القدر

نهاية قصة وبداية اخري)))!

*"لا داعي للقلق، كُلُّ شيءٍ سينتهي، وكُلُّ شيءٍ سيصبح بخير، وعلى ما يُرام.. شعورك بالتَّشَتُّت الآن لا يعني أنك ستبقى هكذا طويلًا، بطريقةٍ ما ستأخذ الأمور مسارها الصحيح، فوضى الأفكار في رأسك ستترتَّب، القلق الذي يسكنك ستحلّ الطمأنينة مكانه، القرارات التي تتخبَّط فيما بينها سيختار الله لك أصلَحها مادُمت قد استخرته و دعوته و صبرت، و الغد الذي كان كابوسًا غير واضح المعالم سيصبح واقعًا جميلًا. فقط المزيد من الصبر و الدعاء، و الثقة الحق في ربِّ الأرض والسماء"))💚💚💚💚💚💚💚💚💚💚💚💚💚🕊️""".*
______________________________________
بعد مرور العديد من الايام كان عدي و سارة يتجهزون لإقامة حفل زفافهم واخيرا حيث انتهي عدي من تجهيز الشقة الخاصة بهم قريبا من عائلة سارة وكان أيضا معاذ ينهي شقته هو و كيان في نفس البناية التي اختارها عدي و سارة ليكونوا معا و بالقرب من عائلة كيان و سارة تحت رغبة ابراهيم و محمد
في صباح يوم الزفاف المنتظر كان عدي يتجهز في غرفته ومعه معاذ و عبدالله و شادي و يزيد (صديق عدي) وبالطبع ادهم بينما في الغرفة المجاورة كانت سارة ومعها منة و جميلة و اسيا وفي الاسفل كانت التجهيزات تقام علي قدم و ساق تحت إشراف كيان
كيان وهي تمسك بورقة و قلم في يدها وتنظر الي العمال أمامها
كيان/معلش يا اسر حط الفرع دا هناك كدا
اسر/تمام يا بشمندسة
كيان/حلو اوي دا يا سهي بجد شكرا
سهي/علي ايه بس يا يشمهندسة دا كله بفضل ربنا وبفضلك طبعا
ابتسمت لها كيان وتاكدت أن كل شي علي ما يرام و صعدت لغرفة سارة
كيان وهي تدخل من باب الغرفة بعدما فتحت لها ميرا التي أتت الان هي و اسر/اية دا هي الميكب ارتست لسة مجتش
سارة/كلمتها وقالت نص ساعة و توصل
منة/وهتلحقي تخلصي يا سارة يعني
سارة/أن شاء الله انا كدا كدا مش هحط ميكب اوي عايزة ملامحي تبان و شعري عملته امبارح
ميرا/انتي هتقلعي الطرحة في فرحك يا سارة
سارة بخضة/اكيد لا انا عملت شعري عادي
كيان/خضتينا يا بنتي حرام عليكي
سارة/هو انتي مش كنتي معايا وانا بجيب الفستان يا كوكي
كيان/اه صحيح ايه دا
منة/انتو خلصتو شقتكم يا كوكي
كيان/ناقص حاجات بسيطة خالص
منة/ربنا معاكم يا حبيبتي
امن الجميع علي دعاء منة وأتت رانيا و شادية
رانيا/ايه يا بنات عاملين اية
"الحمدلله"جاء الرد من جميع الفتيات التي بالغرفة
اسيا وهي تجلس علي قدم رانيا/تيتا هو انتي هتكوني في البيت لوحدك انتي و جدو كدا
نظرت لها رانيا بحزن ثم نظرت لسارة
سارة/اكيد لا يا روحي احنا علي طول هنكون مع تيتا و جدو وبعدين انا شقتي جنب تيتا اوي فهكون قريبة منها و كمان خالو اسر ماهو كمان جنبها
ترقرت الدموع في عين رانيا ولم تستطع منعها من النزول
شادية/انتي بتعيطي ليه دلوقتي بس يا رانيا
رانيا/انا بس مش متخيلة أن سارة الطفلة الصغيرة الي كانت بتلعب بعروستها كبرت و كمان هتتجوز
