القدر

خطوبة و خطة))!

في وَاذْكُر رَّبَّكَ كَثِيرًا وَسَبِّحْ بِالْعَشِيِّ وَالْإِبْكَارِ﴾

- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ
- الصلاة والسلام على رسول الله صلى الله عليه وسلم 💚💚💚💚💚💚💚💚💚💚💚💚🕊️
.......................................

في اليوم التالي

كان معاذ و جواد و سامي و باقي العاملين معهم يقفون علي قدم و ساق يعملون كخلية نحل لتجهيز كل شيء يلزم افتتاح مشروع عمرهم اليوم ومن ثم يذهبوا لتبديل ملابسم و استقبال جميع من سيشاركهم هذا اليوم المميز بالنسبة لهم
في الرابعة عصرا من هذا اليوم
بدأ الجميع في الاجتماع في شركة 3sides of triangle
جاءت كيان و والديها و والدي معاذ و منة و عبدالله و والديه و عدي و سارة و والديها و زوجة جواد و زوجة سامي بالتأكيد كان احتفال عائلي بشكل عام و بعد قليل من اجتماعهم بدوا في التعارف بشكل أكبر كانت منة تعرف كيان علي سجدة زوجة جواد و حلا زوجة سامي
حلا/بس انتي طلعتي قمر اوي يا كيان
سجدة/بجد انبسطت أني اتعرفت عليكي و انتي لايقة علي معاذ اوي
حلا/ايوة عندك حق يا سجدة
منة/انتوا عاملين تتكلموا و تردوا علي بعض براحة علي الشابة شوية مش علشان يعني هي لسة جديدة تيجوا عليها، ثم نظرت إلي كيان، والله يا كيان هما جمال اوي و هاديين جدا بس انا مش عارفة مالهم
سجدة/احنا بس مش مصدقين ان معاذ اخيرا لقي الي كان بيتمناها
حلا/والله يا كيان احنا مش كدا خالص احنا بس كنا متحمسين اوي علشان كنا عايزين نتعرف عليكي
كيان بابتسامة هادئة/لا والله عادي انا حبيتكم اوي والله،ثم رأت سارة تقترب منهم فأشارت لها لتاتي اقتربت سارة و وقفت بجانب كيان،دي بقي سارة بنت خالتي و دول يا سارة منة انتي اكيد عارفاها ودي حلا مرات سامي و دي سجدة مرات جواد صحاب معاذ
ابتسمت سارة لهن و رحبت بهم/قمامير اوي ماشاء الله انبسطت بمعرفتكم اوي
سجدة و حلا/احنا اسعد يا قمر
ثم نظرت لبعضهما البعض و ضحكا بشدة لتضحك عليهما باقي الفتيات
كيان بتساول/هو انتوا قرايب
سجدة/لا
حلا/اول مرة اسمع السوال دا
كيان/مش عارفة بس حسيتكم شبة بعض اوي
حلا/اصل احنا بقالنا تقريبا سنة في وش بعض
سجدة/علشان احنا ساكنين في نفس العمارة فعلشان كدا بنقعد علي طول مع بعض من ساعة ما اتجوزنا لأننا اتجوزنا ورا بعض علي طول فخرطنا علي بعض وكدا يعني
كيان بتفهم/ايوة كدا فهمت ربنا يقومكم بالسلامة
امن الجميع علي دعائها
كيان/بس عايزة اسال سوال تاني معلش عارفة اني رخمة
حلا/اسالي يا روحي اكيد
كيان/هو انتوا لية استغربتوا أن معاذ هيخطب
حلا بضحكة كبيرة/ اصل معاذ كان عايز واحدة من المريخ يعيني طنط ايمان تعبت اوي علشان تجيبله عروسة وهو مش عايز غير الي في دماغه بمواصفات غربية بس هو اكيد لاقاها فيكي
كيان بفضول قاتل/واية هي المواصفات دي
حلا وهي ترفع كتفها/ الله و اعلم محدش يعرفها حتي الآن
منة/بس الاكيد أنه هيقولك انتي
علي الجانب الآخر كان يقف الشباب معا يتحدثون في مواضيع عديدة و حول أشياء مختلفة
عدي/الا صحيح يا معاذ يا حبيبي انا سمعت حاجة كدا من خالتي
معاذ/ و اية هي
عدي/أن خطوبتك يوم الجمعة الا و هو يوم خطوبتي
معاذ/اية دا بجد هو كمان يوم خطوبتك
عدي/شوفت بقا
معاذ/و اية المشكلة بقا
عدي/ياعم اليوم المفروض يكون يومي انت جاي تشاركني فيه ليه بقا هو تقطيع ارزاق و خلاص
معاذ/انت يعني عايز تقول انك مش موافق اني اعمل خطوبتي مع خطوبتك
عدي/اه مش موافق
معاذ/بس انا موافق
عدي/يا عم مترخمش بقا
معاذ/انت من صغرك وانت عايز يبقي يوم خطوبتنا أو كتب كتابنا مع بعض ولا انت رجعت في كلامك
عدي بحنين الي هذه الأيام/لا مرجعتش في كلامي انا كنت بهزر معاك والله انت ماعرفتش انا فرحت ازاي لما خالتي قالتلي
معاذ وهو يحتضنه/مبارك يا حبيبي
عدي وهو يبادله الحضن/مبارك يا اخويا
....................................
