القدر

لقاء اخر))!

(فَدَعَا رَبَّهُۥۤ أَنِّی مَغۡلُوبࣱ فَٱنتَصِرۡ)

- أحيانا تضيق علينا الدنيا ويزداد الظلم شراسة فتضعف قوانا ونفقد حتى قدرتنا على المواجهة..

- ولكن المؤمن سلاحه الأول
الذي لا يضعف أبدا هو الدعاء والاستعانة بالله..

- فيا من ظُلِمت وضعفت قواك امسك سلاحك بقوة وادعو ربك كما دعاه سيدنا نوح عليه السلام
وأبشر بنصر الله...

#د_محمد_الغليظ. 💚💚💚💚💚💚💚💚💚💚💚💚💚💚💚💚💚💚💚💚💚💚💚 🕊️""".
...............................
كان معاذ يستند علي سيارته ينتظر أبناء خالته وبعد قليل ظهر عبدالله/ازيك يا معاذ
معاذ/الحمدلله،اخبارك ياعريس
عبدالله/الحمدلله
معاذ/منة وخديجة جوا
عبدالله/دا بجد عرفت ازاي
معاذ/كنت لسه بكلم منة وقالتلي
عبدالله/قولتلها أن احنا جايين
معاذ/لا قولت نطب عليهم
عبدالله/اشطا نستني عدي وندخل كلنا
وأثناء حديثهم جاء عدي
عدي/السلام عليكم عاملين ايه يا ولاد
معاذ/الحمدلله ، عاش من شافك
عدي/مشاغل بقا هنعمل ايه
عبدالله/مش يلا
"يلا"قالها كلا من معاذ وعدي
بدوا في البحث عن الاشياء الذي يريدها عبدالله وايضا قرر معاذ وعدي التسوق بالمرة ومن بعدها البحث عن الفتيات
بعد قليل
معاذ/عدي مش انت ظابط وجامد بقي وكدا
عدي/اه في ايه
معاذ/عايزك في خدمة
عدي/قول
عبدالله/في ايه يا معاذ قلقتني
معاذ/متقلقش مفيش حاجة عايز رقم تليفون حد
عدي/مين
معاذ/هتعرف بس ولا لا
عدي/هو دا مش تخصصي بس ممكن اخلي حد يجبهولك
معاذ/حلو اسمه محمد الابراهيمي
عبدالله/ودا عملك ايه
معاذ/والد واحدة عايز اتقدم لها
عبدالله/متقول ك.......اية ونظر له بصدمة انت قولت ايه
عدي بفم مفتوح من الصدمة/دا بجد بقا ولا ايه
معاذ بضحك/بتكلم بجد والله
عدي/اخيرا معاذ قرر يخطب
معاذ/بصراحة من ساعة ما شوفتها وانا مش عارف اطلعها من دماغي
عبدالله/مبروك يا معلم هيبقي عندنا عريس تاني اهو
معاذ/احنا لسه علي البر يابني
عدي/وهي بقا اسمها ايه
معاذ/اسمها كيان.كيان محمد الابراهيمي
عدي/حاسس اني سمعت الاسم دا قبل كدا
عبدالله/عرفتها ازاي
معاذ/في كتب كتاب إسراء
قص معاذ كل شيء لأبناء خالته وكانوا يعبرون من أمام محل لبيع أحذية وجدوا جلبة وأصوات عالية ولكنهم لا يضعون في بالهم ولكن توقف معاذ لانه سمع صوت شقيقته
معاذ/منة جوا يا عبدالله استني
عبدالله/منة انت متاكد
معاذ/ايوة انا سمعت صوتها
قبل قليل
كانت الفتيات تتجول ليدخلوا الي هذا المحل المخصص لبيع الأحذية ليدخلوا
منة/لا مش دا يا كيان انا عايزة واحد ابيض فلات
كيان/ماشي بس دا حلو اوي
منة/مش بحب البس كعب
كيان/طب بصي دا