احتضنتها شادية/دي سنة الحياة يا حبيبتي
وقفت سارة وذهبت لأحضان امها/متعيطيش بقا يا ماما لاعيط انا كمان
مسحت رانيا دموعها/اهو خالص مبارك يا عيوني ربنا يتمملك علي خير
حضنت سارة امها/ربنا يديمك في حياتي يا امي
جميلة/هو اية دا بقا انا كمان عايزة حضن
فتحت رانيا أحضانها لها/ربنا يديمكم ليا يا حبايبي،تعالي يا ميرا
دخلت ميرا في أحضانها هي الأخري وشاورت رانيا لكيان و منة أن ياتوا ودخلوا في حضنها
شادية/ايه يا رانيا يا حبيبتي حضنك واسع اوي كدا
طرق الباب ودلفت الميكب ارتست
جيهان(الميكب ارتست)/السلام عليكم
شادية/وعليكم السلام
جيهان/انا بجد بعتذر علي تأخيري
رانيا/عادي يا قمر ولا يهمك
جيهان/ها فين بقا العروسة
سارة/انا اهو
جيهان/ماشاء الله انتي مش محتاجة ميكب كتير
سارة/انا كنت اصلا هقولك اني مش عايزة ميكب كتير يخفي ملامحي
جيهان/طب يلا
ثم بدأوا في التجهيزات وارتدت كل فتاة فستانها
_____________________________________________
في غرفة الشباب
كانوا يضعون المسكات علي وجوهم فطُرق الباب ليذهب عبدالله و فتح الباب وتركه مفتوح دون أن ينظر إلي الطارق ليستغرب اسر ويدخل و يغلق الباب خلفه
اسر/هو في ايه،ايه دا الي انتو عاملينه دا
معاذ/تعالي يا اسورة يا قمر اقعد هنا
استغرب اسر وجلس بجانبهم حيث يجلسون جميعا علي السرير/هو في اية
عدي/اصل عبدالله و يزيد قرروا أننا لازم اعمل ماسك والباقي بقا شبط معايا فتعالي أما احطلك انت كمان،ولم يعطي لأسر الفرصة كي يجيب ووضع له،خليك بقا كدا نص ساعة وهتبقي بتلمع كدا
اسر/انت مصدق الي بتقوله دا
عدي/اهو تضيع وقت لحد ما البنات يخلصوا اصل دول يومهم بسنة وانا خلاص حلقت شعري ناقص البس البدلة واكون خلصت
اسر/والله يابني معاك حق
وجلسوا يتسامرون حتي حل الليل و جاء المأذون وكان في انتظار العروسين
دلف ابراهيم الي غرفة ابنته ليخرج الجميع من غرفة ليتركوهم معا
ابراهيم/جاهزة يا سارة
اومات سارة برأسها
ابرهيم/انتي عارفة غلاوتك عندي يا حبيبتي مش كدا
سارة/اكيد طبعا يا بابا
ابراهيم/فراقك صعب عليا اوي يا روح بابا
سارة/ماهو عدي جاب شقة قريبة منك يا حبيبي اهو
ابراهيم/مبارك يا عيوني ربنا يتمملكم علي خير
احتضنت سارة أبيها/ربنا يديمك ليا يا حبيبي
ابراهيم وهي يمسح عينيه/طب يلا بقا ننزل لاحسن دا مجنون و ممكن يطلعنا هنا
ضحكت سارة ووضعت يدها بيدي أبيها وتوجهوا للاسفل/يلا
كان يجلس عدي علي الطاولة التي سوف يعقد كتب كتابهم عليها ينتظر نزول سارة مع أبيها وهو متوتر بشدة واخيرا رآها تنزل دق قلبه بشده لرويتها بالفستان الابيض لا يصدق أنها بعد قليل فقط ستصبح زوجته حلم طفولة يتحقق أمامه الان كم هي جميلة و بشدة يريد أن يقف و يأخذها في أحضانه ويخبأها عن أنظار الجميع الذين يتطلعون عليها فاق علي وضع يد ابراهيم في يده وبعد مدة ليست طويلة نطق المأذون بكلمته الشهيرة والتي ينتظرها كلا من عدي و سارة بشدة"بارك الله لكما وبارك عليكما وجمع بينكما في خير" ليقف عدي ويأخذ سارة في أحضانها ولم يقل بأي كلمة
