانت فيروز ماشيه في الشارع وشافت خناقه بين راجل ومراته راجل ماسك مراته عمال يضرب فيها والناس كلها بتسلك ومحدش عارف يشيله عنها فيروز لما شافت المنظر اتعصبت جدا وجريت عليهم
فيروز : في ايه انت بتضربها ليه وبتعمل كده ايه انت عبيط ولا ايه
الراجل : وانت مالك انت مراتي وانا حر فيها اضربها اقتلها احرقها بجاز انت مالك
فيروز : انت بتقول اي انا انتي مالك ده انت ليله امك سوداء
الراجل : انت بتزعقيلي انا راح رافعه ايده وكان هيضرب فيروز
لكن فيروز بحركه سريعه منها مسكت ايده ولفتها ورا ظهره وضربته بالبوكس في وشه وضربته بالرجل وقع على الارض ونزل الضرب فيه لحد ما دخدغته ومراته بتصوت عليه
فيروز: بتصوتي عليه بعد اللي عمله فيكي وبعد البهدله اللي اتبهدلتيها دي كلها بسببه تصدقي انت تستاهلي وهو في حد يختار واحد ناقص زي ده
الزوجه : مهما عمل يا بنتي برده ده جوزي وابو عيالي وما اقدرش اعمل له حاجه وبعدين هو ايده طويله شويه وما بيقبلش الكلام
فيروز: مهما كان ملوش حق يمرمطك كده في الشارع انت ست وليكي مركز وليكي كرامه لازما يحترمك
وفاجأه جاءت عناصر الشرطه وخدوا فيروز على القسم
فيروز مسكت تليفونها لقيت عدنان بيرن
عدنان : ايه يا فيروز هو انت فين
فيروز:   الو يا عدنان انا في القسم
عدنان : نعم يا اختي في القسم بتعملي ايه
فيروز: ما فيش والله يا اخويا انا لقيت واحد بيضرب مراته فما استحملتش فمسكته موتته من الضرب
عدنان : يا لهوي يا لهوي اروح فيك في داهيه يا فيروز انت بتعملي ايه يا شيخه يا شيخه ارحميني ارحميني جننتيني
فيروز : ما تهدى يا عم وتيجي تطلعني بدل ما  ادخل السجن
عدنان : انا جي
الشويش: في واحده يا فندم جاءت بعد ما ضربت واحد في الشارع كان بيضرب مراته وهي الراجل دلوقتي متكسر
مهران : دخلها ١
الشويش مسك ايد فيروز جامد وزقها لجوه بشده
فيروز: بالراحه في ايه هو انا كنت عملت ايه يعني ايه ده
مهران: في ايه عامله دوشه كده ليه ما تدخلي وانت ساكته
فيروز بصدمه : انت
مهران: انتي
فيروز: يا محاسن الصدفه
مهران : ضربت راجل ليه يا فيروز
فيروز: راجل قليل الحياء نازل ضرب في مراته في الشارع اسيبه يعني
مهران : لا طبعا كسريه ودخليه المستشفى وموتيه
فيروز : ما كنتش هموته اصلا بس انا ضربته عشان يعرف غلطه وعشان ما يمدش ايده على مراته ثاني
مهران: ليه هو انت الشرطه يعني اما احنا ايه وظيفتنا
فيروز كانت هتشد في الكلام مع مهران لكن فجاه دخل عدنان ومعاه خليل والمحامي
عدنان  : احنا اسفين جدا يا فندم
فيروز: اتاخرت ليه كنت هتسجن
خليل: اتهدي شويه
المحامي: احنا طلبنا ورق كفاله والمريض هيتعالج عندها مجاني في المستشفي
فيروز بردح: نعااااام يتعالج فين
المحامي: اهدي يا فيروز
مهران: في اي مش موافقه ولا اي تحبي تتسجني
فيروز بغيظ: موافقه
ودفعوا الكفاله ومضوا الراجل علي عدم تعرض لمراته واخدته فيروز علي المستشفي عالجته
خليل: انتي مجنونه بتخانقي مع ظابط كنتي عاوزه تتحبسي
فيروز: خلاص يا خليل ويلا نودي المصيبه ده المستشفي واشوف اخويا ونروح شغلنا
عدنان : كويس اننا لحقناكي قبل ما تعملي حاجه ولا تقولي حاجه قدام مهران
فيروز: انتم لواخرتوا دقيقه كنت هقوله ياللي سبت حق اختك وكنت همرمطه
خليل : الحمد لله وصلنا في الوقت المناسب
فيروز: الحمد لله
وبعدين راحت فيروز وصلت الراجل وعلجوه وشافت اخوها وبعدين طلعوا علي المقر
___
في المقر