كانت كيان تقف بعيدا قليلا تنظر إلي هاتفها بتركيز تحاول التحدث مع اللواء رافت حيث حاول هو الاتصال بها ولم تستطع الإجابة لأنها لم تستمع إليه
"واقفة لوحدك كدا لية مش عاجبك المكان والا اية"
نظرت كيان الي خلفها باستغراب لوجودة هنا و تركة لأصدقائه/لا بالعكس المكان حلو اوي مبارك
معاذ بابتسامة/الله يبارك فيكي، اية واقفة هنا لية
كيان/كنت بعمل فون وبس
معاذ/تمام
كيان/هو ليه اسم 3sides of triangle بالذات
ابتسم لها معاذ و شاور لها بالجلوس للتحدث/طب اقعدي بقا علشان هي حكاية طويلة شوية جلست كيان بحماس/يلا
معاذ/انا و سامي و جواد جيران من صغرنا اتربينا مع بعض وكنا في نفس المدرسة سامي دخل المدرسة معانا رغم أنه أصغر مني انا و جواد بسنة كنا بنحلم ندخل كلية هندسة معماري و دخلناها بالفعل كان أول حلم لينا مع بعض و أثناء دراستنا قررنا أننا نفتح شركة مع بعض كان تاني حلم نحلمه مع بعض بس قبل دا كله كان لازم ناخد خبرة فاشتغلنا في شركة و احنا بندرس علشان ناخد خبرة ولما اتخرجنا اتعينا في الشركة علشان نكون نفسنا لأننا كنا عايزين ناسسها من تعبنا و مجهودنا الخاص ودا الي حصل وحققنا تاني حلم لينا مع بعض اما بقا بالنسبة للاسم فهو علشان احنا التلاتة مش هينفع نعيش من غير بعض وبما انك مهندسة فهل ينفع يتكون اي شكل هندسي من اقل من تلت اضلاع
كيان/اكيد لا
معاذ/احنا تلاتة و المثلث بيتكون من تلت اضلاع مينفعش يكون في واحد من غير الاتنين التانيين بس كدا ودي كانت حكاية 3sides of triangle
كيان بتأثر/ربنا يديمكم لبعض
معاذ/يارب
كيان/تمام انا هقوم بقا
معاذ/استني،متنسيش أننا هنروح نشتري الدبل بكرة اتفقنا
كيان/اتفقنا
بعيدا عنهم قليلا كان عدي يجلس وحده لا يجد شئ يفعلة فوجد سارة تمسك هاتفها فذهب تجاها
عدي/مساء الخير
رفعت سارة نظرها عن الهاتف لعدي/مساء النور
عدي/قاعدة لوحدك كدا ليه
سارة/عادي فيه دور كاندي كراش رخم اوي مش عارفة اخلصة
مد عدي يده لها/وريني كدا
سارة باستخفاف/وانت هتعرف تحققه يعني
عدي/هاتي بس و هتشوفي
مدت سارة يدها لعدي ليلتقط منها الهاتف و لم يستطع تحقيق المطلوب فخسر لتطلق سارة ضحكات عليه ونظر هو لها بحنق شديد
عدي/استني بس و هتشوفي دلوقتي
بعد قليل و بعد محاولة أخري لعدي استطاع الفوز في هذه اللعبة لينظر لها بتعالي
عدي/شوفتي عرفت ولا لا
سارة وهي تجذب منه الهاتف/ماشي يا عم عرفت انك شاطر اوي
عدي وهو يعدل ياقة قميصة/دي اقل حاجة عندي علي فكرة
ضحكت سارة عليه/خلاص يا عم عرفنا
عدي/سارة انتي كنتي علمي ولا ادبي
سارة باستغراب لسواله/ادبي بتسال ليه
عدي بخيبة أمل/كنتي شاطرة في الكيمياء طيب
سارة/يعني يجي مني كنت باخدها لفترة بس انا كنت بحب المواد الادبي اكتر
عدي بحماس/كويس،عارفة انك زي النحاس و التيلوريوم
نظرت له سارة بعدم فهم/مش فاهمة
عدي/و بتقولي يجي مني
سارة بإلحاح/قول بقي قصدك اية
ابتسم عدي لها بحنان/الرمز الذري للنحاس هو Cu و التيلوريوم هو Te فأنا قصدي انك كيوت (Cute) بس كدا
سارة بابتسامة خجولة/شكرا
عدي بتغير الموضوع تجنبا لخجلها/هننزل نجيب الدبل بكرة يا روبانزل جهزي نفسك بقا
سارة بابتسامة واسعة الي هذا اللقب المقرب لقبلها/ماشي
وقف عدي للذهاب الي والده الذي أشار إليه/هروح اشوف بابا سلام
سارة/سلام
وهكذا انتهي اليوم بفرحة علي الجميع متمنين التوفيق للثلاث الشباب في هذة الخطوة وفرحة للتعرف علي أشخاص جداد
................................