بعد قليل آفاق عدي علي تربيت سارة علي ظهره
عدي/لاول مره بقولك يا سارة انا بجد بحبك أو انا عديت المرحلة دي من زمان انا بعشقك و مقدرش اعيش من غيرك عارف ان الكلام دا متأخر بس انا مكنتش عايز اقولها غير وانتي حلالي
سارة وقد تجمعت الدموع في عينيها/انا بحبك اوي يا عدي
عدي/انا دلوقتي راضي و فرحان جدا أن نهاية قصتي هتكون معاكي انتي أن بعد كل التعب دا انتي مكافئتي في النهاية
سارة/وبَعد كُل هذا العَناء وجدتُكَ يا عُدي
ثم دخلت لاحضانة مرة أخري فقاطع وقتهما معا ابراهيم
ابراهيم/ما خلاص بقا وتعالي يا عدي عايزك
انزل عدي سارة من أحضانه برفق وهو يضحك/انت غيران مني يا عمي
ابراهيم بغيرة/اغير منك انت خلص عايزك
جاءت الفتيات للمباركة لسارة و جاء أيضا الشباب ليبركوا لعدي
عدي/اتفضل يا عمي قولي
ابراهيم/انت عارف سارة بالنسبة ليا اية يا عدي مش كدا
عدي/طبعا عارف
ابراهيم/حافظ عليها يا عدي اوعي تزعلها في يوم يا بني هي بتحبك اوي بل دي روحها فيك واظن انا قولتلك قبل كدا ايه الي حصلها
عدي/اوعدك يا عمي اني عمري ما هزعلها مني
ابراهيم/وانا واثق في دا لاني شوفت حبك ليها في عينك
ثم احتضنه و توجهوا لقضاء حفل زفافهم
بعد مرور بعض من الوقت
عدي وهو يجلس بجانب سارة في الكوشة
عدي/بس غريبة اوي يعني سارة
سارة/هي ايه دي
عدي/انك مسالتنيش هنقضي شهر العسل فين
سارة/واحنا هنعمل شهر عسل
عدي/اصلا،يابنتي انا مش سالتك من فترة وقولتي اي حاجة
سارة/حصل ففكرتك طنشت
عدي/اطنش اية بس
سارة/طب هنقضي شهر العسل فين يا دودو
عدي/دودو؟؟!
سارة/اه انا قررت اقولك دودو بعد كدا لأن كلهم بيقولك يا عدي
عدي/عمتا انتي تقولي الي انتي عايزاه
سارة/ماتقول بقا هنروح فين
عدي/هلففك العالم
سارة/الي هو ازاي
عدي/مش دا كان حلمك من زمان أن يوجين يساعد ربانزل تكتشف العالم فدا الي انا هعمله
سارة/انت بتهزر صح
عدي/والله ما بهزر
سارة/والله بحبك يا مجنون
وهكذا انقضي اليوم في سعادة تحوم بين الجميع فرحة لهذا الثنائي الذي عاني كثيرا لكي يلتقوا
_________________________________________
_____
كان معاذ قد ترك لكيان كافة الأمور المتعلقة بالشقة الخاصة بهم كانت كيان تقف في منتصف الشقة تتأكد من كل شئ قد تم كما كانت تريد فهي من قامت بتصميم الشقة بمساعدة معاذ في عدة الأمور كانت تأخذ براية وكان في كل مرة يخبرها أنه يثق في اختيارها وتفعل هي ما تشاء ولكنها كانت تريد أخذ رأيه في كل شيء
معاذ وهو يهاتفها/قوليلي ناقص حاجة اجبهالك
كيان وهي تخرج من المنزل وتغلق خلفها الباب بالمفتاح/لا احنا خلصنا كل حاجة
معاذ/متأكدة
كيان/والله لسة مخلصه اهو واتاكدت أن كل حاجة تمام
معاذ/وانا كمان خلصت ورق العمرة
ابتسمت كيان/دا بجد
معاذ/اه والله،كمان اسبوع أن شاء الله