مدحت : كنتم فين كل ده
خليل: اسال الست هانم
جاك؛ ماذا هناك يا فيروز
فيروز: مفيش كنت في القسم
جاك ومدحت بصدمه: القسم
فيروز: اي خوفتوا لي مش فيروز الجمال اللي تتسجن وبعدين رحت عشان ضربت واحد ضرب مراته
عدنان: طيب بطلي غرور بقي واتقعدي نشوف شغلنا يا اختي
فيروز: حاضر بس متذوقش كده يلا عرفوني بالجديد
جاك: هذه المره ستكون المهمه صعبه جدا
فيروز: يعني اي صعبه عاوزه افهم
عدنان: اتهدي وهنفهمك العمليه هتكون في الصعيد
فيروز بصدمه: الصعيد
جاك : نعم بالصعيد وسنقتل اثنين مره واحده
فيروز: هنشتغل بالجمله يعني بدل القطاعي
خليل: ما تهدي يا فيروز الزفت مش وقت زفت هزار عاوزين نخلص ورانا شغل كتير ومش فاضين
فيروز: في اي يا خليل متزعقليش
مدحت: اهدوا يا جماعه حصل خير حقكم عليا انا
فيروز بجديه: كملوا
عدنان : الاسماء عبدالرحمن محمد السباعي ورأفت سيد السباعي اولاد عم عبد الرحمن ٤٥ سنه ورافت ٥٠ سنه
جاك: عبدالرحمن لديه ارض كبيره مزروعه بالحشيش اما رافت فهو تاجر سلاح
عدنان: بيشتغلوا هما الإتنين مع بعض بس الاتنين بيكرهوا بعض بس عشان الشغل مع بعض عندهم معرض سيارات مسروقه وشركه مقاولات كل الاجتماعات السريه  بتحصل في بيت رافت ومحدش بيدخله نهائي غير الخدم واهل  بيته وهناك الخدم مطيعين جدا
جاك: يعملون مع تجار الاعضاء ولديهم مخازن كثيره للمخدرات والحشيش يوزعون في مصر كلها ومات بسببهم اكثر من ٥٠٠ شخص
عدنان: عندهم حراسه كتير اوي وسور البيت عالي جدا صعب اننا نتخطاه والرجاله محاصره من كل اللي اتجاهات وكمان ممنوع اي راجل يدخل البيت من الحراس
يعني جو نزرع واحد من رجالتنا ده مش هينفع ابدا وفي معلومات بتقول ان في شحنه سلاح هيستلموها بس محدش يعرف معادها هنعمل ايه دلوقتي
فيروز : انا هتزرغ وسطيهم
جاك : هذه مخاطره كبيره
عدنان: لا طبعا مش هسمح بكده وبعدين مبتعرفيش تتكلمي صعيدي
فيروز: وانت بتكلم وويايا تكلم عدل بدل ما اكسرلك خشمك
عدنان فتح فمه علي اخره
فيروز : سكر خشمك وجوم جهز للسفر مش وقت حتيد ماسخ ملوش عازه
خليل: يا بنت المجانين اتعلمتي صعيدي امتي
فيروز: اتحدد ويايي زين ولا هتشوف وش مش هيعجبك واصل
جاك : ما هذا كيف تتكلم هكذا
فيروز: كنت معايا اصحاب من الصعيد ولاني بتعلم بسرعه اخدت اللهجه منهم بسهوله
مدحت؛ والله عقلك يوزن بلد بس هتدخلي كيف
فيروز: هدخل واقولهم انا هنيه الشغاله وهحضر كل حاجه متقلقوش
جاك: بكره يكون عندي للي طلبته
جاك : علم وينفذ
فيروز :هنسافر كمان ثلاثه ايام نكون جهزنا نفسنا
الجميع : تمام
وخرجوا كل واحد لحياته
_____
عند مهران بيكلم نفسه: مش عارف ليه كل ما بشوفها قلبي بيدق بعنف كده
قلبه :بتحباه
عقله : لا طبعا تحب اي دي بنت همجيه
قلبه : بس شكلها يجنن
عقله : بس عصبيه وعنيده
قلبه : انت بتحبها متنكرش
عقله: لا طبعا.
مهران : باس كفايه جننتوني
خالد: بسم الله الرحمن الرحيم مالك يا مهران بتكلم نفسك لي انت اتجننت
مهران : لا مفيش حاجه تعالي
خالد : خد ملف القضيه ده حقق فيه ويلا اخلص وبدا مهران يشتغل
___
عدي الثلاثه ايام وجهزت فيروز الادوات اللي هتحتاجها واشترت لبس صعيدي
ونزلوا الصعيد كلهم

&&&&&&&يتبع
لحد هنا واستوب يا تري اي هيحصل لفيروز في الصعيد
ومهران هيعمل ايه في تفكيره في فيروز
وهل القضيه في الصعيد هتكون سهله
وهل هتقدر تتغلب على عبدالرحمن ورافت
#المجرمه والشرطي
بقلم #أيه جمال