كانت خديجة تقف بعيدا عنهم تتحدث في الهاتف لتري هذا الرجل يحاول الاقتراب من كيان مرات عديدة لتغلق الهاتف وتذهب لهن وقررت قبل أن تحكم عليه لتراقبه اولا ولكنه استمر في الاقتراب يريد اخد الحقيبة من يديها وكيان لا تأخذ بالها
خديجة/هو في حاجة يا استاذ
نظرت كيان الي الرجل ووقفت بجانب خديجة هي و منة ايضا
الرجل/انتي بتتكلمي معايا انا
خديجة/ايوة حضرتك عمال تقرب منها في اية
الرجل بتوتر/انا بدور علي حاجة وهي واقفة قدامي
كيان/انا لاحظت الموضوع وقولت يمكن صدفة لكن انت زودتها اوي وخبطت فيا مرة واعتذرت وسكت عايز ايه بقا
جاء جميع من بالمكان لمعرفة ما يحدث
احد العاملين بالمحل/ممكن حضرتك تهدي
كيان/انا هادئة علي فكرة اتفضل اطلب الأمن
الرجل وهو ينسحب للخلف ولكن لاحظت منة ذلك لتمسكه من ياقة قميصة/علي فين كدا
الرجل/انا همشي بس علشان الآنسة شكلها عايزة تتخانق
منة/لا احنا كلنا هنتخانق وانت مش هتمشي من هنا بقي عايز تسرق منها الشنطة ونسيبك
الرجل/لا انا مش عايز منها حاجة ودا سوء تفاهم وانا ماشي خلاص
في ذلك التوقيت تدخل الشباب
عدي/منة في ايه
معاذ/الراجل دا عملك ايه
عبدالله/منة انتي كويسة
منة/الراجل دا كان عايز يسرق شنطة كيان وخبطها مرة واعتذر فهي قالت إنه مش قصده خلاص بس طلع بيستعبط
عدي/طب سيبيه كدا وانا هتصرف
معاذ/يلا يامنة انتي وخديجة وأنسة كيان قدامي
ذهبت الفتيات مع معاذ للجلوس في أحد الكافيهات وبقي عدي وعبدالله لإنهاء هذا الموضوع
بعد قليل
جاء عدي وعبدالله
عدي وهو ينظر الي كيان/خلاص كل حاجة خلصت متقلقيش
كيان/شكرا تعبت حضرتك
منة/انتي بتقولي حضرتك لمين يا كيان دا عدي استني اعرفك دا عدي ودا عبدالله خطيبي
عبدالله بمقاطعة/وجوزها كمان كام يوم
كيان/ربنا يتمم لكم علي خير
منة بتكملة/ وهما ولاد خالتي في نفس الوقت ودا معاذ اخويا انتي عارفة
كيان/اتشرفت بمعرفتكم
"الشرف لينا"قالها الجميع
عبدالله/خلونا نطلب حاجة نأكلها
خديجة/انا لازم امشي
معاذ/ليه بس
خديجة/مجد روح وكمان هروح اجيب البنات من عند ماما خلاص بقا
منة/احنا اكلنا اصلا فهنشرب حاجة وانتوا كلوا
عدي/اه يلا علشان جعان
ثم أشار إلي النادل لياتي وياخد طلباتهم حيث طلب الشباب طعام وطلبت كلا من منة وكيان مشروب
عدي وهي يميل علي معاذ حيث كان يجلس بجانبه/مالك كدا
معاذ/مفيش
عدي/عليا انا بردو
معاذ/ياعم مفيش حاجة
عبدالله/حرام كدا
عدي/ايه في ايه
عبدالله/حرام أن اتنين يتكلموا بصوت واطي في وسط مجموعة
معاذ وعدي باحراج/تمام
بعد قليل جاء النادل ليضع كل ما طلبوه
كيان/انا لازم امشي الساعة بقت ١١
منة/ماشي ياروحي مع سلامة خلي بالك من نفسك
كيان/تمام يا روحي سلام عليكم
الجميع/وعليكم السلام