في اليوم التالي الساعة الخامسة مساء
صف معاذ سيارته أسفل بناية كيان و في نفس التوقيت كان عدي يصف سيارته هو الآخر أسفل بناية سارة ف البنايتان يقعان بجانب بعض يفصلهما عن بعض ثلاث بنيات تحديدا يقفان ينتظران كلا من سارة و كيان واخيرا ظهرت كيان و سارة لمعاذ و عدي لتركب كلا منهما مع الآخر و يتوجهوا الي محل مجوهرات لانتقاء دبل الخطوبة
بعد قليل من الوقت كانوا قد وصلوا أمام المحل المنشود وينزبوا ويتوجه كلا الي مراده و توجه عمِلان الي كلا من معاذ و عدي لرؤية ما يريدون
كيان/ عجبتني دي اوي خدها
دقق معاذ بها/حلوة اوي بجد
كيان/لا استني شوف دي احلي
معاذ/لا شوفي دي احلي
كيان/عندك حق
معاذ/استني بقا اخترلك انا
كيان/اشطا
معاذ/شوفي الاتنين دول اكتر الاتنين عجبوني
كيان/واو يجننوا
معاذ/دا بجد
العامل/شكل ذوقكم عالي اوي في كولكشن لسه نازل من ساعتين تحبوا اجيبه لحضراتكم
معاذ/اكيد طبعا ممكن نشوف
ذهب العامل لياتي بالعلبة الخاصة بهذا النوع من المجوهرات بينما علي الجانب الآخر
عدي/طب انا اعمل ايه دلوقتي تحبي نروح مكان تاني
سارة/لا تعالي نشوف دول، بص دا طيب
عدي/لا دا كبير اوي و عملاق
سارة/ شوف انت الي مش عجبك حاجة اهو
دقق عدي علي هذا الخاتم/شوفي دا رقيق اوي
سارة/اممم مش بطال
كان العامل لينظر الي عدي تارة و سارة تارة اخري يستغربهم ليقول/حضرتك لو مش عاجبك حاجة من دول ممكن اجيب لكم كولكشن لسه نازل
نظر له عدي بلهفة/و ساكت ليه طيب
ذهب العامل هو الآخر لياتي بما يريدان
كيان عندما رأت هذه العلبة بما تحتويه/واو دول تحفة اوي هنختار ازاي دلوقتي
ضحك معاذ علي ردة فعلها/اممممم بصي دول احلي اتنين
كيان وهي توافقه الرأي/ايوة صح دول احلي اتنين بجد
نظر معاذ الي العامل الواقف/خلاص احنا هناخد دول
العامل بمجاملة/انتوا اخترتوا اجمل اتنين، هتكتبوا عليهم اية
نظر معاذ الي كيان لتقول كيان/ممكن ورقتين نكتب فيهم الي عيزينه
معاذ باستغراب/طيب قوليهم ليه و خلاص
كيان/لا خلي كل واحد فينا يكتب حاجة و نشوفها يوم كتب الكتاب احسن
وافق معاذ علي هذه الرغبة التي نالت إعجابه/تمام
و ذهب العامل لتنفيذ ما إرادته كيان
اني العامل بورقتين و قلمين ليختار معاذ كتابة (Kayany) بينما اختارت كيان كتابة
(my beautiful destiny)
وذهب العامل لتجهيز الدبل
بينما عند عدي و سارة
عدي وهو ينظر الي هولاء الدبل/بصي دول كدا
نظرت لهم سارة/ايوة دول تحفة اوي
عدي/اخيرا
سارة/عندك حق اخيرا
ثم ضحكوا هما الاثنين
العامل براحة/الحمدالله اختياركم جميل هتكتبوا عليهم اية بقي علشان نخلصهم
سارة/انا هكتب Eugene
عدي/انا هكتب Rapunzel
نظر لهما العامل باستغراب و ذهب لتنفيذ رغبتهم واتجه عدي و سارة الي مكان كيان و معاذ
كيان وهي تنظر لهما/خلصتوا
سارة/اه خلصنا و انتوا
كيان/ايوة خلصنا
معاذ/انا هروح اعمل حاجة بسرعة و جاي
عدي/خدني معاك
بعد قليل اتجهوا الي السيارات بعدما استلموا الدبل الخاصة بهم ليصل كلا من معاذ و عدي سارة و كيان الي منازلهم
وانتهي اليوم على هذا و ليتجهزوا الي يوم غد
..............................
