القدر

واخيرا جمعنا القدر))!

((لما شخص يقولك "الله لا يسامحك لأنك اذيتني" وحسبي الله ونعم الوكيل. فتأكد إنك حتى لو كنت تصلي ليل ونهار وكان بينك وبين الجنة خطوة ماراح تدخلها، بيقولك رب العالمين "لن تدخل الجنة حتى يسامحك من ظلمته أو تسببت بآذيته"
تذكروا أن الله يغفر لكم ذنوبكم مهما عظمت، ولا يغفر لكم ظلمكم لأحد))
....................................

رن هاتفها لتجيب/الو منة ازيك عامله ايه
منة/الحمدلله يا كوكي اخبارك ايه
كيان/الحمدلله
منة/انا نازلة النهاردة انا وخديجة فقولت اكلمك تنزلي معانا ونتغدي كلنا برة ايه رايك
كيان/تمام ماشي انا فاضية اصلا
منة/خلاص ماشي نتقابل في مول.............
كيان/تمام
"بعد قليل"
اجتمعوا معا للبدء في البحث عن أشياء عديدة تخص منة وكلا من خديجة و كيان أيضا اشتروا العديد من الأشياء ليتعبوا من كثرة المشي ويقرروا الجلوس لتناول الطعام وأكمال عملهم
كيان/انا بجد تعبت
منة/ما بالك بيا انا بقا بقالي اسبوعين بعمل حاجات مشابهة لدا
كيان/بجد ربنا معاكي الموضوع صعب اوي
خديجة/انتو لسه شوفتو حاجة
منة/حرام عليكي يا ديجا مش كدا خليني اتفائل
خديجة/اخبي عنك يعني
منة بتذمر/لا
كيان وهي تضحك عليهما/أن شاء الله يكون كل الي بيحصل ده خير
منة/يارب
وجاء النادل بالطعام ليبدوا في تناول طعامهم ليجلسوا في جو ملئ بالمرح والهدوء
....................................................
"تمام يا فندم"قالها العسكري الخاص بعدما دلف الي المكتب
عدي/خير يا مسعد
مسعد/في واحد وواحدة اتخانقوا وعايزين يعملوا محضر يا باشا
عدي/ هو احنا في حضانة علشان كل ما اتنين يتخانقوا يجو علي هنا ،طب انا راضي ذمتك يا مسعد ينفع كدا
نطقها عدي باستنكار لينفي مسعد براسة،/دخلهم يا مسعد منشوف ايه الحكاية
اوما مسعد وضرب رجليه بالأرض تحية لعدي
أما بالخارج كان الصوت عاليا هي تصرخ به وهو أيضا غير متفهم بالمرة
ضرب عدي كفا باخر وهو يري ما يحدث بالخارج منتظرا دخول هذا الرجل الهمجي وتلك الفتاه التي تصرخ-حتي دلف رجلا بملامح ممتعضة وفتاة تبدو غاضبة بشدة-وعندما راي عدي هذة الفتاه شعر أنه يعرفها وان هذه الهيئة مألوفة له وشرد في هذه الملامح الهادئة هذه العيون السوداء والرموش الكثيفة شعر أنه اطال النظر بها فنفض رأسه وتذكر أن يغض بصره ولكنه يحاول تذكر هذة الملامح واين رآها يشعر بشدة أنه يعرف كل تفاصيلها، نظر الي هذا الرجل بذهن شارد
عدي وهو يحاول أن يجعل نبرة صوته عادية/انا هتجنب الدوشة الي عملتها في المكتب دي حابب بقي اعرف ايه اصرارك علي عمل محضر
الرجل/الآنسة دي بتتدخل في حاجة متخصاش وضربتني بالقلم في نص الشارع
نظر عدي الي الفتاه/ممكن اسمع منك ايه الي حصل يا......
تعمد أن يسألها عن اسمها ليعرف اين رآها
فاقت سارة من شرودها بملامحه تشعر أيضا أنها تعرفه وبشدة تشعر أن هذا هو صديق طفولتها وعند هذه اللحظة خفق قلبها بشدة
سارة/سارة ابراهيم المحمدي