كيان/الحمدلله،بس عدي و سارة هيعرفوا يجوا
معاذ/ايوة انا قولت لعدي وقال إنهم أن شاء الله هيجوا وبعدين يرجعوا تاني
كيان/كويس اهي رانيا تشوف سارة لاحسن دي هتموت و تشوفها
ضحك معاذ علي كلامها/ عايزة تفهميني أن شادية مش هتكون كدا هي كمان
كيان بضحكة/لا هتكون اكتر من كدا
ضحك معاذ/هتروحي ولا رايحة مكان تاني
كيان/هروح
معاذ/تمام توصلي بالسلامة
كيان/سلام
ثم أغلقت هاتفها وتوجهت نحو منزلها
قبل قليل في المنزل كانت تجلس شادية أمام التلفاز وهي شاردة لياتي محمد و يجلس بجوارها
محمد/مالك يا روحي اية الي واخد عقلك كدا
أفاقت شادية علي صوته/بتقول حاجة يا محمد
محمد/لا دا شكله موضوع مهم اوي،مالك سرحانة في اية كدا
ابتلعت شادية ريقها/مفيش
محمد/علي مودي يعني
شادية/كيان هتسيب البيت و تمشي يا محمد
محمد/يا روحي احنا شرطنا علي معاذ أن بيتهم يكون قريب مننا والولد جابه في نفس الشارع
شادية/ازاي يعني عايزني اصحي ملقيهاش في البيت وتقعد تفطر معانا مش قادرة اتخيل الموضوع صعب صدقني
جذبها محمد في أحضانه/يعني انتي فكرك أنه سهل عليا بس دي سنة الحياة يا حبيبتي
شادية وقد انهمرت دموعها/هتوحشني اوي
محمد وهو يربت عليها/طب اهدي بس و امسحي دموعك دي لاحسن تيجي تشوفك كدا تقول مش متجوزة وتفضل قعدلنا هنا
شادية وهي تمسح دموعها بسرعة/لا دي بتحب معاذ اوي
محمد/طب ما انتي عارفة اهو بتعيطي لية بقا وانتي متأكدة أنها هتكون مبسوطة
شادية/خلاص انا مش هعيط اهو كلمها بقي شوف هي فين وانا هقوم احضر السفرة
كادت تقوم وجدت كيان تدخل للمنزل
كيان/السلام عليكم
محمد و شادية/و عليكم السلام
محمد/حمدالله على السلامه
كيان/الله يسلمك يا حبيبي،ماما انا جعانة اوي انتو اكلتوا
شادية/لا لسة كنت بقول لمودي يكلمك يشوفك فين
كيان/وانا جيت اهو هدخل اغير هدومي
محمد/يلا يا حبيبتي
_________________________________________________مر هذا الأسبوع بسرعة علي ابطالنا اتي عدي وسارة من رحلتهما الأولي التي استمرت لاسبوع من اكتشاف العالم كما وعد عدي سارة و سعدت رانيا و ايمان برويتهم والسعادة المرسومة علي ملامحهما
كانت استعدادت عقد قِران معاذ و كيان تقام في مكان بعيد عنهم قليلا حيث قال معاذ أن تتركه كيان يختار مكان إقامة عقد القِران فوافقت دون جدال لأنها تثق به و باختياره
تجهزت كيان و وضعت القليل فقط من مساحيق التجميل لكل لا تخفي ملامحها وارتدت فستان زفافها ودلف إليها أبيها ليصطحبها لمكان عقد القِران وجدها تشبه الملاك في فستانها الرقيق الاكثر من رائع فادمعت عينه وأخذها باحضانه
محمد/ مبارك يا حياتي، بس مبتفكريش ترجعي في كلامك و اخدك و نرجع البيت
كيان/ولو انت عايز انا موافقة
منة/بتتخلي عن اخويا يا كيان
كيان/اكيد لا بس دا بابا برضو يا منة
منة/طب انا هقوله
محمد/لا خلاص هي بتقول كدا علشان تراضيني ،هي اصلا متقدرش تعيش من غيره
خجلت كيان بشدة/بابا
محمد/ايه يا روح بابا هو انا كدبت