في اليوم التالي
بعد مشجارة بين كيان و سارة عن مكان اقامة حفلة الخطوبه ليقرروا اخيرا اقامتها في حديقة عمارة سارة
اتي العاملين من شركة خديجة لتنفيذ تصميم كيان التي اشرفت علي تنفيذه لمثل هذه المناسبة
مساءا وقد كانت الحديقة مزينة بشكل رائع بينما في الاعلي كانت الفتيات ينتهين من تجهيز انفسهم و بعد قليل جاء جميع المدعوين لحضور حفلة الخطوبة نزلت بعد ذلك الفتيات و بدات الحفلة
عدي/لا بس انتي زي القمر
سارة/دا انت الي قمر اوي
عدي/كتر خيرك بس هو المفروض يغني تتكسفي و كدا
سارة/اتكسف ايه يا عم بس
عدي/عم يوم خطوبتنا بتقوليلي عم
سارة/واية المشكلة يعني
عدي/ولا اي حاجة خلاص يا سارة
نظرت له سارة باستغراب ولم تفهم مقصده
بينما عند معاذ و كيان
معاذ/احنا هتفضل ساكتين كدا كتير هو انتي في الطبيعة ساكتة كدا
ابتسمت كيان بهدوء/هو انا في الحقيقة هادية جدا و كمان انا مش عارفة اتكلم معاك علي اية يعني و كدا
معاذ/طيب خلينا نتكلم في موضوع عارف أنه لسة بدري اوي كمان بس بما اننا مش لايقين حاجة نتكلم فيها
كيان وهي تولي له كامل اهتمامها/يلا قول
معاذ/عايزة تعملي فرحك فين
كيان/قبل ما اجاوب هو انت عايز تعمل فرح
معاذ/بصراحة أنا مش عايز بس لو انتي حابة تمام
ابتسمت كيان/انا مش عايزة اعمل فرح اصلا بحس أنه ملوش اي لأزمة و كدا يعني
معاذ/شابوه علي تفكيرك دا، طيب تحبي نعمل شهر عسل فين
ابتسمت كيان بحالمية/نفسي اروح اعمل عمرة معاك
معاذ/هو انا كنت ناوي اعمل كدا بجانب شهر العسل للأمانة
كيان/وانا عايزة حياتنا تبدا في المكان دا بالذات
وافقها معاذ الرأي/وانا موافق
ابتسمت له كيان بحب/عارف كنت متوقعة انك عايز تعمل فرح كبير و انك مش هتوافق نسافر نعمل عمرة في الاول بس انت خالفت كل توقعاتي
ضحك معاذ/انتي لسة متعرفينيش يا كيان اوعدك اني هبهرك، عايزة بيتنا يكون ازاي عندك يعني حاجة معينة
كيان وهي تنظر لمعاذ بحب/انا عايزة بيتنا يكون صغير و نملاه حب ويكون متحاوط بالورد و يكون منعزل عن الناس ميعرفش طريقة غير الي بنحبهم
معاذ وقد اتخلطت مشاعره/ وانا عايزه يكون مليان حب ودافئ و تكوني انتي ملكة البيت دا
كيان/أن شاء الله يكون بيتنا زي ما بنتمني
معاذ/طول ما احنا مع بعض اوعدك أنه يحصل
كيان/أن شاء الله ،اه صح كنت عايزة اعرف يعني امبارح وانا مع سجدة و حلا قالوا انك كنت عايز واحدة بمواصفات من المريخ عايزة اعرف المواصفات دي
نظر لها معاذ/كنت عايزها تكون عارفة عن دينها بحيث انها تساعدني في علاقتي مع ربنا وانا كمان اكيد هساعدها و دا لقيته فيكي من اول طلب طلبتيه مني ومن طلبك دا دلوقتي الي حرفيا بهرني بيكي هو أننا نبدا حياتنا بعمرة مكنتش عايز شكل معين من الأشكال الخارجية دي و كدا وكمان انها تكون مثقفة و متفهمة بس
كادت كيان تجيب ولكنها وجدتهم يشغلون الأغنية الشهيرة في مثل تلك المناسبات و منة قادمة بلعلبة الخاصة ب الدبل وقام كلا منهم بتلبيس الدبل و حدث مثل ذلك عند عدي و سارة أيضا و أطلقت النساء الزغاريد
عدي وهو ياخد علبة طويلة بعض الشئ من جيب بذلته/سارة بصي كدا
سارة/اية
عدي/افتحي العلبة دي كدا يعني هي حاجة بسيطة هدية خطوبة و كدا يعني
فتحت سارة العلبة و نظرت لها بجانبها شديد و ترقرت الدموع في عيناها/عدي.....متهزرش دي تحفة اوي