نظر لها عدي بصدمة والان تأكد من اين له أن يعرفها ثم وبسرعة نظر الي مرفقها ليري هذا السوار الذي أعطاه لها كان يريد في هذه اللحظه احتضان صديقة طفولته ثم ازدرد ريقة
عدي/اتفضلي يا آنسة سارة
سارة/حضرتك وانا راجعة من الشغل لقيت الراجل المحترم دا ماسك طفل عمره حوالي ١٠ سنين وبيضربه جامد وكل الناس واقفة بتتفرج ولما سالت حد قالولي أنه الولد عمل حاجه غلط في العربية الي بيصلحها فأنا أدخلت وحولت ادافع عن الولد راح الراجل قعد يزعق فيا جامد وكنت لسه هاخد الولد وامشي لقيته بيمسك ايدي وكرد فعل طبيعي ضربته بالقلم وراح أصر أنه يجي هنا فجيت
نظر عدي الي الرجل بشر/حصل دا بجد
الرجل/ايوة الواد وغلط وبفهمه غلطه هي مالها بقا
عدي/كان ممكن تتكلم معاه وبعدين ازاي طفل بيشتغل في السن دا
الرجل/ياباشا الواد لما يضرب هيحرم يعمل كدا تاني ثم إن الواد أبوه ميت فهو بيشتغل علشان يصرف علي أمه واخته
سارة/للاسف في من الولد دا كتير اوي
نظر عدي إليها بحزن/للاسف يا آنسة سارة ثم نظر الي الرجل بشر، انا هاخد معاك اجراء لضرب ولد صغير واستغلاله في الشغل، ونظر مره اخري لسارة، أما حضرتك هتستني شوية علشان ناخد اقوالك لانك شاهدة
ثم ظلت سارة للانتهاء من هذه الأشياء وتم تحويل هذا الرجل إلي النيابة العامة للتحقيق معه وهذا الرجل يوجد منه الكثير بيننا
سارة واخيرا لحظت هذه اللافته الموضوعة علي مكتبه فخفق قلبها بشدة والان تأكدت أنه هو يالهذا القدر أنه غريب وبشدة لولا أنها تشاجرت مع هذا الرجل البغيض لكانت لن تري صديق طفولتها اه لقد اشتقت الي هذه الأيام أهل مازال يتذكرني ام نسي ايامنا معا
بينما هو كان يريد أن ينهض ويقول لها امازلتي تتذكرين يوجين خاصتك يا روبانزل لقد كان يتذكرها أمس والان هي أمامه يالعجب هذا القدر لقد طال لقائهما بشدة
سارة/بعد اذنك احنا كدا خلصنا ممكن امشي
فاق من شرودة علي كلماتها/ايوة طبعا تقدري تمشي يا آنسة سارة
سارة/تمام
وكادت أن تفتح الباب وجدته يقول/حلو السوار الي في ايديك دا
سارة/ايوة هو من شخص عزيز علي قلبي اوي
عدي/وانتي لسه فاكرة الشخص دا
سارة/عمري ما انسي يوجين
عدي/بقالي كتير اوي مستني لقانا
سارة/و اهو جه اليوم اخيرا،اخبارك ايه يا عدي
عدي/انا في زحام من النعم الحمدلله،انتي اخبارك ايه
سارة وقد جلست مرة أخري اشتياقا لهذة الجلسات/انا الحمدلله،احنا رجعنا تاني البيت بعد ما اتصلح بس كنت مشيت فقولت لبابا اني مش عايزة اقعد هنا،طنط ايمان عاملة ايه واونكل علي
عدي/هما كويسين الحمدلله،بعد ما مشيتوا بابا شغله اتنقل فنقلنا احنا كمان وانا مكنتش حابب اقعد هناك تاني وصديقتي مش موجودة،طنط رانيا وعمو ابراهيم عاملين ايه والواد اسر
سارة/هما كويسين الحمدلله اسر اتجوز من كام شهر
عدي/جميلة عامله ايه
سارة/هي الحمدلله زي الفل اتجوزت وجابت ادهم وآسيا
عدي/دول توام
سارة/لا
عدي/دخلتي كلية ايه صحيح
سارة/اعلام زي ماكنت بتمني
عدي/دا بجد طول عمري اقول عليكي شاطرة يا روبانزل