شادية/مش يلا بقا علشان معيطش ليكم هنا وهي زي القمر كدا،وذهبت لاحتصانها،مبارك يا حياتي
بادلتها كيان العناق/بارك الله في عمرك يا امي
محمد/طب يلا بقا علشان نلحق الشمس قبل ما تغيب
كيان/يلا
ثم توجهوا الي سيارة محمد للذهاب الي الموقع الذي بعثه معاذ الي محمد
وبعد نصف ساعة كانوا قد وصلوا جميعا للمكان المنشود لينزل الجميع
الهام/ماشاءالله تبارك الله قمر يا حياتي
ذهبت كيان لاحضانها/دي عيونك الي قمر يا اِلي
الهام/مبارك يا حياتي
كيان/الله يبارك فيكي
لياتي المأذون فذهب الجميع نحو الطاولة المخصصة لكتب الكتاب كان معاذ يقف ينظر لمن سرقت قلبه من أول نظرة ووقع أسيرا لعيناها البنية التي تشبه حبات القهوة المفضلة له يراها تشبة الفراشة في هذا الفستان الابيض الجميل بينما نظرت كيان له تري من كان لها عوضا لها في حياتها ووقعت في بحور عشقه دون أن تلاحظ هذا فهي الان لا تستطيع العيش بدونه كما قال أبيها يرتدي بدلته السوداء التي زادته جمالا ليفق كلاهما علي صوت عبدالله/مش يلا علشان نكتب الكتاب ونعلي الجواب ولا اية
ليتجهوا نحو الطاولة ويقول المأذون بعد قليل وطول انتظار للعروسين"بارك الله لكما وبارك عليكما وجمع بينكما في خير"ليقف معاذ ويذهب تجاه كيان لتدخل هي دون أي مقدمات في أحضانه ليبادلها هو بصمت دون أن يتكلم أحدهما
معاذ بحب كاد يفيض من عينيه/بحبك اوي يا كياني
كيان/وانا بعشقك شكرا لوجودك يا معاذي
معاذ/انا مش عارف اوصفلك مشاعري دلوقتي حرفيا
كيان/كفاية عينك قالت كل حاجة حاجة
لتنزل من أحضانه/يلا خلينا نتصور قبل ما الشمس تروح
معاذ وهو يمسكها من مرافقها/ مقولتليش رايك في المكان
كيان وهي تنظر حولها/حرفيا دا تحفة بجد،طلع ذوقك يجنن يا معاذ
معاذ/يعني بجد عجبك ولا بتقولي كدا و خلاص
كيان/هو انا هكدب عليك يعني المكان بجد تحفة
حيث كان يطل علي النيل ومُزين بالون الابيض و ورود بيضاء و توجد أشجار في المكان ووقت الغروب فكان في غاية الجمال
ثم قاموا بالتقاط العديد من الصور بالعديد من الوضعيات في جو ملئ بالبهجة و الفرح وجاءت لحظة الصورة الجماعية للعائلة بأكملها
ليمسك معاذ يدي كيان وينظر في عينها بعمق و يقول "فتلاقت الأرواحُ بعد شتاتِها
وحنَا علينا العُمرُ وابتسمَ القدَر!"
_________________________________________________"عفا الله عنكِ..
أكنتِ تظنين أني أستطيع أن أحيا من بعدك ساعةً واحدة أتمتع فيها بالحياة وطيبها، والدنيا ونسيمها، فأوصيتِ بما أوصيتِ به إليّ؟
إنك لا تعلمين أنك روحي التي أحيا بها في هذا العالم، ودنياي التي أتنسم فيها رائحة السعادة والهناء، وأن اليوم الذي يخلو فيه مكانك من الدنيا هو آخر عهدي بالعالم وما فيه."

- المنفلوطي.
واخيرا ولاخر مرة أخبركم في هذه الرواية الي اللقاء
دمتم سالمين ♥️ حابة بجد اعرف رايكم وأتمني تكون نالت اعجابكم
البدايه ٢٠٢٣/٩/٢٥
النهاية ٢٠٢٤/٢/٣