حيث كان يوجد داخل العلبة سلسلة علي شكل شمس ربانزل
عدي/عجبتك
سارة/دي تحفة بجد شكرا جدا
عدي/العفو يا ربانزل
...................................
عند معاذ و كيان
معاذ/تعالي معيا هناك كدا شوية
كيان باستغراب وهي تمشي معاه أوقفها معاذ بعيدا عن الضوضاء المحيطة بهم قليلا ولكن يمكن للناس رؤيتهم نزل معاذ علي ركبتيه و امسك بعلبة قطيفة صغيرة/تقبلي تكوني كياني و شريكة عمري و احلامي يا كيان تقبلي تعيشي معايا العمر الجاي كله
نظرت له كيان بفرحة و دموع في عيناها و هزت راسها بايجاب/موافقة
ثم مدت له يدها ليقف والبسها هذا الخاتم
معاذ/عارف انها حاجة بسيطة هي بس هدية الخطوبة و أن شاء الله اجبلك منه
كيان/دا تحفة يا معاذ شكرا بجد
ابتسم معاذ الفرحة الظاهرة لعيناها
كيان/انت روحت جبته لما قومت انت عدي مش كدا
اؤما لها عدي براسة وتوجهوا الي مكانهم
................................
في صباح يوم جديد
توجهت كيان الي قسم الشرطة وذهبت تجاه مكتب العميد رافت حيث اتصل بها لمقبالتها في اقرب وقت وذهبت هي له اليوم دلفت فوجدت العميد رافت يجلس وامامه يجلس عدي فشعرت داخلها ان النهاية اقتربت بشدة حان وقت الانتهاء من الماضي
رافت/اقعدي يا كيان انتي واقفة ليه
جلست كيان/في حاجة جديدة حصلت
عدي بتصحيح/حاجات مش حاجة
نظرت له كيان باهتمام
عدي/العملية هتتنفذ يوم الثلاثاء الجاي دا في مخزن بتاع سعد الالفي هو شبه مهجور في المنيا مكان صحراوي للاسف مفيش اي مكان احنا نقدر نستخبي فيه علشان نراقبة بس هو في بيت علي بعد حوالي ميتين متر
كيان/اكيد هيكونوا مراقبينه
عدي/دا اكيد، انا والفريق بتاعي دلوقتي بنحاول نلاقي حل
نظر لرافت لكيان لتنظر له هي الاخري بقلة حيلة/انت عارف ان نفسي اغامر بس بابا و ماما. فمش هقدر اعمل حاجة انا كنت عايزة انتقم منه وجبت كل الادلة الي توديه في ستين داهية ناقص بس ان احنا نمسكة متلبس
نظرت كيان لعدي و هناك فكرة تلوح امامها/انت روحت المخزن دا
عدي/ايوة عرفت ادخله
كيان/العملية هتكون تحت الارض ولا في المخزن عادي
نظر لها عدي باستغراب/مش عارف بس ليه
كيان/ انت ممكن تعمل انك صاحب البيت القريب دا فهي لو تحت الارض فاحنا ممكن نحفر تحت الارض من البيت بحيث يكون البيت و المخزن مفتوحين علي بعض وهما اكيد لو تحت الارض فعملين سور يحاوط المخزن بتاعهم فسهل يتكسر اول ما يتجمعوا انتوا تقتحموا وتكسروا السور دا و تمسكوهم
عدي/دا لو هو تحت الارض اما بقا لو في المخزن من فوق ايه هيكون العمل
كيان بتنهيدة/الاحتمال الاكبر هيكون تحت
عدي/واية الي مخليكي متاكدة كدا
كيان/انا قعدت حوالي سنة كاملة مش بعمل حاجة غير اني براقب سعد معظم العمليات المهمة بتاعته كان بيعملها تحت بيكون مجهز اوضة شبة اوضة العمليات بالظبط
عدي/انا هعتمد احتمالك وبرضو هفكر في احتمال لو كان فوق، ثم وقف وادي تحيته العسكرية وذهب
رافت/طول عمرك بتبهريني بذكائك يا كيان مش عارف بجد بعد ما تسبينا هنعمل اية
كيان/هيجي غيري يا فندم اكيد انا كدا اظن اني خلصت مهمتي بنجاح مش هرتاح غير لما اسمع من حضرتك ان سعد الالفي اتقبض عليه
رافت/قريبا يا كيان
ثم خرجت كيان من قسم الشرطة وتوجهت الي الشركة
......................................