سارة/انبسطت اوي اني شوفتك النهاردة،بس لازم امشي
عدي/انا انبسطت اكتر،استني اوصلك
سارة/لا مش هينفع بعد اذنك
عدي/لا عادي انا خلصت شغل اصلا
سارة/مينفعش اركب انا وانت مع بعض
عدي/تمام
وذهبت سارة وهي تطير من الفرحة أنه تذكرها رغم مرور كل تلك السنوات
بينما هو كانت أجنحته لا تسع الغرفة من فرحته بأنه واخيرا التقي بها ولكن رنين هاتفه هو ما اوقفة عن تكمله ما كان به
..................................
عبدالله/الو ازيك يا معاذ
معاذ/الحمدلله يا عبدالله انت عامل اية
عبدالله/الحمدلله بقولك انا عايز انزل اشتري شوية حاجات وكدا فتعال معايا وهكلم عدي كمان
معاذ/خلاص ماشي انا اساسا خلصت
عبدالله/ماشي تعال بقا علي مول.........
معاذ/خلاص اشطا
معاذ وهو ينظر الي سامي وجواد وهما يخرجون من تلك البناية/خلاص يا شباب قربنا ننتهي من أول خطوة المكان بقي حلو اوي
سامي/اخيرا الموضوع ممتع اوي
جواد/مش مصدق أن احنا دلوقتي بنحقق حلم عمرنا
سامي/لا صدق يا كبير الاحلام وجدت لتحقق ولا ايه يا معاذ
معاذ/طبعا يا سامي أن شاء الله تكون خطوة خير علينا
جواد/يارب ماتيجو نقعد في حته
معاذ/مش هينفع عبدالله عايزني اروح معاه يشتري شوية حاجات خلاص فرحهم قرب
سامي/ربنا معاكم ويتمم علي خير
جواد ومعاذ/يارب
انطلق بعدها معاذ لمقابلة عبدالله و عدي
وعلي الجهة الأخري اتصل عبدالله بعدي ليرد عدي واخيرا
عبدالله/في ايه ياعم بقالي فترة برن عليك
عدي/علي فكرة الناس بتقول السلام عليكم الاول
عبدالله/السلام عليكم كنت بتعمل ايه بقا
عدي/مكنتش سامع الفون
عبدالله/ماشي يلا تعالي علي مول......... علشان عايز اشتري حاجات ومعاذ كمان جاي
عدي/خلاص ماشي جاي اهو
ثم هب ليلملم أشياءه ويدندن
عبدالله/مالك كدا رايق وصوتك مبسوط
عدي/هو بقا حرام أما حد يبقي مبسوط
عبدالله وهو يجلس خلف مقود السيارة/لا ياعم مش القصد
عدي وهو يخرج من القسم/لما اشوفك ابقي احكيلك لانه موضوع طويل وعجيب يلا سلام
عبدالله/سلام
............................
دلفت سارة الي منزلها وابتسامتها تملئ وجهها لتجد والدتها تجلس في البهو
"سارة"
وقفت سارة عن الحركة وهي تنظر إلي والدتها/نعم
رانيا/تعالي اقعدي
سارة وهي تجلس/نعم
رانيا/مالك كدا في ايه
سارة/مش هتصدقي يا ماما الي حصل
رانيا/في ايه يا حبيبتي
سارة/قابلت عدي
رانيا/عدي مين
سارة/عدي ابن اونكل علي يا ماما
رانيا/ايوة افتكرته شوفتي ايمان
سارة/لا ما انا قابلته في القسم
رانيا بصدمة/قسم،قسم ليه
ثم قصت سارة كل شئ لوالدتها/وبس بقا،هقوم اخد دش واغير هدومي واجي اساعدك
رانيا/ماشي يا حبيبتي
............................

((و يظل الرجل يخْرج للدنيا بدرْعه و سيفه و لا يهْتز لمصَائب الدنيا و ضرباتها ، حتى يُظَن أنه صخر لا قلب له..

حتى يلقاها - هي دون سَواها - فيلقى أسلحته و يخلع درعه فترى جراحه..

هي فقط .. من يأتمنها على جراحه.))!

- وجدان العلي
..............
الي اللقاء
دمتم سالمين ♥️♥️