معاذ/تحبي اوصلم يا آنسة كيان
كيان/لا شكرا لحضرتك انا معايا عربيتي
عدي/توصلي بالسلامة
وهكذا انتهي اليوم ليذهب كلا الي بيته ليستريح من شقاء هذا اليوم والاستعداد ليوم اخر
...................................
في منزل علي الرشيدي
دلف عدي وعبدالله
عبدالله/استني هنا
عدي وقد كاد أن يدلف الي غرفته
عدي/عايز ايه
عبدالله/محكتليش ايه الموضوع
عدي/قابلت سارة انهاردة في القسم
عبدالله/دا بجد
عدي/اها صدفة غريبة اوي
عبدالله/ اسمه قدر ومكتوبلكم بس معقول يعني بعد كل السنين دي
عدي/بجد كان نفسي اقابلها اوي
عبدالله/طب الحمدلله ناوي تعمل ايه
عدي/مش عارف حاسس اني متلغبط اوي
عبدالله/اوعي تعلقها بيك وتسبها وتكون دي مشاعر الطفولة لسه انتو كبرتوا خلاص
عدي/اكيد لا يعني انا عاوز اخطبها انا عارف انها بسرعة كدا بس لو دي كانت مشاعر طفولة اكيد كنت هنساها مع الوقت لكن أنا بقالي سنين فاكرها وفاكر تفاصيلها كلها انا متاكد ان المشاعر دي مشاعر حب
في هذا الوقت شعرت ايمان بحركة في الخارج فخرجت لتسأل ابنائها ما إذا كانوا يريدون شئ وسمعت ما قاله عدي
ايمان/عدي
نظر لها عدي/نعم يا ماما
ايمان بدموع/انت شوفت سارة
عدي/ايوة
ايمان بفرحة عارمة أنه واخيرا وجد ابنها ضالته /بجد ريحتني اوي انت شوفت رانيا
عدي/لا مشوفتش طنط رانيا لاني قابلت سارة في القسم
ايمان باستغراب/ايه
قص عدي كل شيء لامه و أبيه حيث خرج ابية لتاخر زوجته لأنهم كانو سوف يخلدون للنوم لولا سماع ايمان لأصوات ابنائها بالخارج لتقرر الذهاب اليهم و اخيه/وبس كدا
علي/الحمدلله يا حبيبي
عدي/وأسر اتجوز من شهور وجميلة اتجوزت ومعاها ادهم وآسيا
ايمان/طب الحمدلله
علي/انت تجبلي رقم بابها ونروح نقابلهم لأن ابراهيم وحشني اوي
عبدالله/بابا انتوا مش كنتو صحاب ازاي مش معاكم رقم بعض
علي/لأن بعد الي حصل في بيتهم احنا نقلنا علشان شغلي وبعدين سافرنا برا ومع الوقت انقطعت مقابلتنا والارقام اتغيرت بقا وكدا
عدي/وانت مكنتش عارف مكان شغله
علي/المحل بتاعه الاول حصلت فيه مشكلة وسابه ونقله مكان تاني وانا مكنتش اعرف مكانه
ايمان/انتوا اكلتوا يا حبايبي
عبدالله/ايوة يا حبيبتي
علي بنظرة نارية/حبك برص يا بغل متولقهاش حبيبتي دي
عبدالله/حاضر يا فندم يلا تصبحوا علي خير
وخلد الجميع الي النوم وانتهي يومنا اخيرا
...........................
في صباح اليوم التالي
معاذ وقد دلف إلي هذه البناية لمقابلة اخلائه
معاذ وهو يفتح الباب/ايه دا مش معقول سامي وصل اول واحد ايه الي حصل في البلد
جواد وهو يدلف/لا بجد ايه الي حصل يا سامي
سامي/خلصتوا تحفيل انا متحمس اوي فعلشان كدا جيت بدري
معاذ/اه تمام