مرت الايام بهدوء علي جميع ابطالنا منهم من يحضر لحفل زفافة(عبدالله و منة حيث تم تحديد يوم زفافهم يوم السبت) و ايضا من يجهز للانتهاء من عمله وبعض التقرب الذي حدث بين الخطاب الجُدد
دخل معاذ الي الكافية المتفق عليه هو و كيان للمقابلة وجدها تجلس و تولي له ظهرها فذهب تجاها و جلس امامها
معاذ /السلام عليكم
كيان/وعليكم سلام
معاذ/متطلبتيش حاحة تشربيها لية
كيان/انا اصلا لسة جاية فقولت استناك
معاذ/طيب تشربي اية
كيان/ممكن اي عصير فريش
معاذ/عندهم عصير الفراولة هنا تحفة
كيان/ماشي هشرب فراولة
اشار معاذ الي احد العاملين في المكان لياتي
معاذ/لو سمحت عايزين عصير فراولة و قهوة مظبوط
هز العامل راسة و ذهب
كيان وهي تبتلع ريقها و قررت اخيرا اخبره حتي لا تخفي عليه شيئا من بداية العلاقة/معاذ
اولي معاذ لها كامل انتباهة/ايوة
كيان/ انا كنت قولتلك اني كنت مخطوبة قبل كدا، وسكتت قليلا
معاذ/ ايوة وانه اتوفي قبل فرحكم
كيان/دي حقيقة قبل الفرح هو تعب جدا، وسكتت مرة اخري لان النادل كان يضع العصير و القهوة و بعدما ذهب اكملت
كيان/و لما تعب دخل المستشفي اكتشفوا انه محتاج ينقل كلية و عايزين متبرع و لما لاقينا المتبرع عملوا العملية لكنه اتوفي في العمليات كلنا استغربنا اوي انه ازاي دا يحصل دي كانت مجرد عملية نقل كلي انا بصراحة تعبت اوي لمدة شهرين و مكنتش بعمل اي حاجة بس لما فوقت بقا و عديت الصدمة فضلت ادور ورا صاحب المستشفي الي اتعملت فيها العملية و دا كان سهل لاني بشتغل في الشرطة واسطة و حاجات زي كدا و بعد شوية ابحاث استمرت لشهور اكتشفت ان صاحب المستشفي دي بيشتغل في تجارة الاعضاء بس للاسف مكنوش عارفين يقبضوا عليه و مشغل معاه دكاترة معندهومش ضمير خالص حاولوا ياخدوا من فادي حاجة فمات والنهاردة المفروض هيتم القبض علي سعد الالفي متلبس
معاذ/سعد الالفي دا صاحب المستشفي الي بتشتغل فيها منة
كيان/ايوة هو دا
معاذ بتشتت كبير/ازاي بتشتغلي في الشرطة و انتي اصلا مهندسة
كيان/انا كان نفسي ادخل شرطة زي بابا بس ماما موافقتش فانا كنت بحب الرياضة اوي فدخلت هندسة و في واحد صاحب بابا اوي كنت بشتغل معاه في حاجات بسيطة في الاول كان من ورا ماما و بابا بس الي عارف بعد ما فادي اتوفي ماما عرفت يعني تقدر تقول كنت بفكر معهم في حلول من برا يعني مش بنزل اقبض علي حد ولا اقتحم ولا اي حاجة من دي انا بس ادور علي حلول
معاذ/انتي ليه بتحكيلي كل دا دلوقتي
كيان/علشان انت لازم تكون عارف كل حاجة عني و كمان بقا سعد الالفي دا كان اخر قضية امسكها و مش هتدخل تاني لاني وعدت ماما اني مش هيبقي ليا علاقة بيها كنت بس عايز انتقم منه علي الي عمله في كل الناس دي
معاذ/انا متفهم بجد لصراحتك معايا و عمتا انا مش فارق معايا اي حاجة المهم انك دلوقتي كويسة وانك مقتنعة تكوني معايا
كيان/اكيد مقتنعة
و في هذة الاثناء علي رنين هاتف كيان لتنظر الي مهاذ/دا العميد رافت
معاذ/يعني
كيان/النفروض انه هيبلغني لما سعد يتقبض عليه
معاذ بحماس ميادل لحماسها/طيب يلا ردي
اجابت كيان بسرعة/الو السلام عليكم
رافت/ وعليكم السلام
كيان/ها الاخبار اية
رافت بابتسامة لفرحتها الواضحة في صوتها/توقعك كان صح يا كيان العملية هتم تحت الارض
كيان/يعني هي لسة محصلتش
رافت/لسة بيتجمعوا و بيجبوا الناس الي للاسف مخطوفين
كيان/مخطوفين ازاي احنا مكناش نعرف حاجة زي كدا
رافت/للاسف الي كانوا بيتخطفوا في قرية صغيرة فمكانتش بتوصلنا المحاضر
كيان/طيب انا مستنيا الاخبار من حضرتك
رافت/تمام سلام دلوقتي
معاذ/متخافيش كل حاحة هتكون كويسة وانا معاكي اهو
كيان باطمائنان قليلا/ان شاء الله خير
.........................
بينما علي الجانب الاخر كان يقف عدي و فريقة في المنزل بعدما اوهموا الحراس المراقبين لهم ان هذا البيت يكون لهم وبعدما جلبوا رجال ماهرين في سرية تامة لحفر نفقا تحت المنزل يصل للمخزن وجدوا العديد من السيارات تفف امام المخزن فانتظروا قليلا حتي تاتي الشاحنة التي يوجد بها الضحايا في الاثناء الانتظار وجدوا سيارات اسعاف تدخل المخزن
عدي/شكل عربيات الاسعاف الي لسة داخلة دي هي الي فيها الناس
احد افراد الفريق(سامر)/ما ممكن يكونوا الدكاترة
عدي/ممكن، يلا هننزل النفق كدا كدا الكلام هيكون مسموع طلع سعد دا غبي عامل السور خفيف خالص
طلعت(احد افراد الفريق)/بس الفكرة جهنمية اوي
سامر/اه والله
عدي/يلا يا شباب كلوا يمسك سلاحه
ثم نزلوا الي النفق ووقف بعض منهم لمراقبة ما يحدث في الخارج حيث وضعوا زجاج الفاميه (نوع زجاج يجعلك تري من في الخارج و العكس غير صحيح) فكان ااموصوع سهلا عليهم وكانت موجموعة من العساكر و الضباط بعيدا عنهم ينتظرون الاشارة للهجوم
بعد قليل وجد هاشم (احد افراد الفريق) شاحنة كبيرة تدخل الي المخزن فتواصل مع عدي عبر اللاسلكي
هاشم/عدي باشا حول
عدي/ايوة يا هاشم
هاشم/في عربية كبيرة لسة داخلة المخزن
عدي/تمام لما تلاقي الدنيا هديت برة شوية تكلم القوات لاننا هنهجم اول ما نلاقيهم بدوا
هاشم/تمام يا فندم
تحت المخزن حيث يقف سعد وبعض عدمي الانسانية و بعض الاطباء الذين لا يصح وصفهم بهءا اللقب يجهزون المعدات للبدء في اخذ اعضاء الاطفال اولا
احد الاطباء وهو يشير الي الحارس الواقف امام الغرفة التي بها الاطفال و البنات المخطوفين/هات اول واحد
امسك هءا الرجل بطفل صغير يبكي بشدة ووضعه علي السرير و قيد يديه و قدميه والطفل لا يستطيع الصراخ لوجود قطعة قماش موضوعة علي فمة و شرع الطبيب في ميك مشرطة و قطع التيشرت الخاص بالطفل
كان عدي يسترق السمع لمعرفة ما يدور بالداخل فاشار الي فريقة للاقتخام فورا فكسروا السور واقتحموا المكان
عدي/كلوا يرفع ايده لفوق يلا
رفع الجميع يده للاعلي
طلعت/محدش يتحرك الممان كله محاصر وانتوا خلاص اتمسكتوا
اما بالخارج كانت القوات قد اقتربت كثيرا و بدؤا في اطلاق النيران علي الحراس الواقفين لحراسة المخزن و تبادلوا اطلاق النار بعدما انتهوا مِن مَن بالخارج دلفوا الي الداخل و حاولوا ايجاد المدخل المؤدي الي الاسفل فوجدوه و نزلوا الي تحت و حاوطوا الجميع
سعد/شوية زبالة والله لتندموا علي الي بتعملوه دا
عدي/احنا برضو الي هنندم
سعد/انتوا مش فاهمين لي حتجة دول يستهلوا
سامر/هنتناقش في الموضوع دا في القسم ان شاء الله
استسلم جميع من كانوا في المخزن لعدم حملهم الي اسلاحه لثقتهم في الحراس و عدم توقع دخلوهم الي هنا حيث الباب من الاعلي مخفي و ذهبوا جميعهم الي عربة البوليس و قام بعض من الفريق الي اخذ الاطفال و البنات الي عربات اخري الي مديرية الامن
................................