جواد/انا مفطرتش
"ولا أنا"قالها معاذ وسامي معا لينظرا الي بعض ويضحكان ليشاركهم جواد الضحك
جواد/خلاص ننزل نشتري اي حاجة نأكلها
معاذ/ماشي
سامي/هنزل انا
معاذ/ماشي واحنا هنظبط الدنيا
ليذهب سامي لجلب الطعام وظل معاذ وجواد في ترتيب المكان
بعد قليل جاء سامي ليبدوا في تناول الطعام في جو ملئ بالمرح والدفء لهولاء الأصدقاء النادر وجودهم
جواد/وايه هي الخطوة الجاية
معاذ/في خطوتين
سامي/الأولي أن احنا نستقيل من الشركة الي احنا بنشتغل فيها
معاذ/التانية نقدم اعلانات علي النت وفي الجرائد
جواد/تمام خلاص هانت حقيقي ربنا يدينا لبعض ويديم لمتنا
معاذ وقد انتهي من تناول الطعام/يلا نعمل اول خطوة علشان مينفعش نعمل اي اعلانات واحنا لسه بنشتغل
"يلا"قالها سامي وجواد ليذهبوا الي شركتهم
.............................
كانت كيان تجلس في مكتبها ليرن هاتفها
كيان/الو
......./ها عملتي حاجة جديدة
كيان/خلاص بقا تحت المراقبة
......./متأكدة انك هتعرفي تعملي كدا
كيان/محدش هيجيب حقه غيري انا واه انا اقدر
...../لولا باباكي انا مكنتش هوافق ابدا ادخلك العملية دي لانها خطر جدا وانا واثق فيكي وخلي بالك الموضوع مش سهل خالص انتي لو اتكشفتي مش بعيد تحصليه
كيان بخنقة/عارفة انا بكرة هروح المستشفي واحاول أقابله
....../تمام وانا هخلي حد يراقب المستشفي من برا علشان لو حصل أي حركة غدر يلا سلام
كيان وقد امتلأت عيونها بالدموع/سلام
وأغلقت الخط لتمسح دموعها بصعوبة لاحتيجها للبكاء لتقرر اكمال عملها وبعدها الذهاب الي مكانها الذي ترتاح كثيرا به
بعد مرور الكثير من الوقت ذهبت كيان الي خديجة لأخذ اذن الانصراف لتسمح لها وتأخذ سيارتها وتذهب الي النادي وصلت بعد القليل من الوقت و ذهبت تجاه الاسطبل المخصص للاحصنه لتركب حصانها التي تعشقه بشدة

........................
مدّعي النسيان لم يكن لينسى يوما، وناكر الحب قلبه قد شغف حبا، والصامتُ في عقله حرب معلنة، وذلك الثرثار يريد البكاء ولكن الدمع استعصى، ومن اعتزلَ الناس أدرك بأنَّ لنفسه عليه حقاً وأنهم سلبوا منه حقّه، المتخلي تمسَّك بقوة حتى تقطعت يداه وأشفق عليه قلبه، والذي هجر رأى أنه من ترك شيئا لله سيعوضه خيرا.
دائماً ماخفي كان أقسى، أكبر، أعظم...

ـ جود حوري

الي القاء
دمتم سالمين ♥️♥️♥️
ياتري ليه ايمان وعلي قالو لعدي الحمدلله؟
هل حصل حاجة ولا عادي؟
ياتري معاذ و جواد و سامي هيعرفوا يحققوا الي بيسعوا ليه من زمان ولا هتقابلهم صعوبات؟
وياتري كيان بتعمل ايه وزعلت ليه؟
مين هو الي بتكلمه كيان دا؟
مين هو الي كيان عايزه تنتقم له؟
اتمني تشاركوني أراكم.❤️❤️