عودة اخري الي كيان و معاذ كانوا مازلوا يتحدثون حول اشياء كثيره ليرن هاتف كيان مرة اخري
كيان/ربنا يستر
معاذ/العميد رافت
كيان/ايوة، الو
رافت/مبارك يا كيان سعد في طريقة الي مديرية الامن
كيان بفرحة شديدة و قد امسكت يد معاذ دون قصد منها/قول والله الحمدالله.... بجد الحمدلله
رافت/بجد انا فخور بيكي
كيان/شكرا جدا مكنتش هعرف احقق دا كله من غير حضرتك من غير فريق عدي كمان
رافت/انتي ليكي فضل في ترقية عدي دلوقتي علي فكرة
ضحكت كيان/طب دا كويس اوي
رافت/اسيبك بقا تحتفلي براحتك
كيان/ماشي يلا سلام، ثماغلق الخط
معاذ/اية الي انا استنجته دا صح
كيان/ايوة صح انا فرحانة اوي، ثم ادركت انها تضع يدها في يده فسحبتها/انا اسفة ماخدتش بالي
معاذ/حصل خير، هو مال عدي بالموضوع
كيان/هو الظابط المسؤول عن القضية اصلا انا بس ساعدته
معاذ/انتي بتحبي الورد
كيان/بعشقه
همس معاذ لنفسه/طب عقبالي
كيان بابتسامة/بتقول حاجة
معاذ/بتحبي نوع معين
كيان/التوليب و النرجس
معاذ هو ياخذ نقود من محفظته ووضعها علي الطاولة/طب يلا قومي معايا
كيان/علي فين
معاذ/تعالي بس و بعدين هروحك
كيان/انا معايا عربيتي
معاذ/خلاص تعالي بس و بعدين روحي
ذهبت كيان مع معاذ ليقف معاذ بعد قليل امام محل لبيع الزهور و اشتري لها ورد التوليب و النرجس البري والاقحوان ايضا واعطاهم لها لمعرفته بعشقها لهذة الانواع
معاذ/و ادي ورد لاجمل وردة
كيان بخجل/انت جايبة ليا بجد
معاذ/ايوة جايبه ليكي انتي، بس عارفة انا استغربت انك بتحبي الورد
كيان وهي تضم الورد لها /ودا ليه
معاذ/اصل ازاي يعني بتحبي الورد و انتي احلي منه
كيان بخجل ادي الي احمرار وجنتيها/ش.... شكرا يلا بقا سلام العربية اهي، ثم انطلقت الي سيارتها لتركب فيها و تاخذ نفسا عميقا تهدئ من سرعة ضربات قلبها

...............................
"عفا الله عنكِ..
أكنتِ تظنين أني أستطيع أن أحيا من بعدك ساعةً واحدة أتمتع فيها بالحياة وطيبها، والدنيا ونسيمها، فأوصيتِ بما أوصيتِ به إليّ؟
إنك لا تعلمين أنك روحي التي أحيا بها في هذا العالم، ودنياي التي أتنسم فيها رائحة السعادة والهناء، وأن اليوم الذي يخلو فيه مكانك من الدنيا هو آخر عهدي بالعالم وما فيه."

- المنفلوطي.
........
الي اللقاء
دمتم سالمين